यूहन्‍ना 3:31 - थुलुङ राई

³¹ “गेले पाह्रीलामका योक्‍पा गुमी खोत्‍लेडाम डोक्‍पु बुमी। सुबुलाम रोक्‍पा ने सुबुडामङा सो़, मा सुबुडामङा ल्‍वा बु़। पाह्रीलाम योक्‍पा गुमी ने खोत्‍लेडाम डोक्‍पु बुमी।

यूहन्‍ना 3:31 Referans Kwoze

यूहन्‍ना 8:23

येशूका र्‍वाम्‍डी, “गानी धालु़म मु़चु़, गो गेलेम। गानी ओराम सु़म्‍दिसेरडाम, गो ओराम सु़म्‍दिसेरडाम मेएँ।

मत्ती 28:18

येशू मेर्मिमकाडा रोम्‍डिमा र्‍वाम्‍डी, “सुबु नुङ पाह्रीडला खोत्‍ले साखाम माम्‍चु़नीका गोलाई ग्‍वाङ्‌डिमिम बु।

रोमी 9:5

मेर्मिम छो़म नङ दोपा बेप-पापकु चो़-चु़सु़मिम सो़, ख्रीष्‍ट उनी त्‍वाप वो ओराम सामागोडा गम्‍डी। गुमी ने खोत्‍लेडला साखाम थो़पा मा हेल्‍लो लोवो नङ कोसिक्‍पा माम्‍चु़नी बुमी। आमेन।

यूहन्‍ना 6:33

हेङालोने माम्‍चु़नीकु सो़बेम गुङा सो़, मेराम पाह्रीलाम यो, मा सु़म्‍दिसेरडाम मु़चु़मिमलाई त्‍वारो़म ग्‍वाकु़मी।”

१ यूहन्‍ना 4:5

ओर्मिम मु़चु़ सु़म्‍दिसेरकाम सो़। मेम्‍मिमका ओर्मिम मु़चु़का सु़म्‍दिसेरडामङा ल्‍वा बोमी। मेम्‍मा सु़म्‍दिसेरडाम मु़चु़का मेर्मिमकु ल्‍वा थो़मी।

यूहन्‍ना 6:51

त्‍वारो़म ग्‍वाक्‍पा पाह्रीलामका योक्‍पा सो़बेम गोङा सो़। कोङनिमका ओराम सो़बेम पु़ माला मेराम हेल्‍लो लोवो नु़होम बु। ओराम सो़बेम ने आमा मिरो़म सो़, सु़म्‍दिसेरडाम मु़चु़मिमका त्‍वारो़म ल्‍वामु लागि मेराम ग्‍वाक्‍पुमी।”

रेम्‍बेट्‌मिडिम ल्‍वा 19:16

उनीमा ब्‍लाङमाडा नुङ उनीमा फिलाडा ओराम उनीमा नङ र्‍याक्‍मा बाइडा: “हपमिमकु हप नुङ ङाचो़मिमकु ङाचो़।”

१ पत्रुस 3:22

ख्रीष्‍ट पाह्रीला लम्‍डी मा माम्‍चु़नीका खोत्‍ले पाह्रीचो़मिम, साखाम नुङ यु़म बाट्‌पा धामुलाम पेलमिमलाई येशू ख्रीष्‍टकु साखामगोडा बेसाका गुमीलाई उनीमा जो़प ल्‍वालाम गन्‍बेट्‌मिडिम बु।

यूहन्‍ना 1:27

गोडाम चङडा रोक्‍पा मु़चु़ गुमीङा सो़। उनीमा सो़लो़पकु साले फ्रोमु वो गो ने घ्रेटपा मेबुङु।”

थु़र्मा 10:36

गानी ओराम ल्‍वा चनिमिम ङा बु, माम्‍चु़नीका न भ्रसिबेट्‌पा जो़पा-सेला सो़प्‍डा येशू ख्रीष्‍टलाई गुकु इस्राएलीमिमकाडा थु़र्मिडी। गुमी ङा खोत्‍ले मु़चु़मिमडला साखाम थो़पा ङाचो़ सो़।

हिब्रू 9:1

ङादोम सो़रख्रेप्‍सीडा सो़रलोले हेसाका बोमु बासी र्‍वाक्‍साका सीपा डु़म्‍लामिम बाइडा मा सुबुडा सो़रलोले बेपा सेपा खोम वो बाइडा।

यूहन्‍ना 1:30

‘गोडाम चङडा कोले मु़चु़ रोमी, गोडाम गुमी डोक्‍पु बुमी, हेङालोने गोडाम गुमी ङादो आथामङा बाम्‍डी’ र्‍वाङडोम गुमीङा सो़।

यूहन्‍ना 1:15

कु-रु़दु़म ग्‍वाक्‍पा यूहन्‍नाका उनीमा दुथाम सो़त्तो डोक्‍पु लो़लामका र्‍वाक्‍ता, “‘गोडाम चङडा रोक्‍तोङा बेपा मु़चु़ गोडाम डोक्‍पु बुमी, हेङालोने गुमी गोडाम ङादो आथामङा बाम्‍डी’ र्‍वाङडोम मेराम गुमीङा सो़।”

यूहन्‍ना 3:30

गुमी ने डोक्‍पु दु़म्‍तो लमु बासी, मा गो ने याक्‍के दु़म्‍तो लमु बासी।