यूहन्‍ना 3:12 - थुलुङ राई

¹² गो गानीलाई सुबुडाम ल्‍वा र्‍वाङडो माला थो़र मेलु़नी, मा पाह्रीलाम ल्‍वाकु दुथाम र्‍वाङुलो हेसाका गानी थो़रलु़नी मा?

यूहन्‍ना 3:12 Referans Kwoze

हिब्रू 5:11

ओरामकु दुथाम हापा र्‍वामु बासिक्‍पा ल्‍वा बु, लावो गानी थेसिमेथेट्‌पा बुनिमिमका थेसिथेन्‍बेन्‍मु मेझापा बु।

यूहन्‍ना 3:8

जु बान्‍ते उ फुन्‍फुनद्‌वा मेनोङा फुडु़। जु गाना थो़मु कोङङा चाम्‍ना, लावो बालामका रोक्‍ता, बान्‍ते ल, मेराम गाना सो़मु मेचाम्‍ना। मेप्‍मामङा पेललाम गक्‍पा मु़चु़ हेप्‍माम दु़म्‍मी र्‍वाक्‍साका गाना र्‍वामु मेचाम्‍ना।”

यूहन्‍ना 3:5

येशूका मेरामलाई र्‍वाम्‍डी, “आच्‍छाङा गो गानालाई र्‍वाङु, कु नुङ पेललामका मेगक्‍पा सु़ वो माम्‍चु़नीकु किब्‍दीडा हुमु मेचाप्‍सु़।

१ यूहन्‍ना 4:10

रिखाम ओरामङा सो़: माम्‍चु़नीलाई गुइ रिखाम बिडिम मेएँ, लावो गुमीका गुइलाई रिखाम बेसाड्‌डामी, मा इकीमा छु़लमिम हेम्‍सामु सासेन्‍सिप्‍डा उनीमा तारापाचो़ थु़र्मिडी।

१ तिमोथी 3:16

सो़रलोले बेपा मिरो़म-त्‍वारो़मकु थक्‍मा ल्‍वा ने हाङको डोक्‍पु बु: ख्रीष्‍ट उनी त्‍वापङा मिरो़मडा ल्‍वाला सो़म्‍सिम्‍डी, माम्‍चु़नी-पेलका गुमीलाई माम्‍चु़नीकु ङादोडा जो़पा दु़म्‍मिडिम रेम्‍बेम्‍डी, पाह्रीचो़मिमलाम ल्‍वाला सो़म्‍सिम्‍डी, मिनी सामामिमका उनीमा दुथाम थो़म्‍डी, सु़म्‍दिसेरडा मु़चु़मिमका गुमीडा थो़र बेम्‍डी, यु़म-झ्‍वाक्‍सीडा गुमी गेले कोम्‍सिम्‍डी।

यूहन्‍ना 3:3

येशूका मेरामलाई र्‍वाम्‍डी, “आच्‍छाङा गो गानालाई र्‍वाङु, लाले दु़म्‍साका मेगक्‍थु़मसम्‍म सु़का वो माम्‍चु़नीकु किब्‍दी ल्‍वामु मेचाप्‍सु़।”

यूहन्‍ना 3:11

आच्‍छाङा गो गानालाई र्‍वाङु, गुकु हाम थेन्‍कु मेराम जेकु, मा गुकु हाम ल्‍वाकु मेरामकु दुथाम सो़कु। लावो गुकु सो़कुमिम ल्‍वाडा गानी थो़रमेलु़नी।