यूहन्‍ना 4:36 - थुलुङ राई

³⁶ मा-के हक्‍पाका उ ज्‍याला ल्‍वासु़, मा मेसिपा त्‍वारो़मकाम लागि मा-के खोप्‍डु़। मेम्‍मा मा-के ख्‍लिपा नुङ रु़पा कोयोङा गेर्सिन्‍ची।

यूहन्‍ना 4:36 Referans Kwoze

रोमी 1:13

द्‍वादीबुङ वा-ल्‍वाकनी, गो इनीमाडा हापा खेप रोक्‍पा न बेउतो लोवो ओम्‍लोसम्‍म रोमु चाप्‍तोम मिबु र्‍वाक्‍पा ल्‍वा गानी थेसिथेट्‍नी र्‍वाङु। वाङ सामामिमगोडा खारी बेउतोम होम्‍साका गानीगोडा वो खारी बेसाका मु़चु़मिमलाई ख्रीष्‍टडा रेट्‍पा आमा न बु।

रोमी 6:22

आथा ने गानी छु़लडाम वाङ दु़म्‍निम बु मा माम्‍चु़नीकु डु़ल्‍चो़ दु़म्‍निम बु। ओरामका गानीलाई सेपा दु़म्‍बेनी मेम्‍मा हेल्‍लो वो मेसिपा त्‍वारो़म ल्‍वानी।

१ तिमोथी 4:16

त्‍वाकु दुथाम नुङ त्‍वाकु सीसिकु दुथाम चङचङया बाया। ओर्मिम ल्‍वा बोनाम बुना माला गाना इ त्‍वाप नुङ इमा ल्‍वा थो़पामिम खोत्‍लेङा सेल्‍सिनी।

१ थेसलोनिकी 2:19

इकी ङाचो़ येशू योमिलो उनी ङादोडा हाम-हुम ल्‍वापा आकी न लोवो, आकी न-भ्रसी लोवो, आकी पुरस्‍कार लोवो, गानीङा मेएँ मा?

मत्ती 19:29

मेम्‍मा उहेमका आमा लागि उ त्‍वाकु नेम, वा-ल्‍वाक लोवो, रिचो़ लोवो, माम-पाप लावो, चो़च्‍चो़मिम लोवो, ये-द लोवो डिड्‌डु़म बु, मेरामका को सङङा (१००) हापा ल्‍वासु़। मेम्‍मा हेल्‍लो वो मेसिपा त्‍वारो़म ल्‍वापा दु़म।

यूहन्‍ना 3:36

उहेमका माम्‍चु़नीकु तारापाचो़डला थो़र बु़, मेरामनुङ मेसिपा त्‍वारो़म दु़म। उहेमका तारापाचो़का र्‍वामिमिम मेथो़सु़, मेरामका मेसिपा त्‍वारो़म मेल्‍वासु़। लावो माम्‍चु़नीकु देन्‍दे मेरामडला दु़महोम बु।”

यूहन्‍ना 4:14

लावो गो ग्‍वाक्‍पुमिम कु सु़का डुङु़, मेराम हेल्‍लो वो कोरा मेसि। गो मेरामलाई ग्‍वाक्‍पुमिम कु मेसिपा त्‍वारो़म ग्‍वामु लागि गुगोडा हेल्‍लो लोवो पुट्‌पाम बाट्‌पा कु पुन्‍खोप खोम दु़म।”

यूहन्‍ना 5:24

“आच्‍छाङा गो गानीलाई र्‍वाङु, उहेमका आमा सिजेम थो़सु़, मा गोलाई थु़र्पा पापडला थो़र बु़, मेरामनुङ मेसिपा त्‍वारो़म दु़म। मेम्‍मा मेराम मुमा बेन्‍ला मेसो़सी। गु सिमुलामका त्‍वारो़मडा हुमुदु़म्‍स्‍तु़म बु।

रोमी 2:7

याक्‍के दु़म्‍साका जो़पा खारी बेपाम्‍बाट्‍पा, माम्‍चु़नीकु यु़म-झ्‍वाक्‍सी, जो़पा दु़म्‍सी नुङ हेल्‍लो वो मेसिपा त्‍वारो़म माल्‍मी। मेर्मिमलाई माम्‍चु़नीका हेल्‍लो वो मेसिपा त्‍वारो़म ग्‍वामी।

रोमी 6:23

हेङालोने छु़लकु खारी बेपा मु़चु़का ने सिमुलाम रेडु़, लावो माम्‍चु़नीका मेडेङा ग्‍वाक्‍साड्‍डामिम राप्‍लावा ने इकीमा ङाचो़ येशू ख्रीष्‍टडाम हेल्‍लो मेसिपा त्‍वारो़म सो़।

१ कोरिन्थी 9:17

गो आमा त्‍वाकु नकाङा जो़पा-सेला थो़बेट्‌पा खारी बेउवाम माला गो हाम हुम ल्‍वापा न बेउवा। लावो ओराम गो बोमुङा बासी, हेङालोने माम्‍चु़नीका ओराम खारी गो बोमु र्‍वाक्‍साका आमा ल्‍वाड्‌डा ग्‍वाङ्‌डिमिम बु।

१ कोरिन्थी 9:18

मेम माला गो हाम ल्‍वाउ? सु़नुङ वो खउलुङ मेरसाका जो़पा-सेला थो़बेन्‍मु ङा जि ल्‍वापा ल्‍वा सो़। मेम्‍मिमका जो़पा-सेला थो़बेट्‌पुमिलो गो ल्‍वामु बासिक्‍पा हेल्‍लो वो मेबिउ।