यूहन्‍ना 3:27 - थुलुङ राई

²⁷ यूहन्‍नाका र्‍वाक्‍ता, “माम्‍चु़नीका पाह्रीलामका मेग्‍वाक्‍थु़मसम्‍म सु़का हाम वो मेल्‍वासु़।

यूहन्‍ना 3:27 Referans Kwoze

याकूब 1:17

आच्‍छाङाकाम नुङ जो़पा खोत्‍ले राप्‍लावा पाह्रीलाममिम सो़। ओराम ओल प्रङ्‌पा माम्‍चु़नीलाम यो। ख्‍लोसिक्‍पाम बाट्‌पा रिम्‍जुङ होम्‍साका गुमी ने हेल्‍लो वो मेख्‍लोम्‍सिमी।

१ कोरिन्थी 4:7

सु़का गानीलाई वाङमिम मु़चु़डाम डोक्‍पु दु़म्‍बेट्‍नी? गानीनुङ हाम बु मेराम गानीलाई माम्‍चु़नीका ग्‍वाक्‍निमिम मेएँ मा? माम्‍चु़नीका ग्‍वाक्‍निम माला हेङा गानी डोक्‍पु लिन्‍सिनी?

१ कोरिन्थी 15:10

लावो गो हाम बुङु, मेराम माम्‍चु़नीकु दिदामका दु़म्‍ङोडोम बु, मा गोडलाम उनीमा दिदाम हाम ना हामकाम मेदु़म्‍सावा। गो ने वाङमिम खोत्‍ले थु़र्मामिमडाम वो हापा मेझापातो खारीमिम बेउतो। लावो गो बेउतोम मेएँ, गोनुङ बाट्‌पा माम्‍चु़नीकु दिदामका।

मत्ती 25:15

मेर्मिमका हाङको खउलुङ मोमु चाम्‍मी, मेराम होम्‍साका गुका कोलेलाई ङोले सो़नाकु खउलुङ, कोङमीलाई नले सो़नाकु खउलुङ, मा कोङमीलाई कोले सो़नाकु खउलुङ ग्‍वाक्‍जो़ल्‍लु़मिमा लस्‍ता।

१ तिमोथी 2:7

मेम्‍मिमका माम्‍चु़नीका ओराम उनी नकाम लागि जो़पा-सेला सो़पा नुङ थु़र्मा थुट्‌ङिडिमिम बु, मा आच्‍छाङाकाम सिजेम वाङसामामिमलाई सीपा मु़चु़ दु़म्‍ङोडोम बु। गो ओराम लिमा मेथेसाका आच्‍छाङा र्‍वाङुमिम सो़।

मत्ती 21:25

यूहन्‍नाका कु-रु़दु़म ग्‍वाक्‍पा साखाम बालामका ल्‍वास्‍तु़म बाइडा? पाह्रीलामका डे मु़चु़मिमलामका डे?” मेर्मिम त्वाप त्वापडा आरे र्‍वाबेम्‍डी, “हाम र्‍वामु, ‘पाह्रीलामका’ र्‍वाक्‍ति माला ‘गानी हेङा गुका र्‍वाक्‍ताम ल्‍वाडा थो़र मेलु़निवा?’ र्‍वा।

रोमी 12:6

माम्‍चु़नीका उनीमा दिदामका गुइलाई ग्‍वाक्‍साडामिम वाङ वाङ राप्‍लावालाम उनीमा खारी बिइ। माम्‍चु़नीलाम जेमुचापा त्‍वाकु थो़रलु़सीडा गुमीलाम जेसी।

मर्कूस 13:34

ओराम ने कोङ नेम-हपका उ नेमगोडाम खोत्‍ले डु़ल्‍चो़मिमकु त्‍वा-त्‍वाहोम ल्‍वाडा पार्जो़लु़मा उमा नेम लपा मु़चु़लाई चङचङया बाया वो र्‍वाजो़लमा उमा नेम डिसाका वाङथो़ लमिम होप्‍माम ङा बु।

एफिसी 1:1

माम्‍चु़नीकु नलामका ख्रीष्‍ट येशूकु थु़र्मा दु़म्‍ङोडोम गो पावलका, गानी एफिसस शहरडा बाट्‌पा मा ख्रीष्‍ट येशूडा न-गोका थो़र बेपा माम्‍चु़नीकु मु़चु़मिमलाई ओराम सेलाखाजेम र्‍याक्‍तोङा बेउ।

गलाती 1:1

गो थु़र्मा पावललामका गलातियाडाम मण्‍डलीमिमलाई ओराम सेलाखाजेम र्‍याक्‍तोङा लेट्‌पु। गो थु़र्मा दु़म्‍ङोडोम ने मु़चु़मिमलामका मेएँ, मु़चु़मिमकु साखामका वो मेएँ, लावो येशू ख्रीष्‍ट नुङ गुमीलाई सिमुलाम फक्‍खेट्‌पा माम्‍चु़नी पापका गोलाई थु़र्मा दु़म्‍बेट्‌ङिडिमिम सो़।

१ कोरिन्थी 12:11

ओर्मिम खोत्‍ले गुमी कोलेङा माम्‍चु़नी पेलकु खारी सो़। गुमीका खोत्‍लेलाई त्वाकु न बोमिमिम होम्‍साका राप्‍लावा ग्‍वामी।

१ कोरिन्थी 3:5

अपोल्‍लोस सु़ मा? मा पावल सु़ मा? गुचुकु ने माम्‍चु़नीकु डु़ल्‍चो़ कोङङा, उहेमलामका गानी थो़र लु़नी। ङाचो़का बेबेच्‍चिकिमिम आची खारी गुचुकु बेच्‍चोकोम सो़।

रोमी 1:5

इकीमा ङाचो़ येशू ख्रीष्‍टलामका माम्‍चु़नीका गोलाई दिदाम ग्‍वाक्‍साका उनीमा थु़र्मा दु़म्‍बेट्‌ङिडिमी। खोत्‍ले सामाडाम मु़चु़मिमका थो़रलु़मिनु़ मा गुमीका र्‍वामिमिम ल्‍वा थो़मिनु़ र्‍वाक्‍साका उनीमा नङडा खारी बेप्‍डा गोलाई थु़र्ङिडिमी।

१ कोरिन्थी 1:1

ओराम सेलाखाजेम माम्‍चु़नीकु न होम्‍साका येशू ख्रीष्‍टका उनीमा थु़र्मा मु़चु़ दु़म्‍मु छेट्‌ङिडिमिम गो पावल मा गोनुङ लाम्‍दिपा आकीमा ल्‍वाक सोस्‍थेनेसलामका सो़।

यूहन्‍ना 6:65

मेकोतिमा येशूका र्‍वाम्‍डी, “मेम्मिमका गो गानीलाई आरे र्‍वाङडोम बाइडा, ‘पापका कोङनिमलाई आमाडा मेरेथु़मसम्‍म सु़वो आमाडा रोमु मेचाप्‍सु़’।”

यूहन्‍ना 10:41

मेसिन्‍डा हापा मु़चु़मिम उनीमाडा रोम्‍डिमा र्‍वाम्‍डी, “यूहन्‍नाका ने हेल्‍लो वो मेल्‍वाम्‍मा छेखोपमिम रेम्‍मेबु़वा, लावो ओराम येशूकु दुथाम गुका सो़यु़डु़म खोत्‍ले ल्‍वा आच्‍छाङा रेछा।”