6 मु़चु़लामका मु़चु़ङा ग, लावो पेललामका त्वारो़म रो।
मेम्मिमका कोङनिम मु़चु़ ख्रीष्टडा बु माला मेराम लाले दु़स्ताम मु़चु़ सो़। मेम्मा ङादोम त्वारो़म दाम्स्ताम बु, रेप्नी, लाले त्वारो़म चो़म्सिड्डाम बु।
माम्चु़नीलाम गक्पा उहेम मु़चु़का वो छु़ल बु़होम मेबु, हेङालोने माम्चु़नीकु त्वारो़म मेराम मु़चु़ गोनो दु़म। मेराम मु़चु़का छु़ल बु़होम मेबु, हेङालोने मेराम मु़चु़ माम्चु़नीलाम गस्ताम सो़।
लावो उहेम मु़चु़ ङाचो़नुङ कोले दु़म, मेराम मु़चु़ गुमीनुङ पेलडा कोलेङा दु़म।
आमा न-गोडा जो़पा ल्वा मिबु र्वाक्साका गो चक्पु, हेङालोने जो़पा खारी बोमु न बेउ लोवो गो बोमु मेचापु।
हेङालोने इनीमा नसीहोमका दोनी माला गानी सिनी। लावो माम्चु़नी-पेलकु यु़मका इनीमा मिरो़मडाम बादु़खाम पार्नी माला गानी त्वारो़म ल्वानी,
गुइ वो कोखेप मेर्मिम होप्मामङा बाइडी। त्वाकु मिरो़म नुङ नका र्वाक्ताम मेजो़पा ल्वा होम्साका दोस्थाल्ली। मेम्साका इकीमा त्वाकु मेजो़पा न होम्साका दोसिवाम माला गुइ वो वाङमिम होम्साकाङा माम्चु़नीकु देन्दे ल्वामु बासिक्पा बाइडा।
गानी ख्रीष्टनुङ दु़म्मु ने आच्छाङा क्रिप्सी दु़म्मु ङा सो़। मु़चु़लाम मिरो़मडा दु़म्डिम खिरिरि क्रिप्सी मेएँ, लावो गानीलाई ख्रीष्टलाम क्रिप्सी दु़म्निम बु। ओराम क्रिप्सी ने इनीमा छु़ल बेपा न नुङ छु़लकु यु़मलामका सेल्सिमु ल्वामु सो़।
येशू ख्रीष्टकु मु़चु़मिमका छु़लबेपा त्वाकु बादु़खाम नुङ मेम बोमुम बुमु माल्पा मेजो़पा न-गो ने क्रूसडा चेट्मिडिम बु।
पाइमाखालामका वो मेएँ, मु़चु़कु मुलु़ लोवो मु़चु़कु नका वो मेर्मिम चो़मिम गम्डिम मेएँ। लावो माम्चु़नीकु नका मेर्मिम माम्चु़नीकु चो़ दु़म्मिडिम बाइडा।
गुइ कोबिलि इकीमा मिरो़मडाम बादीखाम होम्साका दोस्थाल्ली। मेम्लो डु़म्लाका इकीमा न होम्साका दोमु लागि गुइलाई कोमुमा छु़लथो़ लाम बबेसाका गुइगोडा सिमुलाम रेथाल्लु़।
येशू ख्रीष्ट इकीमा ङाचो़लामका ङा माम्चु़नीलाई आला दु़म्नु़। मेम्मिमका गो आमा त्वाकु नका ने माम्चु़नीकु डु़म्लाकाम लाले पाङके बेउ, लावो आमा छु़ललाममिम बासी दोसी होम्साका आथावो गो दोङुम बुङु।
गो गानालाई लाले दु़म्साका गमु बासी र्वाङडोमका ङाङाया मेदु़म्सा।
