यूहन्‍ना 4:25 - थुलुङ राई

²⁵ मे मेसेमका र्‍वाक्‍ता, “मसीह (मसीह र्‍वाक्‍मा ख्रीष्‍ट) योमी। मेम्‍मा गुमी योमिमा खोत्‍ले ल्‍वा गुकुनुङ सो़मी र्‍वाक्‍पा गो चक्‍पु।”

यूहन्‍ना 4:25 Referans Kwoze

यूहन्‍ना 1:49

नथानेलका र्‍वाक्‍ता, “सीपा, गानी माम्‍चु़नीकु तारापाचो़, गानी इस्राएलडाम हप।”

यूहन्‍ना 4:42

मेर्मिमका मे मेसेमलाई र्‍वाम्‍डी, “गाना र्‍वाक्‍नामका कोङङा गुकु थो़र बेत्तोकोम मेएँ, गुकु आकी त्‍वाकाङा थो़त्तोकोमका, मा गुमी आच्‍छाङा सु़म्‍दिसेरलाई सेल्‍पा मु़चु़ रेछा र्‍वाक्‍पा ल्‍वा चक्‍तोकोमका।”

यूहन्‍ना 4:29

“बिक्‍नी, कोले मु़चु़लाई रेप्‍नी, गो बेउतोम खोत्‍ले खारीकु दुथाम गुमीका गोलाई सो़म्‍डी। ख्रीष्‍ट गुमीङा ने मेएँ?”

मत्ती 1:16

मरियमकु वोचु़ योसेफकु पाप याकूब बाइडा। मे मरियमलाम येशू गम्‍डी, गुमीलाई ख्रीष्‍ट र्‍वामी।

यूहन्‍ना 4:39

मे मेसेमका “गो बेउतोम खोत्‍ले खारीकु दुथाम गुमीका गोनुङ सो़म्‍डी” र्‍वाक्‍पा ल्‍वा सो़यु़डु़मका मेराम देलडाम हापा सामरीका येशूडा थो़र बेम्‍डी।

मत्ती 27:17

सेर्पा मु़चु़ खोम्‍सिम्‍डी, मा पिलातसका मेर्मिमलाई हिलाबु़डु़मी, “इनीमा लागि गो सु़लाई डिन्‍सानिनिमिम न बोनी, बारब्‍बालाई डे ख्रीष्‍ट र्‍वाक्‍मा येशूलाई डे?”

मत्ती 27:22

पिलातसका मेर्मिमलाई हिलाबु़डु़मी, “मेम माला ख्रीष्‍ट र्‍वाक्‍मा येशूलाई गो हाम बेउमिम?” मेर्मिम खोत्‍लेका येत्तो र्‍वाम्‍डी, “मेरामलाई क्रूसडा चेट्‌नी।”

लूका 2:11

आनेप दाऊदकु शहरडा गानीलाई सेल्‍पा कोले मु़चु़ ङाचो़ ख्रीष्‍ट गम्‍डिम बु।