यूहन्‍ना 3:8 - थुलुङ राई

⁸ जु बान्‍ते उ फुन्‍फुनद्‌वा मेनोङा फुडु़। जु गाना थो़मु कोङङा चाम्‍ना, लावो बालामका रोक्‍ता, बान्‍ते ल, मेराम गाना सो़मु मेचाम्‍ना। मेप्‍मामङा पेललाम गक्‍पा मु़चु़ हेप्‍माम दु़म्‍मी र्‍वाक्‍साका गाना र्‍वामु मेचाम्‍ना।”

यूहन्‍ना 3:8 Referans Kwoze

१ कोरिन्थी 2:11

मु़चु़ गोनोम मु़चु़कु न उ न-गोका कोङङा च। मेम्‍साकाङा माम्‍चु़नीकु न माम्‍चु़नीकु पेलडाम वाङमिम सु़का वो मेच।

थु़र्मा 2:2

मेकोतिलोङा कोचोत्ति पाह्रीलामका डोक्‍पु ब्‍लोजु़ फुट्‌पा होङ्‍ङा र्‍वाक्‍पा कोङ लो़लाम थो़म्‍डी, मा मेर्मिम बाम्‍डिम नेम ङा मेरामका र्‍वाप्‍डा कुर्रु़।

१ यूहन्‍ना 2:29

ख्रीष्‍ट माम्‍चु़नीकु न होप्‍माम जो़पा खारी बेपा र्‍वाक्‍पा गानी चनी माला हाम जो़पा बु मेराम खारी बेपा खोत्‍ले मु़चु़ माम्‍चु़नीलाम गम्‍डिम र्‍वाक्‍पा चक्‍नी।

थु़र्मा 4:31

आरेसाका मेर्मिमका सो़म्‍दी बोमु डु़म्‍मिडी, मा मेर्मिम खोम्‍सिडिम बाय रुड्‌डु़। मेकोतिमा मेर्मिम खोत्‍लेङा माम्‍चु़नी-पेलका लु़न्‍सिम्‍डी, मा मेर्मिमका माम्‍चु़नीकु सिजेम मेङिसाका ङा दो़म्‍डी।

१ कोरिन्थी 12:11

ओर्मिम खोत्‍ले गुमी कोलेङा माम्‍चु़नी पेलकु खारी सो़। गुमीका खोत्‍लेलाई त्वाकु न बोमिमिम होम्‍साका राप्‍लावा ग्‍वामी।

यूहन्‍ना 1:13

पाइमाखालामका वो मेएँ, मु़चु़कु मुलु़ लोवो मु़चु़कु नका वो मेर्मिम चो़मिम गम्‍डिम मेएँ। लावो माम्‍चु़नीकु नका मेर्मिम माम्‍चु़नीकु चो़ दु़म्‍मिडिम बाइडा।

यूहन्‍ना 3:7

गो गानालाई लाले दु़म्‍साका गमु बासी र्‍वाङडोमका ङाङाया मेदु़म्सा।

यूहन्‍ना 3:9

निकोदेमसका हिलाबु़डु़, “आरेप्‍माम हेसाका दु़म्‍मु चाप्‍सु़?”