यूहन्‍ना 4:19 - थुलुङ राई

¹⁹ मे सामरी मेसेमका र्‍वाक्‍ता, “ङाचो़, गानी ने माम्‍चु़नीलाम-जेपा कोले मु़चु़ र्‍वाक्‍पा गो लु़ङु।

यूहन्‍ना 4:19 Referans Kwoze

यूहन्‍ना 6:14

येशूका बेम्‍डिम यु़मखारी ल्‍वाम्‍डिमा मे मु़चु़मिमका र्‍वाम्‍डी, “सु़म्‍दिसेरडा रोक्‍पा माम्‍चु़नीलाम-जेपा मु़चु़ आच्‍छाङा गुमीङा रेछा।”

लूका 7:39

येशूलाई येट्‌पा फरिसीका ओराम ल्‍वास्‍तु़मा उ नड्‍डा आरे र्‍वाक्‍ता, “ओराम माम्‍चु़नीलाम-जेपा मु़चु़ माला ने हेप्‍माम मेसेमका गुलाई लु़प्‍तोङा लेडु़ र्‍वाक्‍साका चवा, हेङालोने मेराम ने छु़लचो़ मेसेम डे।”

यूहन्‍ना 9:17

मेर्मिमका मे मिक्‍सीका मेल्‍वापा बाइडाम मु़चु़लाई आथावो हिलाबेम्‍डी, “गुका इमा मिक्‍सी होर्साट्‌ना। गाना उमा दुथाम हाम र्‍वाना?” मेरामका र्‍वाक्‍ता, “गुमी माम्‍चु़नीलाम-जेपा कोङ मु़चु़।”

लूका 7:16

मेकोतिमा मेर्मिम खोत्‍ले मु़चु़मिम ङिम्‍डी, मा माम्‍चु़नीकु नङ कोम्‍डी। मेम्‍मा र्‍वाम्‍डी, “माम्‍चु़नीलाम-जेपा कोले छो़म डोक्‍पु मु़चु़ इकीमाडा योम्‍डिम बु,” मा “माम्‍चु़नीका उनी त्‍वाकु मु़चु़मिमडला न-थो़म रेम्‍बेम्‍डिम बु।”

यूहन्‍ना 7:40

येशूकु सिजेम थो़पा कोङनिम मु़चु़का र्‍वाम्‍डी, “ओराम मु़चु़ ने आच्‍छाङा माम्‍चु़नीलाम-जेपाङा सो़।”

मत्ती 21:11

सेर्पा मु़चु़का र्‍वाम्‍डी, “गुमी गालीलडाम नासरत देललामका बिम्‍डिम माम्‍चु़नीलाम-जेपा येशू।”

लूका 24:19

गुमीका मेर्चिपनुङ हिलाबेम्‍डी, “हेप्‍माम ल्‍वा?” मेर्चिपका र्‍वाक्‍ची, “नासरतडाम येशूकु दुथाममिम ल्‍वा। गुमी यु़मनुङमा खारीमिम बेपा माम्‍चु़नीलाम-जेपा मु़चु़ मा माम्‍चु़नीकु ङादोडा नुङ खोत्‍ले मु़चु़मिमकु ङादोडा यु़मनुङमा सीपा मु़चु़ बाम्‍डी।

यूहन्‍ना 4:29

“बिक्‍नी, कोले मु़चु़लाई रेप्‍नी, गो बेउतोम खोत्‍ले खारीकु दुथाम गुमीका गोलाई सो़म्‍डी। ख्रीष्‍ट गुमीङा ने मेएँ?”

यूहन्‍ना 4:18

हेङालोने गाना ङोले मु़चु़नुङ लालीकुन्‍दा बोमु दु़म्‍नाम बु, मा ओम्‍लो गानानुङ बाट्‌पा वो इमा वोचु़ मेएँ। गाना आच्‍छाङा र्‍वाक्‍नाम बु।”