यूहन्‍ना 3:21 - थुलुङ राई

²¹ लावो उहेमका माम्‍चु़नीका र्‍वामिमिम होङङा बु़, मेराम ओलडा रो, मा माम्‍चु़नीलाम गुका मेराम खारी बु़डु़म र्‍वाक्‍साका जो़होमका दो़।”

यूहन्‍ना 3:21 Referans Kwoze

१ यूहन्‍ना 1:6

इकीमा हेमकेम माम्‍चु़नीनुङ बु र्‍वाकी मा तुकुम्‍चिमडाङा लाम्दिइ माला गुइ लिमा थेडी, मा आच्‍छाङाकाम ल्‍वा होम्‍साका मेबुइ-मेदोसी।

३ यूहन्‍ना 1:11

द्‌वादीबुङ ङोप्‍सो़नी, हाम मेजो़पा बु मेरामकु बेसी मेबेनी। उहेम मु़चु़का जो़पा बु़ मेराम मु़चु़ माम्‍चु़नीलाममिम सो़। उहेम मु़चु़का मेजो़पा बु़ मेरामका माम्‍चु़नी ल्‍वास्‍तु़म मिबु।

एफिसी 5:9

हेङालोने ख्रीष्‍टकु ओलडा दु़म्‍पा मु़चु़ ने जो़पा बेपा, माम्‍चु़नीकु मिक्‍सीलामडा घ्रेट्‍पा मा थो़र लु़इमिम दु़म।

फिलिप्‍पी 2:13

हेङालोने गानी गुमीलाई गेर्सिबेट्‌पा खारी बोमु चापा नुङ बोमु माल्‍पा दु़म्‍बेन्‍मु लागि माम्‍चु़नीकाङा गानीगोडा खारी बेत्तोङा लेन्‍मी।

गलाती 6:8

उहेम मु़चु़का छु़ल बेपा उमा त्‍वाकु बादु़खाम होम्‍साका मेजो़पा खारी बु़, गु मेराम बादु़खामका ङा पुयु़ ल। लावो उहेमका माम्‍चु़नी-पेललाममिम जो़पा खारी बु़, गुका माम्‍चु़नी-पेललाम ङा हेल्‍लो वो मेसिपा त्‍वारो़म ल्‍वासु़।

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

हिब्रू 13:21

उनीमा न होङङा बोमु खोत्‍ले जो़पा ल्‍वाका बोमु चापा दु़म्‍बेनिमिनु़। मेम्‍मा गुमीलाई गेर्सी बेट्‍पा खोत्‍ले ल्‍वा येशू ख्रीष्‍टलाम गुइगोडा बोमिनु़। येशू ख्रीष्‍टकु नङ हेल्‍लो लोवो कोसिनु़म बुनु़। आमेन।

कलस्‍सी 1:29

ख्रीष्‍टका गोगोडा ग्‍वाङ्‍डिमिम डोक्‍पु यु़मलामका गो ओरामकाम लागि छो़म ब्राम्‍दु़ल्‍वा बेउ।

फिलिप्‍पी 1:11

माम्‍चु़नीलाई डोक्‍पु बोमु नुङ उनीमा नङ कोमु लागि येशू ख्रीष्‍टका गानीलाई जो़पा बेसी-दोसी बेपा दु़म्‍बेनिमिनु़।

यूहन्‍ना 5:39

माम्‍चु़नीकु सिजेम गानी डानी, हेङालोने मेरामका मेसिपा त्‍वारो़म ग्‍वाक्‍सा र्‍वाक्‍पा गानी लु़नी। मेरामका आमा दुथामङा सो़यु़।

यूहन्‍ना 1:47

नथानेल उनी त्‍वापथो़ बिक्‍तोङा लेट्‌पा ल्‍वाम्‍डिमा नथानेलकु दुथाम येशूका र्‍वाम्‍डी, “लु-फेले मेबेपा आच्‍छाङाकाम कोले इस्राएलीलाई रेप्‍नी।”

२ कोरिन्‍थी 1:12

ओराम सु़म्‍दिसेरडा कोङङा मेएँ लावो इनीमा ङादोडा वो आकीमा बासी-दोसी सेपा दु़म्‍बेत्तोकोम बु। ओराम आच्‍छाङाकाम न गुकु माम्‍चु़नीलाम ल्‍वात्तोकोम सो़। ओराम माम्‍चु़नीकु दिदामका दु़स्‍ताम, मु़चु़कु नेप्‍चीलामका ने मेएँ र्‍वाक्‍साका गुकु आकी धक्‍ची ह्‍वाक्‍साका सेपा नेप्‍चीका र्‍वामु चाम्‍कु।

१ कोरिन्थी 15:10

लावो गो हाम बुङु, मेराम माम्‍चु़नीकु दिदामका दु़म्‍ङोडोम बु, मा गोडलाम उनीमा दिदाम हाम ना हामकाम मेदु़म्‍सावा। गो ने वाङमिम खोत्‍ले थु़र्मामिमडाम वो हापा मेझापातो खारीमिम बेउतो। लावो गो बेउतोम मेएँ, गोनुङ बाट्‌पा माम्‍चु़नीकु दिदामका।

रेम्‍बेट्‌मिडिम ल्‍वा 3:15

इमा खारीमिम गो चक्‍पु, गाना छक्‍पा वो मेबुना घ्रु़पा वो मेबुना। गाना ने छक्‍पा लोवो घ्रु़पा लोवो दु़म्‍मु बासावा।

यूहन्‍ना 3:20

मेजो़पा खारी बेपा खोत्‍ले मु़चु़का ओल मेद्‌वामी, मा मेर्मिमकु छु़लमिम रेम्‍बेम्‍सिप्‍मि र्‍वाक्‍पा ङिमका ओलकु फार्डा मेलमी।

यूहन्‍ना 7:17

कोङनिम मु़चु़का माम्‍चु़नीकु न होङङा बोमु न बु़ माला आमा सीसि माम्‍चु़नीलाम रोक्‍पा डे आ त्‍वाकाङा जेङुमिम डे मेराम गुका च।