यूहन्‍ना 4:34 - थुलुङ राई

³⁴ येशूका मेर्मिमलाई र्‍वाम्‍डी, “गोलाई थु़र्पाकु न होङङा बोमु नुङ उनी खारी बोम्‍सोमुङा आमा पोमु-डुमु सो़।

यूहन्‍ना 4:34 Referans Kwoze

यूहन्‍ना 6:38

गो आमा न होङङा बेप्‍डा मेएँ, माम्‍चु़नीका न बोमिमिम होम्‍साका खारी बेप्‍डा पाह्रीलामका योङडोम।

यूहन्‍ना 5:30

“गो आ त्‍वाकाङा ने हाम वो बोमु मेचापु। हेप्‍माम गो थो़उ, मेम्‍साकाङा निया बेउ। गो बेउमिम निया जो़पा दु़म, हेङालोने गो आ त्‍वाकु न होङङा मेएँ, गोलाई थु़र्पा पापकु न होङङा खारी बोमु न बेउ।

यूहन्‍ना 17:4

गानी गोलाई बेबेट्‌ङिडिनिम खारी बेसोक्‍साका सुबुडा इनीमा यु़म झ्‍वाबेत्तोम बु।

यूहन्‍ना 19:30

येशूका मेराम दो़प्‍मिडिमा र्‍वाम्‍डी, “हुक्‍ता।” मेम्‍मा कुम्‍सिम्‍डिमा उनीमा साम लस्‍ता।

मत्ती 26:39

गुमी किचो़ होनोक्‍थो़ लम्‍डिमा खुम्‍बु बेसाका आरे र्‍वाक्‍तो सो़म्‍दी बेम्‍डी, “आमा पाप, नु़ माला ओराम दु़खाकु कान्‍चु़रे गोलामका हेमसाङनी। लावो आमा न होम्‍साका ने मेएँ, इनीमा न होम्‍साका बेनी।”

यूहन्‍ना 5:36

“लावो यूहन्‍नाका सो़यु़डु़मडाम वो डोक्‍पु ल्‍वामिम गोनुङ बु। खारी बोम्‍सोमु आमा पापका गोलाई ग्‍वाङ्‌डिमिम बु। मेराम गो बेत्तोङा लेट्‌पु। पापका गोलाई थु़र्ङिडिमिम र्‍वाक्‍पा मेरामकाङा सो़यु़।

यूहन्‍ना 4:32

लावो येशूका मेर्मिमनुङ र्‍वाम्‍डी, “गोनुङ पोमु बु, मेरामकु दुथाम गानी मेचनी।”

लूका 19:10

हेङालोने दाम्‍पा मु़चु़मिमलाई माल्‍मु नुङ सेल्‍मु लागि मिनीचो़ योक्‍ताम सो़।”

हिब्रू 12:2

इकीमा थो़र चो़म्‍पा मा बेप्‍सोक्‍पा येशूडला इकीमा मिक्‍सी बिइ। गुमीका उनीमा ङादोडा जु़ल्‍मा न-भ्रसिसीकाम लागि क्रो़मलु़सीमिम हाम होङङा मेलु़साका क्रूसडलाम दु़खा इम्‍मिडी। मेम्‍मा साखाम थो़मिम बुमिमिम माम्‍चु़नीकु जो़पलाम गन्‍तासिट्‌मी।

लूका 15:10

गो गानीलाई र्‍वाङु, आरेसाका उ त्‍वाकु छु़ल न-गोलामका मिम्‍सिक्‍साका माम्‍चु़नीडा ख्‍लोसिक्‍पा कोले छु़लचो़काम लागि पाह्रीला माम्‍चु़नी नुङ पाह्रीचो़मिम गेर्सिद्‌वामी।”

थु़र्मा 20:35

खोत्‍ले ब्राम्‍दु़ल्‍वा बेउतोमा गानीलाई रेम्‍बेट्‌निनिम बु सो़। गानी वो आरेसाकाङा छो़निमा मेचापामिमलाई ख्‍लो़मुमि बासी। येशूका र्‍वाम्‍डिम ओराम सिजेम मिम्‍नी सो़ ‘ग्‍वामु ङा रमुडाम वो आलाकाम दु़म सो़’।”

यूहन्‍ना 6:33

हेङालोने माम्‍चु़नीकु सो़बेम गुङा सो़, मेराम पाह्रीलाम यो, मा सु़म्‍दिसेरडाम मु़चु़मिमलाई त्‍वारो़म ग्‍वाकु़मी।”

मत्ती 3:15

येशूका गुनुङ र्‍वाम्‍डी, “ओम्‍लो आरेङा बे, हेङालोने माम्‍चु़नीका बेनी र्‍वामिमिम खोत्‍ले बोमु बासी।” मेम्‍मा यूहन्‍नाका कु-रु़दु़म ग्‍वामु बिसिड्‍डा।

लूका 2:49

येशूका मेर्चिपनुङ र्‍वाम्‍डी, “गानी हेङा गोलाई माल्‍ङिडिनिम? हाम गो आमा पापकु नेमडा बुमु बासी र्‍वाक्‍पा गानी चनिम मेबायावा?”

यूहन्‍ना 8:29

गोलाई थु़र्पा गुमी गोनुङ बुमी। गुमीका गोलाई त्‍वापङा पार्जो़ल्‍ङिडिमिम मिबु, गुमीलाई गेर्सीबेट्‌पा खारी गो हेल्‍लो लोवो बेउ।”

यूहन्‍ना 19:28

खोत्‍ले खारी बोम्‍सोमु दु़स्‍ता र्‍वाक्‍पा येशूका चम्‍डिमा माम्‍चु़नीकु सिजेम होङ्‍ङा रोथिनु़ र्‍वाक्‍साका गुमीका र्‍वाम्‍डी, “कोरा लु़डा।”

मत्ती 9:19

मेम्‍मिमका येशू बम्‍डिमा गुनुङ लम्‍डी, मा उनी सीसिपामिम वो उनी चङचङ लम्‍डी।