यूहन्‍ना 3:26 - थुलुङ राई

²⁶ यूहन्‍नाकु सीसिपामिम यूहन्‍नाकाडा रोम्‍डिमा र्‍वाम्‍डी, “सीपा, यर्दन ब्‍लोकु होम्‍बुनो गानीनुङ बाट्‌पा, मा उनीमा दुथाम गानी सो़न्‍निम मु़चु़का मु़चु़मिमलाई कु-रु़दु़म ग्‍वाक्‍तोङा लेन्‍मी। खोत्‍ले मु़चु़मिम उनीमाडा लक्‍तोङा लेन्‍मिमिम बु।”

यूहन्‍ना 3:26 Referans Kwoze

यूहन्‍ना 1:7

खोत्‍लेका मेराम ल्‍वा थो़साका थो़रलु़मिनु़ र्‍वाक्‍साका ओलकु दुथाम मु़चु़मिमनुङ सो़प्‍डा गु रोक्‍ता।

यूहन्‍ना 12:19

मेकोतिमा फरिसीमिमका उनी त्‍वाप-त्‍वापगोडा आरे र्‍वाबोमु चो़म्‍मिडी, “गुइ हाम वो बोमु मेचाप्‍सी। रेप्‍नी, खोत्‍ले मु़चु़मिम मेरामकु चङचङ लाम्‍दिम्‍ल्‍याम्‍डी।”

यूहन्‍ना 11:48

ओरामलाई आरे बोमु ग्‍वाक्‍ती माला खोत्‍लेका गुडला थो़रबोमी। मेम्‍मा रोमी सिपाहीमिमका रोमिमा इकीमा सो़रनेम नुङ नेब्‍दी निफिङा छो़रो़प बोमी।”

यूहन्‍ना 1:15

कु-रु़दु़म ग्‍वाक्‍पा यूहन्‍नाका उनीमा दुथाम सो़त्तो डोक्‍पु लो़लामका र्‍वाक्‍ता, “‘गोडाम चङडा रोक्‍तोङा बेपा मु़चु़ गोडाम डोक्‍पु बुमी, हेङालोने गुमी गोडाम ङादो आथामङा बाम्‍डी’ र्‍वाङडोम मेराम गुमीङा सो़।”

यूहन्‍ना 3:2

सिन्‍था गु येशूकाडा रोक्‍तामा र्‍वाक्‍ता, “सीपा, गानी माम्‍चु़नीलाम योक्‍पा सीपा मु़चु़ र्‍वाक्‍साका गुकु चकु। हेङालोने माम्‍चु़नी मेर्मिमनुङ मेदु़म्‍मिवा माला गानी बेन्‍निम हेल्‍लो वो मेल्‍वाम्‍मा छेखोपमिम सु़का वो बोमु मेचाम्‍मी।”

यूहन्‍ना 1:9

खोत्‍ले मु़चु़लाई ओल ग्‍वाक्‍पा आच्‍छाङाकाम ओल सु़म्‍दिसेरडा योक्‍तोङा बेम्‍डी।

मत्ती 23:7

बजारबाडे डोक्‍पु बेसाका सेव सान्‍ला सो़म्‍सिमु नुङ ‘सीपा’ र्‍वाला सो़म्‍सिमु मेर्मिमका द्‌वामी।

मत्ती 23:8

“लावो गानीलाई सु़का वो ‘सीपा’ मेर्‍वानु़, हेङालोने गानीलाई सीपा ने कोलेङा बुमी, मा गानी खोत्‍ले वा-ल्‍वाक सो़।

यूहन्‍ना 4:1

यूहन्‍नाडाम वो येशूका हापा सीसिपामिम बनेबेम्‍डी, मा कु-रु़दु़म ग्‍वाक्‍तोङा लेन्‍मी र्‍वाक्‍पा ल्‍वा फरिसीमिमका थो़म्‍डी।

यूहन्‍ना 4:2

(मेमङा लोवो येशू उनी त्‍वाका ने मेएँ, उनी सीसिपामिमका कु-रु़दु़म ग्‍वाम्‍थाल्‍मिडी।)

यूहन्‍ना 4:31

मेराम थारीकाङा उनी सीसिपामिमका गुमीलाई आरे र्‍वाम्‍डिम-र्‍वाम्‍डिमङा बेम्‍डी, “सीपा, हाम-हुम पेनीका।”

यूहन्‍ना 5:33

“कु-रु़दु़म ग्‍वाक्‍पा यूहन्‍नाकाडा मु़चु़मिमलाई गानी थु़र्नी, मा गुका गानीलाई आच्‍छाङा सो़यु़डु़म बु।