यूहन्‍ना 4:41 - थुलुङ राई

⁴¹ मेम्‍मा उनी सिजेम थो़म्‍डिमका हापा मु़चु़का गुमीडला थो़र बेम्‍डी।

यूहन्‍ना 4:41 Referans Kwoze

थु़र्मा 1:8

लावो माम्‍चु़नी-पेल गानीगोडा योमिमा यु़म ल्‍वानी। मेकोतिमा यरूशलेमडा, खोत्‍ले यहूदियाडा, सामरियाडा, मा सुबु बिर्खोपसम्‍म गानी आमा दुथाम सो़पा दु़म्‍नी।”

थु़र्मा 8:12

लावो फिलिपका मेर्मिमलाई माम्‍चु़नीकु किब्‍दीकु दुथाम नुङ येशू ख्रीष्‍टकु नङकु दुथाम जो़पा-सेला थो़बेड्‌डु़मी, उमा ल्‍वा थो़म्‍डिमा वोस्‍चो़-मेसेममिमका येशूडा थो़रलु़म्‍डिमा कु-रु़दु़म रम्‍डी।

थु़र्मा 8:25

येशूका बेम्‍डिम खारी पत्रुस नुङ यूहन्‍नाका ल्‍वाच्‍चिमकु दुथाम नुङ येशूकु दुथाममिम सिजेम मे मु़चु़मिमनुङ दो़च्‍ची। मेकोतिमा सामरियाडाम देलबाडे लक्‍ची, मा मेसिन्‍डाम मु़चु़मिमलाई जो़पा-सेला थो़बेत्तो मेर्चिप यरूशलेमथो़ ख्‍लोसिक्‍ची।

यूहन्‍ना 6:63

पेलका कोङङा त्‍वारो़म ग्‍वाक्‍सा। मु़चु़कु सोका हाम वो मेबु़। गानीनुङ जेङडोम सिजेम ने त्‍वारो़म ग्‍वाक्‍पा पेल सो़।

हिब्रू 4:13

सु़म्‍दिडा बाट्‌पा हाम वो गुमीलामका थमु मेझाम। उनीमा मिक्‍सीलामडा खोत्‍लेमथोक छ्‍याङलो-छ्‍याङलो बु। मेम्‍मा गुइ बिइडिम खोत्‍ले ल्‍वा गुमीनुङ सो़मु बासी।

थु़र्मा 15:3

एन्‍टिओखिया मण्‍डलीडाम मु़चु़मिमका मेर्मिमलाई मेलामका थु़र्सोम्‍डी। मेकोतिमा मेर्मिम फोनिके नुङ सामरियालामका लम्‍डिलो वाङसामामिमका येशूडा थो़र लु़म्‍डिम ल्‍वा खोत्‍ले थो़रलु़पामिमनुङ सो़म्‍डी। ओराम थो़म्‍डिमा मेसिन्‍डाम थो़रलु़पामिम छो़म गेर्सिम्‍डी।

यूहन्‍ना 7:46

सो़रनेम लपा मु़चु़मिमका र्‍वाम्‍डी, “मेराम मु़चु़का जेस्‍ताम होङङा सु़का वो जेम्‍डिम थो़त्तोकोम मिबु।”

लूका 4:32

येशूकु सीसिडा मेर्मिम ङाङाया दु़म्‍मिडी, हेङालोने उनीमा सिजेम साखामनुङमा बाइडा।

यूहन्‍ना 4:40

मेम्‍मिमका सामरीमिम येशूकाडा रोम्‍डिलो येशूलाई मेर्मिमनुङङा बुमु र्‍वाम्‍डिम-र्‍वाम्‍डिमङा बेम्‍डी। मेम्‍मा गुमी मेसिन्‍डा नलेम बाम्‍डी।

यूहन्‍ना 4:42

मेर्मिमका मे मेसेमलाई र्‍वाम्‍डी, “गाना र्‍वाक्‍नामका कोङङा गुकु थो़र बेत्तोकोम मेएँ, गुकु आकी त्‍वाकाङा थो़त्तोकोमका, मा गुमी आच्‍छाङा सु़म्‍दिसेरलाई सेल्‍पा मु़चु़ रेछा र्‍वाक्‍पा ल्‍वा चक्‍तोकोमका।”