यूहन्‍ना 4:21 - थुलुङ राई

²¹ येशूका मेराम मेसेमलाई र्‍वाम्‍डी, “ए छापा, गोडला थो़र बे। थारी रोक्‍तोङा लेडु़, पापकु सो़रलोले गानी ओराम पोप्‍चङडला वो मेबोनी, यरूशलेमडा वो मेबोनी।

यूहन्‍ना 4:21 Referans Kwoze

१ तिमोथी 2:8

थो़रलु़पामिमकु घ्रो़म्‍दीडा वोस्‍चो़मिमका छोक्‍चो मेबेसाका नुङ रिबुसी मेकिसाका मा सेपा उनी ल्‍वा कोक्‍साका सो़म्‍दी बोमिनु़ र्‍वाक्‍पा आमा न बु।

एफिसी 2:18

येशू ख्रीष्‍ट क्रूसडा सिम्‍डिमका यहूदी नुङ मेयेहूदी गुइ खोत्‍ले कोलेङा माम्‍चु़नी पेललामका माम्‍चु़नीकु ङादोडा रोमु चाप्‍स्‍तिम बु।

यूहन्‍ना 4:23

लावो थारी रोक्‍तोङा लेडु़, मा मेराम थारी ओम्‍लोङा, हाङकोलो आच्‍छाङाकाम सो़रलोले बेपामिमका पापलाई पेलडा नुङ आच्‍छाङाका सो़रलोले बोमी।

मत्ती 18:20

हेङालोने बान्‍ते नले लोवो सुले लोवो आमा नङडा खोम्‍सिमिलो मेर्मिमकु थेतेडा गो दु़म्‍ङु।”

एफिसी 3:14

मेम्‍मिमका माम्‍चु़नी पापकु ङादोडा क्रचु़खुम बेसाका सो़म्‍दी बेउ,

यूहन्‍ना 16:32

लावो आरेप्‍माम थारी रोक्‍तोङा लेडु़, मा रोम्‍फामु दु़म्‍स्‍तु़म बु, गानी फोन्‍सिनिमा इनीमा त्‍वाकु नेमडा लनी, मा गोलाई त्‍वापङा पार्जो़ल्‍ङिनी। लावो गो त्‍वापङा मेदु़म्‍ङु, हेङालोने आमा पाप गोनुङ बुमी।

यूहन्‍ना 16:2

मेर्मिमका गानीलाई घ्रो़म्‍दीनेममिमलामका पाखा कोल्‍निमी। लावो आरेप्‍माम थारी रोक्‍तोङा लेडु़, कोङनिम उहेमका गानीलाई सेनी मेर्मिमका माम्‍चु़नीकु लाले-पाङके बेत्तोङा लेट्‌पु र्‍वाक्‍पा मिम्‍मी।

यूहन्‍ना 5:28

“ओराम ल्‍वाडा ङाङाया मेदु़म्‍नी, हेङालोने थारी रोक्‍तोङा लेडु़। मेकोतिलो सु़लु़मगोयु़ बाट्‌पा खोत्‍लेका माम्‍चु़नीकु लो़लाम थो़मी,

१ पत्रुस 1:17

माम्‍चु़नीडा गानी सो़म्‍दी बोनिलो गुमीलाई पाप र्‍वानी, गुमीका निया वो बोमी। गुमीका चोमिक्‍सी मेबेसाका मेर्मिमका बेम्‍डिम खारी होम्‍साका खोत्‍ले मु़चु़मिमकु निया बोमी। मेम्‍मिमका ओराम सुबुडा वाङथो़लाम रोक्‍पा होङङा बुनिलो माम्‍चु़नीलाई डोक्‍पु मिम्‍साका उनीमा ङिम जु़ल्‍निमा बानी।

थु़र्मा 6:14

हेङालोने ओरामका आरे र्‍वाक्‍ताम गुकु थो़त्तोकोम बु, ‘नासरतडाम येशूका ओराम सो़रनेम फाल्‍मी, मा मोशाका गुइलाई ग्‍वाक्‍साड्‌डाम डु़म्‍ला वो वाङमी ङा दु़म्‍बेन्‍मी’।”

यूहन्‍ना 14:6

येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

यूहन्‍ना 5:25

आच्‍छाङा गो गानीलाई र्‍वाङु, मेराम थारी रोक्‍तोङा लेडु़, मा मेराम थारी ओम्‍लोङा सो़। सिपा मु़चु़मिमका माम्‍चु़नीकु तारापाचो़काम लो़लाम थो़मी, मा सु़का थो़मी मेर्मिम नु़मी।

लूका 21:24

उनी स्‍वाक्‍चिमो मु़चु़मिमका मेर्मिमगोडाम कोङनिमलाई कातु़रु़का फल्‍मी, मा कोङनिमलाई बन्‍मिमा सुबुडाम नेब्‍दीडा लमी। मेकोतिमा वाङसामामिमकु उनी थारी मेहुक्‍थु़मसम्‍म मेर्मिमका यरूशलेम शहरलाई फाल्‍मी मा साखाम थो़मी।

मत्ती 28:19

मेम्‍मिमका लक्‍निमा खोत्‍ले सामाडाम मु़चु़मिमलाई आमा सीसिपा दु़म्‍बेट्‌नी, मा पाप, तारापाचो़ नुङ सेपा पेलकु नङडा मेर्मिमलाई कु-रु़दु़म ग्‍वाक्‍निमी,

रेम्‍बेट्‌मिडिम ल्‍वा 21:22

मेराम शहरडा गो सो़रनेम मेल्‍वाउवा, हेङालोने खोत्‍लेडलाम यु़मनुङमा मिप्रङमा माम्‍चु़नी नुङ भेन्‍दाचो़ङा शहरडाम सो़रनेम सो़।