यूहन्‍ना 3:35 - थुलुङ राई

³⁵ पापका तारापाचो़लाई रिखाम बोमी, मा खोत्‍ले उनीमा ल्‍वाडाङा ग्‍वाम्‍डिम बु।

यूहन्‍ना 3:35 Referans Kwoze

मत्ती 28:18

येशू मेर्मिमकाडा रोम्‍डिमा र्‍वाम्‍डी, “सुबु नुङ पाह्रीडला खोत्‍ले साखाम माम्‍चु़नीका गोलाई ग्‍वाङ्‌डिमिम बु।

यूहन्‍ना 5:22

मेरामडाम वो कोङमी ल्‍वा, पापका सु़काम वो निया मेबोमी, लावो खोत्‍ले निया बेपा साखाम तारापाचो़लाई ग्‍वाम्‍डिम बु।

यूहन्‍ना 5:20

हेङालोने पापका तारापाचो़लाई रिखाम बोमी, मा गुमीका बोमिमिम खोत्‍ले खारी उनी तारापाचो़लाई रेम्‍बेन्‍मी। ओर्मिमडाम वो डोक्‍पुतो खारीमिम गुमीका उनी तारापाचो़लाई रेम्‍बेन्‍मी, मा गानी ङाङाया दु़म्‍नी।

लूका 10:22

“आमा माम्‍चु़नीका खोत्‍ले गोलाई आमा ल्‍वाडा ग्‍वाङ्‌डिमिम बु। माम्‍चु़नीकु तारापाचो़ सु़ र्‍वाक्‍साका माम्‍चु़नीडाम वाङमिम सु़का वो मेछेङिमी। माम्‍चु़नी सु़ र्‍वाक्‍साका माम्‍चु़नीकु तारापाचो़डाम सु़का मेछेडु़। माम्‍चु़नीकु तारापाचो़का गुमीलाई उहेमकाडा रेम्‍बोमु लागि छेडु़ मेराम मु़चु़डाम वाङमिम सु़का वो गुमीलाई मेछेडु़।”

यूहन्‍ना 17:2

हेङालोने गानी गुलाई ग्‍वाक्‍निम खोत्‍ले मु़चु़लाई मेसिपा त्‍वारो़म ग्‍वाक्‍नु़मी र्‍वाक्‍साका खोत्‍ले मु़चु़डला गुलाई साखाम ग्‍वाक्‍निम बु।

मत्ती 11:27

“आमा पापका खोत्‍ले ल्‍वा आमा ल्‍वाड्‌डा ग्‍वाङ्‌डिमिम बु। पापका कोङङा तारापाचो़लाई छेमी। तारापाचो़का कोङङा पापलाई छेडु़, मा तारापाचो़का सु़-सु़नुङ पापलाई छेबेपा न बु़, मेर्मिमका वो पापलाई छेमी।

एफिसी 1:22

मेम्‍मा माम्‍चु़नीका ख्रीष्‍टकु साखामडा खोत्‍ले जु़ल्‍मिडी मा मण्‍डलीकाम लागि खोत्‍ले ल्‍वाडा गुमीलाई ङा बुइ बनेबेम्‍डी,

यूहन्‍ना 13:3

पापका खोत्‍ले ल्‍वामिमडला साखाम येशूलाई ग्‍वाम्‍डिम मा गुमी माम्‍चु़नीलाम योम्‍डिम, मा माम्‍चु़नीकाडाङा ख्‍लोसिक्‍तो लेट्‌पु र्‍वाक्‍पा गुमीका चम्‍डिम बाइडा।

१ पत्रुस 3:22

ख्रीष्‍ट पाह्रीला लम्‍डी मा माम्‍चु़नीका खोत्‍ले पाह्रीचो़मिम, साखाम नुङ यु़म बाट्‌पा धामुलाम पेलमिमलाई येशू ख्रीष्‍टकु साखामगोडा बेसाका गुमीलाई उनीमा जो़प ल्‍वालाम गन्‍बेट्‌मिडिम बु।

१ कोरिन्थी 15:27

माम्‍चु़नीकु सिजेमका र्‍वा, “माम्‍चु़नीका खोत्‍ले ख्रीष्‍टकु फेमखेल गोयु़ जु़ल्‍मिडिम बु।” ओराम र्‍वाक्‍मा ने माम्‍चु़नी उनी त्‍वापङा ख्रीष्‍टकु साखामगोडा दु़म्‍मी र्‍वाक्‍मा ने मेएँ, हेङालोने खोत्‍ले ल्‍वा ख्रीष्‍टकु साखामगोडा जु़ल्‍साक्‍पा ने माम्‍चु़नी उनी त्‍वाप ङा सो़।

हिब्रू 1:2

लावो ओराम हुक्‍पा थारीका माम्‍चु़नी गुइनुङ उनीमा तारापाचो़लामका जेम्‍डिम बु। माम्‍चु़नीका उनीमा तारापाचो़लाई ओराम सु़म्‍दिसेरडा बाट्‌पा खोत्‍ले रपा दु़म्‍बेट्‌मिडी बु, मा उनीमा तारापाचो़लामकाङा ओराम सु़म्‍दिसेर वो प्रङमिडी।

यूहन्‍ना 17:26

गोलाई बेङ्‌डिनिम इनीमा रिखाम मेर्मिमकाडा दु़म्‍नु़, मा गो आ त्‍वाप मेर्मिमकाडा दु़म्‍ङुनु़ र्‍वाक्‍साका गो गानीलाई थो़रलु़पामिमकाडा छेबेट्‌निनिम बु मा छेबेनिनिमिम बुङु।”

यूहन्‍ना 17:23

मेर्मिम खोत्‍ले कोले दु़म्‍मिनु़ र्‍वाक्‍साका गानी गोगोडा दु़म्‍निमा गो मेर्मिमडा दु़म्‍ङु। मेम्‍मा गानी गोलाई रिखाम बेङ्‌डिनिम होङ्‍ङा मेर्मिमलाई रिखाम बेनिमी र्‍वाक्‍पा नुङ गानी गोलाई थु़र्ङिडिनिम र्‍वाक्‍पा सु़म्‍दिसेरका च।

यूहन्‍ना 15:9

“आमा पापका गोलाई रिखाम बेङ्‌डिमिम होङ्‍ङा गो वो गानीलाई रिखाम बेन्‍निनिम बु। गानी आमा रिखामडा बानिहोम बानी।

मत्ती 17:5

गु जेत्तोङा बु़डु़लो झ्‍वाक्‍पा खासेका मेर्मिमलाई हुप्‍डु़मी, मा मे खासेलामका कोले लो़लामका आरे र्‍वाक्‍ता, “ओराम गो छो़म द्‌वाक्‍पुमिम आमा तारापाचो़, ओरामडाम छो़म गेर्सिद्‌वाक्‍पा बुङु। ओरामका र्‍वामिम थो़नी।”

मत्ती 3:17

मेम्‍मा पाह्रीलामका कोङ लो़लामका आरे र्‍वाक्‍ता, “गो छो़म द्‌वाक्‍पुमिम ओराम आमा तारापाचो़, गुडाम गो छो़म गेर्सिक्‍पा बुङु।”