यूहन्‍ना 4:15 - थुलुङ राई

¹⁵ मे मेसेमका गुमीनुङ र्‍वाक्‍ता, “ङाचो़, गोलाई मेराम कु ग्‍वाङनी, मा गो हेल्‍लो वो कोरा मेसिङुनु़। मेम्‍मा आसिन्‍डा कु हड्‌डा रोमुम बुमु मेबासी।”

यूहन्‍ना 4:15 Referans Kwoze

यूहन्‍ना 6:34

मेर्मिमका गुमीनुङ र्‍वाम्‍डी, “ङाचो़, मेराम सो़बेम हेल्‍लो लोवो गुकुलाई ग्‍वाक्‍किनी का।”

रोमी 8:5

त्‍वाकु मिरो़मडाम बादीखाम होम्‍साका दोपामिमका मिरो़मकु बादीखामथो़ न सोकु़ लावो माम्‍चु़नी-पेल होम्‍साका दोपामिमका माम्‍चु़नी-पेल होम्‍साका ङा दोमु न सोकु़।

रोमी 6:23

हेङालोने छु़लकु खारी बेपा मु़चु़का ने सिमुलाम रेडु़, लावो माम्‍चु़नीका मेडेङा ग्‍वाक्‍साड्‍डामिम राप्‍लावा ने इकीमा ङाचो़ येशू ख्रीष्‍टडाम हेल्‍लो मेसिपा त्‍वारो़म सो़।

यूहन्‍ना 6:26

येशूका मेर्मिमनुङ र्‍वाम्‍डी, “आच्‍छाङा गो गानीलाई र्‍वाङु, यु़मखारीमिम ल्‍वान्‍निमका मेएँ खोहोम सो़बेम पेन्‍निमका गोलाई माल्‍तोङा लेन्‍ङिनी।

१ यूहन्‍ना 5:20

माम्‍चु़नीकु तारापाचो़ योम्‍डिम बुमी, मा आच्‍छाङाकाम माम्‍चु़नीलाई गुइ छेडिनु़ र्‍वाक्‍साका गुमीका गुइलाई न ग्‍वाक्‍साड्‌डामिम बु र्‍वाक्‍पा गुइ चडिम बु। गुइ माम्‍चु़नीडा बुइ हेङालोने उनीमा तारापाचो़ येशू ख्रीष्‍टडा गुइ बुइमिम बु। गुमी कोङङा आच्‍छाङाकाम माम्‍चु़नी मा हेल्‍लो वो मेसिपा त्‍वारो़म गुमीङा।

याकूब 4:3

गानी बिनी लावो मेल्‍वानी, हेङालोने त्‍वाकु न गेर्सिबेन्‍मु लागि मेजो़पा नका बिनी।

१ कोरिन्थी 2:14

माम्‍चु़नी-पेल मान्‍थिम मु़चु़का माम्‍चु़नीकु पेललाम रोक्‍पा ल्‍वामिम मेरङु़। मेर्मिम ल्‍वा मेरामकाम लागि हाम ना हामकाम दु़म, मा मेर्मिम ल्‍वा मेरामका थेसिथेन्‍मु मेचाप्‍सु़, हेङालोने मेर्मिम ल्‍वा माम्‍चु़नी-पेललाम कोङङा थेसिथेन्‍मु झाम।

यूहन्‍ना 4:16

येशूका मेराम मेसेमलाई र्‍वाम्‍डी, “लक्‍सामा इमा वोचु़लाई येडामा रेडा।”

यूहन्‍ना 6:35

येशूका मेर्मिमनुङ र्‍वाम्‍डी, “मेसिपा त्‍वारो़म ग्‍वाक्‍पा सो़बेम गोङा सो़। उहेम मु़चु़ आमाडा रो मेराम मु़चु़ हेल्‍लो वो क्रु़म मेसि, मा गोडला थो़रलु़पा मु़चु़ हेल्‍लो वो कोरा मेसि।