यूहन्‍ना 3:14 - थुलुङ राई

¹⁴ र्‍याङगो-र्‍याङगोडा मोशाका थामडला ब्‍लो कोस्‍तु़म होम्‍साकाङा मिनीचो़ वो कोम्‍सिमु बासी,

यूहन्‍ना 3:14 Referans Kwoze

यूहन्‍ना 8:28

मेम्‍मिमका येशूका र्‍वाम्‍डी, “मिनीचो़लाई गानी क्रूसडला कोनी, मेम्‍मा गो गुमीङा र्‍वाङ्‌डोम गानी चनी। गो आमा त्‍वाकु साखामडा हाम वो मेबेउ, लावो पापका हाम सीट्‌ङिडिमी मेराम कोङङा जेङु।

थु़र्मा 2:23

येशू गानीलाई ग्‍वामु माम्‍चु़नीकाम ङादो आथाममिम उनी मुलु़ नुङ न बाइडा। मेम्‍मिमका गानी गुमीलाई मेजो़पा मु़चु़मिमलाई ग्‍वाक्‍साका क्रूसडा चेसाका सेन्‍बेट्‌नी।

मत्ती 26:54

लावो मेम दु़स्‍ता माला आरे दु़म्‍मुङा बासी र्‍वाक्‍साका माम्‍चु़नीकु सिजेमका र्‍वामिम हेसाका रोथी मा?”

लूका 24:20

लावो आकी ङाउ डु़म्‍लाचो़मिम नुङ ङाउमिमका गुमीलाई सेट्‌नी र्‍वाम्‍डिमा क्रूसडा चेन्‍बेट्‌मिडी।

मत्ती 8:20

येशूका मेरामलाई र्‍वाम्‍डी, “सेरुलीमिमकाम उनी बाखोप रोङगा बु। चक्‍पुमिमकाम वो उनी बाखोप पान्‍जी बु, लावो मिनीचो़काम ने ङेसिखोप वो मिबु।”

यूहन्‍ना 6:51

त्‍वारो़म ग्‍वाक्‍पा पाह्रीलामका योक्‍पा सो़बेम गोङा सो़। कोङनिमका ओराम सो़बेम पु़ माला मेराम हेल्‍लो लोवो नु़होम बु। ओराम सो़बेम ने आमा मिरो़म सो़, सु़म्‍दिसेरडाम मु़चु़मिमका त्‍वारो़म ल्‍वामु लागि मेराम ग्‍वाक्‍पुमी।”

यूहन्‍ना 18:32

गुमी हेसाका सिमु बासी र्‍वाक्‍साका येशूका र्‍वाम्‍डिम ल्‍वा रोम्‍थिमु लागि आरे दु़स्‍ताम बाइडा।