यूहन्‍ना 4:11 - थुलुङ राई

¹¹ मेराम मेसेमका गुमीनुङ र्‍वाक्‍ता, “ङाचो़, गानीनुङ कु वाम्‍खोप सोजाम वो मिबु, मा इनार वो हापा घ्‍लु़म्‍पा बु। बालामका गानी त्‍वारो़म ग्‍वाक्‍पा कु रेट्‌निवा?

यूहन्‍ना 4:11 Referans Kwoze

१ कोरिन्थी 2:14

माम्‍चु़नी-पेल मान्‍थिम मु़चु़का माम्‍चु़नीकु पेललाम रोक्‍पा ल्‍वामिम मेरङु़। मेर्मिम ल्‍वा मेरामकाम लागि हाम ना हामकाम दु़म, मा मेर्मिम ल्‍वा मेरामका थेसिथेन्‍मु मेचाप्‍सु़, हेङालोने मेर्मिम ल्‍वा माम्‍चु़नी-पेललाम कोङङा थेसिथेन्‍मु झाम।

यूहन्‍ना 3:4

निकोदेमसका गुमीनुङ र्‍वाक्‍ता, “मु़चु़काम उ दु लमिम चङडा हेसाका आथावो गु गमु चाप्‍सु़ मा? हाम गु आथावो मामकु ङेलगोनो हुसाका गमु चाप्‍सु़?”

यूहन्‍ना 4:14

लावो गो ग्‍वाक्‍पुमिम कु सु़का डुङु़, मेराम हेल्‍लो वो कोरा मेसि। गो मेरामलाई ग्‍वाक्‍पुमिम कु मेसिपा त्‍वारो़म ग्‍वामु लागि गुगोडा हेल्‍लो लोवो पुट्‌पाम बाट्‌पा कु पुन्‍खोप खोम दु़म।”

यूहन्‍ना 7:37

चाड हुक्‍पानेम, मेराम ने चाडकु डोक्‍पु थारीनेम येशू येम्‍सिम्‍डिमा डोक्‍पु लो़लामका र्‍वाम्‍डी, “कोङनिम मु़चु़ कोरा सिपा बु माला आमाडा रोनु़, मा डुङ्‌नु़।

थु़र्मा 10:14

लावो पत्रुसका र्‍वाक्‍ता, “मेएँ ङाचो़, हेङालोने गो हेल्‍लो वो घ्राम्‍लु़पा नुङ मेसेपा हाम वो पेउतोम मिबु।”

रेम्‍बेट्‌मिडिम ल्‍वा 7:17

हेङालोने मे हप गन्‍खोपकु थेतेडा बाट्‌पा भेन्‍दाचो़ मेर्मिमकु रेपा-क्रिपा दु़म्‍मी, गुमीका मेर्मिमलाई नु़बेट्‌पा कु पुन्‍खोपथो़ क्रिमी। मेम्‍मा माम्‍चु़नीका मेर्मिमकु मिक्‍सीडाम खोत्‍ले प्‍ल बम्‍साट्‌मी’।”

रेम्‍बेट्‌मिडिम ल्‍वा 21:6

गुमीका गोनुङ र्‍वाम्‍डी, “खोत्‍ले बोम्‍सोमु दु़स्‍ता। अल्‍फा नुङ ओमेगा, खोत्‍ले चो़म्‍सी बेट्‌पा नुङ हुक्‍सोक्‍पा गोङा। सु़ कोरा सि गो मेराम मु़चु़लाई त्‍वारो़म ग्‍वाक्‍पा कु पुन्‍खोपलामका पुट्‌पा कु मेडेङा थो़पु।

रेम्‍बेट्‌मिडिम ल्‍वा 22:1

मेकोतिमा बिल्‍लौर लुङ कोतिम छ्‌याङलो-छ्‌याङलोम त्‍वारो़म ग्‍वाक्‍पा कुकु ब्‍लोकु पाह्रीचो़का गोलाई रेम्‍बेट्‌ङिडी। मेराम ब्‍लोकु माम्‍चु़नी नुङ भेन्‍दाचो़कु साखाम थो़खोप खोमलामका लुक्‍योक्‍साका

रेम्‍बेट्‌मिडिम ल्‍वा 22:17

माम्‍चु़नी पेल नुङ लारेमाका आरे र्‍वामी, “योक्‍नी।” मेम्‍मा उहेमका थो़सु़ मेरामका “योक्‍नी” र्‍वानु़। सु़ कोरा सिपा बु, मेराम रोनु़, मा सु़का न बु़, त्‍वारो़म ग्‍वाक्‍पा कु मेरामका मेडेङा डुङ्‌नु़।