यूहन्‍ना 4:16 - थुलुङ राई

¹⁶ येशूका मेराम मेसेमलाई र्‍वाम्‍डी, “लक्‍सामा इमा वोचु़लाई येडामा रेडा।”

यूहन्‍ना 4:16 Referans Kwoze

हिब्रू 4:13

सु़म्‍दिडा बाट्‌पा हाम वो गुमीलामका थमु मेझाम। उनीमा मिक्‍सीलामडा खोत्‍लेमथोक छ्‍याङलो-छ्‍याङलो बु। मेम्‍मा गुइ बिइडिम खोत्‍ले ल्‍वा गुमीनुङ सो़मु बासी।

रेम्‍बेट्‌मिडिम ल्‍वा 2:23

मेराम मेसेमकु चङचङ लाम्‍दिपामिमलाई गो सेट्‌पुमी। मेम्‍मा खोत्‍ले मु़चु़मिमकु न-गोडाम ल्‍वा चक्‍पा गोङा सो़ र्‍वाक्‍साका खोत्‍ले मण्‍डलीका ओराम ल्‍वा चमी। मेम्‍मा इनीमा बासी-दोसीलाम हाम ल्‍वामु घ्रेट्‌पा बुनी मेराम होम्‍साका गो गानी खोत्‍लेलाई ग्‍वानिनी।

यूहन्‍ना 21:17

गुमीका सु खेपडा र्‍वाम्‍डी, “यूहन्‍नाकु तारापाचो़ सिमोन, हाम गाना गोलाई रिखाम बोङी?” पत्रुसकाम छो़म उमा गो नो़डा, हेङालोने गुमीका सु खेप “हाम गाना गोलाई रिखाम बोङी?” र्‍वाक्‍साका हिलाबेम्‍डी। गुका गुमीलाई र्‍वाक्‍ता, “ङाचो़, गानी खोत्‍ले चनी, गो गानीलाई रिखाम बोनिनी र्‍वाक्‍पा चनी।” येशूका र्‍वाम्‍डी, “आमा भेन्‍दामिमलाई पोमु-डुमु ग्‍वाकामी।

यूहन्‍ना 4:18

हेङालोने गाना ङोले मु़चु़नुङ लालीकुन्‍दा बोमु दु़म्‍नाम बु, मा ओम्‍लो गानानुङ बाट्‌पा वो इमा वोचु़ मेएँ। गाना आच्‍छाङा र्‍वाक्‍नाम बु।”

यूहन्‍ना 1:42

मेकोतिमा अन्‍द्रियासका सिमोनलाई येशू क्रो़म्‍बेड्‌डा रेड्‌डु़। येशूका सिमोनलाई किकिर्या रेप्‍मिडिमा र्‍वाम्‍डी, “यूहन्‍नाकु तारापाचो़, इमा नङ सिमोन, लावो इमा नङ केफास (केफास र्‍वाक्‍मा पत्रुस) दु़म।”

यूहन्‍ना 4:15

मे मेसेमका गुमीनुङ र्‍वाक्‍ता, “ङाचो़, गोलाई मेराम कु ग्‍वाङनी, मा गो हेल्‍लो वो कोरा मेसिङुनु़। मेम्‍मा आसिन्‍डा कु हड्‌डा रोमुम बुमु मेबासी।”

यूहन्‍ना 4:17

मे मेसेमका र्‍वाक्‍ता, “आमा वोचु़ मिबु।” येशूका गुलाई र्‍वाम्‍डी, “इमा वोचु़ मिबु र्‍वाक्‍साका गाना जो़पाङा र्‍वाक्‍ना।