24 माम्चु़नी पेल बुमी, मा उनीमा सो़रलोले बेपामिमका पेलडा नुङ आच्छाङाका सो़रलोले बोमु बासी।”
ङाचो़ ङा पेल बुमी, मा ङाचो़कु पेल बान्ते दु़म मेसिन्डा मेजो़पा ल्वालामका गुइ सेल्सिडी।
हेङालोने माम्चु़नी-पेललाम सो़रलोले बेपा, येशू ख्रीष्टडा नो़ डोक्पु बेपा मा मु़चु़कु बेसी-दोसीडा थो़र मेलु़पा गुइङा आच्छाङा कोक्ते खिरिरि क्रिप्मा माम्चु़नीकु मु़चु़ सो़।
हेल्लो लोवो साखाम थो़पाम बाट्पा हप, हाम्सी वो मेसिपा, मा मिक्सीका ल्वामु मेझापा कोले कोङङा माम्चु़नीकाम हेल्लो लोवो उनीमा नङ कोसिनु़, मा उनीमा यु़म-झ्वानु़! आमेन।
ओराम सु़म्दिसेरडा कोङङा मेएँ लावो इनीमा ङादोडा वो आकीमा बासी-दोसी सेपा दु़म्बेत्तोकोम बु। ओराम आच्छाङाकाम न गुकु माम्चु़नीलाम ल्वात्तोकोम सो़। ओराम माम्चु़नीकु दिदामका दु़स्ताम, मु़चु़कु नेप्चीलामका ने मेएँ र्वाक्साका गुकु आकी धक्ची ह्वाक्साका सेपा नेप्चीका र्वामु चाम्कु।
लावो थारी रोक्तोङा लेडु़, मा मेराम थारी ओम्लोङा, हाङकोलो आच्छाङाकाम सो़रलोले बेपामिमका पापलाई पेलडा नुङ आच्छाङाका सो़रलोले बोमी।