यूहन्‍ना 3:34 - थुलुङ राई

³⁴ उहेमलाई माम्‍चु़नीका थु़र्मिडी गुमीका माम्‍चु़नीकु सिजेम जेमी। हेङालोने माम्‍चु़नीका थो़म्‍मुङा मेझापा पेल गुमीलाई ग्‍वामी।

यूहन्‍ना 3:34 Referans Kwoze

थु़र्मा 10:38

माम्‍चु़नीका नासरतडाम येशूलाई उनीमा पेल नुङ यु़मका थुट्‌मिडी। गुमी जो़पा खारी बेत्तो नुङ मुनाङका हुपामिमलामका मुनाङ ख्‍लुक्‍तो लाम्‍दिम्‍डी, हेङालोने माम्‍चु़नी गुमीनुङ बाम्‍डी।

यूहन्‍ना 15:26

“जेप्‍साक्‍पा योमी, उहेमलाई पापलामका गो गानीडा थु़रु। पापलामका योक्‍पा आच्‍छाङाम पेल गुमी, गुमीका आमा दुथाम सो़मी।

मत्ती 12:18

“गो छेत्तोम आमा डु़ल्‍चो़ आसिन्‍डा बु, गुलाई गो द्‌वाक्‍पु, मा गुनुङ गो गेर्सिद्‌वाक्‍पा बुङु, गो आमा पेलका गुलाई लु़ट्‌पु, मा गुका खोत्ले सामाकाम मु़चु़मिमलाई मेर्मिम सेल्‍सिमिमिमकु दुथाम सो़यु़।

कलस्‍सी 2:9

हेङालोने माम्चु़नीडा बाट्पा खोत्ले ल्वा मिनीचो़ दु़म्डिम ख्रीष्‍टडा ङा दु़म्मी बुमी।

यूहन्‍ना 5:26

त्‍वारो़म ग्‍वाक्‍पा यु़म पापकाडा बुमिम होम्‍साका त्‍वारो़म ग्‍वाक्‍पा यु़म पापका उनीमा तारापाचो़लाई ग्‍वाम्‍डिम बु।

लूका 4:18

“‘मिप्रङमाकु पेलका गोलाई लु़ट्‌ङिडिमिम बु, मेम्‍साका उनी हाम वो मेबाट्‌पामिमलाई गो जो़पा-सेला थो़बेट्‌पुमी, मा शैतानका बथाडु़मिम मु़चु़मिम मेलामका वाङ दु़म्‍मी। मेम्‍मा मिक्‍सीका मेल्‍वापामिमकाम उनी मिक्‍सी ह्‌वासी, मा दु़खाडा बाट्‌पामिम मेलामका वाङ दु़म्‍मी,

कलस्‍सी 1:19

हेङालोने माम्चु़नीका उनी त्वापडा बाट्‍पा खोत्ले ल्वा ख्रीष्‍टडा जु़ल्‍मु मुलु़ बोमु द्‍वाम्डी।

रोमी 8:2

हेङालोने ख्रीष्‍ट येशूलाम त्‍वारो़म ल्‍वापा, माम्‍चु़नी-पेलकु डु़म्‍लाका छु़ल नुङ सिमुलाम रेट्‍पा डु़म्‍लाडाम गोलाई सेल्‍ङिडिमिम बु।

यूहन्‍ना 7:16

मेम्‍मा येशूका मेर्मिमलाई र्‍वाम्‍डी, “आमा सीसि आ त्‍वाकाम मेएँ, गोलाई थु़र्पा माम्‍चु़नीलाम रोक्‍पा सो़।

यूहन्‍ना 3:17

सु़म्‍दिसेरडाम मु़चु़मिमलाई मुमा बेन्‍मु र्‍वाक्‍साका माम्‍चु़नीका उनीमा तारापाचो़लाई थु़र्मीडिम मेएँ, लावो सु़म्‍दिसेरडाम मु़चु़मिम गुमीलामका सेल्‍सिमिनु़ र्‍वाक्‍साका थु़र्मिडी।

यूहन्‍ना 1:16

छो़म उनी दिदामडला दिदाम गुइ ल्‍वास्‍तिम बु।

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

यूहन्‍ना 8:47

उहेम माम्‍चु़नीकु चो़, माम्‍चु़नीका जेमिमिम ल्‍वा मेरामका थो़सु़। गानी माम्‍चु़नीकु चो़ मेएँ, मेम्‍मिमका गानी मेथो़निमिम।”

रेम्‍बेट्‌मिडिम ल्‍वा 22:1

मेकोतिमा बिल्‍लौर लुङ कोतिम छ्‌याङलो-छ्‌याङलोम त्‍वारो़म ग्‍वाक्‍पा कुकु ब्‍लोकु पाह्रीचो़का गोलाई रेम्‍बेट्‌ङिडी। मेराम ब्‍लोकु माम्‍चु़नी नुङ भेन्‍दाचो़कु साखाम थो़खोप खोमलामका लुक्‍योक्‍साका

यूहन्‍ना 16:7

लावो गो गानीलाई आच्‍छाङा र्‍वाङु, गो लमुङा इनीमा लागि जो़पा दु़म। गो मेलक्‍थु़मसम्‍म जेप्‍साक्‍पा इनीमाडा मेयोमी। गो लङ्‌डो माला गुमीलाई इनीमाडा थु़रुमी।

रेम्‍बेट्‌मिडिम ल्‍वा 21:6

गुमीका गोनुङ र्‍वाम्‍डी, “खोत्‍ले बोम्‍सोमु दु़स्‍ता। अल्‍फा नुङ ओमेगा, खोत्‍ले चो़म्‍सी बेट्‌पा नुङ हुक्‍सोक्‍पा गोङा। सु़ कोरा सि गो मेराम मु़चु़लाई त्‍वारो़म ग्‍वाक्‍पा कु पुन्‍खोपलामका पुट्‌पा कु मेडेङा थो़पु।

यूहन्‍ना 8:40

मेम मेबेसाका, गानी गोलाई सेन्‍मु माल्‍तोङा बोङिनी, हेङालोने माम्‍चु़नीलाम थो़उतोम आच्‍छाङाकाम ल्‍वा गो गानीनुङ सो़उतो। अब्राहामका ने हेल्‍लो वो आरे मेबु़वा।

थु़र्मा 1:2

नुङ गुमी उनी त्‍वाका ङा थुट्‌मिडिम थु़र्मामिमनुङ गुमीका माम्‍चु़नी-पेललाम र्‍वाम्‍डिम, मा पाह्रीथो़ कोम्‍सिम्‍डिम थारीसम्‍मकाम खोत्‍ले ल्‍वा गो गानीलाई ङादोम खाजेमडा र्‍याक्‍तोम बु।