यूहन्‍ना 3:17 - थुलुङ राई

¹⁷ सु़म्‍दिसेरडाम मु़चु़मिमलाई मुमा बेन्‍मु र्‍वाक्‍साका माम्‍चु़नीका उनीमा तारापाचो़लाई थु़र्मीडिम मेएँ, लावो सु़म्‍दिसेरडाम मु़चु़मिम गुमीलामका सेल्‍सिमिनु़ र्‍वाक्‍साका थु़र्मिडी।

यूहन्‍ना 3:17 Referans Kwoze

१ यूहन्‍ना 4:14

गुकु ल्‍वात्तोकोम बु मा मेराम सो़कु, सु़म्‍दिसेरलाई सेल्‍मु लागि पापका उनीमा तारापाचो़ थु़र्मिडी।

लूका 19:10

हेङालोने दाम्‍पा मु़चु़मिमलाई माल्‍मु नुङ सेल्‍मु लागि मिनीचो़ योक्‍ताम सो़।”

यूहन्‍ना 6:57

त्‍वारो़म ग्‍वाक्‍पा पापका गोलाई थुर्ङिडिमिमा नु़बेट्‌ङिडिमिम होम्‍साकाङा आमा मिरो़म पेपा मु़चु़लाई वो गो नु़बेट्‌पु।

यूहन्‍ना 6:40

हेङालोने आमा पापकु न ओराम बु, उहेम-उहेमका तारापाचो़लाई रेम्‍मी, मा गुडला थो़रलु़मी मेर्मिमका मेसिपा त्‍वारो़म ल्‍वामिनु़। मेम्‍मा हुक्‍पा थारीनेम गो मेर्मिमलाई नु़बेट्‌पुमी।”

यूहन्‍ना 6:29

येशूका मेर्मिमलाई र्‍वाम्‍डी, “माम्‍चु़नीका न बोमिमिम गानी बोमु बासिक्‍पा खारी ओरामङा सो़: ‘उहेमलाई गुमीका थु़र्मीडिम बु मेरामडला थो़रबेनी’।”

यूहन्‍ना 20:21

येशूका आथावो र्‍वाम्‍डी, “न-गो भ्रसीनु़। पापका गोलाई थु़र्ङिडिमिम होम्‍साकाङा गो गानीलाई वो थु़र्निनी।”

१ यूहन्‍ना 2:2

इकीमा छु़लकाम लागि गुमी सासेन्‍सिम्‍डी, इकीमा छु़लकाम लागि कोङङा मेएँ खोत्‍ले सु़म्‍दिसेरकु छु़लकाम लागि गुमी सासेन्‍सिम्‍डी।

यूहन्‍ना 17:3

मेसिपा त्‍वारो़म ल्‍वापा लाम्‍दी ओराम सो़: गानी कोलेङा आच्‍छाङाकाम माम्‍चु़नीलाई मेर्मिमका छेमु, मा गानी थु़र्निम येशू ख्रीष्‍टलाई वो छेमु।

यूहन्‍ना 11:42

गो र्‍वाङुमिम ल्‍वा गानी हेल्‍लो लोवो थो़नी र्‍वाक्‍पा गो चक्‍पु। लावो आसिन्‍डा येम्‍तासिक्‍पा मु़चु़मिमकाम लागि गो र्‍वाङ्‌डोम। मेम्‍साका गानी गोलाई थु़र्ङिडिनिम र्‍वाक्‍पा ओर्मिमका थो़र बोमिनु़।”

यूहन्‍ना 7:29

लावो गो ने गुमीलाई छेपु, हेङालोने गो गुमीलामकाङा योङडोम सो़। मेम्‍मा गुमीका गोलाई इनीमाडा थु़र्ङिडिमिम सो़।”

यूहन्‍ना 5:45

“पापकु ङादोडा गानीलाई गो मुमा बेनिनी र्‍वाक्‍पा मेमिम्‍नी। गानीलाई मुमा बेट्‌पा ने मोशा सो़, गुलामका ख्‍लो़ला सो़म्‍सिमु लन्‍थाट्‌निम बाइडा।

यूहन्‍ना 8:42

येशूका मेर्मिमलाई र्‍वाम्‍डी, “माम्‍चु़नी इनीमा पाप बामिवाम माला ने गानी गोलाई रिखाम बेङिनिवा, हेङालोने माम्‍चु़नीलामका गो इनीमाडा रोङ्‌डो। गो आमा त्‍वाकु नका रोङ्‌डोम मेएँ, लावो गुमीका गोलाई थु़र्ङिडिमिम।

यूहन्‍ना 1:29

उ दिकाम उ त्‍वापथो़ येशू बिक्‍तोङा लेट्‌मिडिम यूहन्‍नाका ल्‍वास्‍तु़मा र्‍वाक्‍ता, “रेप्‍नी, सु़म्‍दिसेरडाम मु़चु़मिमकु छु़ल हेपा भेन्‍दाकु चो़ होप्‍माम माम्‍चु़नीकु चो़।

यूहन्‍ना 17:8

हेङालोने गानी ग्‍वाङ्‌डिनिम सिजेम मेर्मिमलाई गो ग्‍वाक्‍तोमिम बु, मा मेर्मिमका मेराम रम्‍डिम बु। गानीलाम योङडोम र्‍वाक्‍पा आच्‍छाङा मेर्मिमका चम्‍डी, मा गानी गोलाई थु़र्ङिडिनिम र्‍वाक्‍साका मेर्मिमका थो़र बेम्‍डिम बु।

यूहन्‍ना 10:36

‘गो माम्‍चु़नीकु तारापाचो़’ र्‍वाङ्‌डोमका माम्‍चु़नीलाई डक्‍साका जेन्‍ना र्‍वाक्‍साका हेङा गानी र्‍वानी? गोलाई माम्‍चु़नीका थुट्‌ङिडिमिमा सु़म्‍दिसेरडा थु़र्ङिडिमी।

यूहन्‍ना 5:36

“लावो यूहन्‍नाका सो़यु़डु़मडाम वो डोक्‍पु ल्‍वामिम गोनुङ बु। खारी बोम्‍सोमु आमा पापका गोलाई ग्‍वाङ्‌डिमिम बु। मेराम गो बेत्तोङा लेट्‌पु। पापका गोलाई थु़र्ङिडिमिम र्‍वाक्‍पा मेरामकाङा सो़यु़।

यूहन्‍ना 17:21

मेम्‍साका मेर्मिम खोत्‍ले कोङसो़ दु़म्‍मिनु़, पाआ, हेसाका गानी गोगोडा बुनी, मा गो गानीडा बुङु। मेर्मिम इकीमाडा दु़म्‍मिनु़, मेम्‍साका गानी गोलाई थु़र्ङिडिनिम र्‍वाक्‍पा सु़म्‍दिसेरका थो़र बु़नु़।

यूहन्‍ना 5:38

मेम्‍मा उनी सिजेम इनीमा न-गोडा मिबु, हेङालोने गुमीका इनीमाडा थु़र्ङिडिमिम गोडला गानी थो़र मेलु़नी।

मत्ती 1:23

“रेप्‍नी, कन्‍या मेसेम गोजु़मे दु़म, मा मेरामका कोले तारापाचो़ कक्‍सु़, गुमीलाई इम्‍मानुएल र्‍वामी, मेराम र्‍वामा ‘माम्‍चु़नी गुइनुङ बुमी’।”

मत्ती 18:10

“चङचङया बानी, ओ याक्‍केमिमगोडाम कोलेलाई वो हाम ना हामकाम मेमिम्‍नी। हेङालोने गो गानीलाई र्‍वाङु, मेर्मिमकु पाह्रीचो़मिम पाह्रीलाम आमा पापकु ङादोडा हेल्‍लो लोवो पाह्रीला बुमिम बुमी।

लूका 9:56

मेकोतिमा येशू नुङ उनी सीसिपामिम वाङमिम देलथो़ लम्‍डी।

यूहन्‍ना 3:34

उहेमलाई माम्‍चु़नीका थु़र्मिडी गुमीका माम्‍चु़नीकु सिजेम जेमी। हेङालोने माम्‍चु़नीका थो़म्‍मुङा मेझापा पेल गुमीलाई ग्‍वामी।

यूहन्‍ना 6:38

गो आमा न होङङा बेप्‍डा मेएँ, माम्‍चु़नीका न बोमिमिम होम्‍साका खारी बेप्‍डा पाह्रीलामका योङडोम।

यूहन्‍ना 8:11

मेराम मेसेमका र्‍वाक्‍ता, “सु़का वो मेग्‍वाङ्‌मिवा ङाचो़।” येशूका र्‍वाम्‍डी, “गो वो गानालाई देन्‍दे मेग्‍वानी। लक्‍सा, आथाडा आनो छु़ल मेबे।”

यूहन्‍ना 17:18

गानी गोलाई सु़म्‍दिसेरडा थु़र्ङिडिनिम होङ्‍ङा मेर्मिमलाई सु़म्‍दिसेरडा थु़र्तोमिम बु।

यूहन्‍ना 17:23

मेर्मिम खोत्‍ले कोले दु़म्‍मिनु़ र्‍वाक्‍साका गानी गोगोडा दु़म्‍निमा गो मेर्मिमडा दु़म्‍ङु। मेम्‍मा गानी गोलाई रिखाम बेङ्‌डिनिम होङ्‍ङा मेर्मिमलाई रिखाम बेनिमी र्‍वाक्‍पा नुङ गानी गोलाई थु़र्ङिडिनिम र्‍वाक्‍पा सु़म्‍दिसेरका च।

यूहन्‍ना 17:25

“जो़पा खारी बेपा पाप, सु़म्‍दिसेरडाम मु़चु़मिमका गानीलाई मेछेनी, लावो गो गानीलाई छेनिनी। मेम्‍मा गानी गोलाई थु़र्ङिडिनिम र्‍वाक्‍पा मेर्मिमका चमी।

मत्ती 18:11

[हेङालोने मिनीचो़ ने दाम्‍पा मु़चु़मिम ङा सेल्‍मु लागि योक्‍ताम सो़।]