यूहन्‍ना 3:11 - थुलुङ राई

¹¹ आच्‍छाङा गो गानालाई र्‍वाङु, गुकु हाम थेन्‍कु मेराम जेकु, मा गुकु हाम ल्‍वाकु मेरामकु दुथाम सो़कु। लावो गुकु सो़कुमिम ल्‍वाडा गानी थो़रमेलु़नी।

यूहन्‍ना 3:11 Referans Kwoze

यूहन्‍ना 8:38

आमा पापनुङ बाङ्‌डोलो गो हाम ल्‍वाउतो मेराम गो गानीलाई र्‍वाक्‍तोङा बेउ। लावो गानी इनीमा पापकु मुलु़ होम्‍साका बोनी।”

यूहन्‍ना 14:24

गोलाई रिखाम मेबेपाका आमा सीसि मेथो़सु़। गानी थो़निमिम ओर्मिम सिजेम आमा मेएँ, मेर्मिम ने गोलाई थु़र्पा पापकाम सो़।

यूहन्‍ना 12:49

गो आमा त्‍वाकु नका जेङ्‌डोम मेएँ। गो हाम जेमु बासिक्‍पा, मा हाम र्‍वामु बासिक्‍पा मेराम गोलाई थु़र्पा आमा पापका बेबेट्‌ङिडिमिम बु।

यूहन्‍ना 8:14

येशूका र्‍वाम्‍डी, “आमा दुथाम गो त्‍वाकाङा सो़उतो लोवो गो सो़उतोम ल्‍वा आच्‍छाङा सो़। गो बालामका रोङ्‌डोम, मा गो बान्‍ते लक्‍तोङा बेउ, मेराम गो चक्‍पु। लावो गो बालामका रोङ्‌डोम डे बान्‍ते लङुमिम डे मेराम गानी मेचनी।

यूहन्‍ना 7:16

मेम्‍मा येशूका मेर्मिमलाई र्‍वाम्‍डी, “आमा सीसि आ त्‍वाकाम मेएँ, गोलाई थु़र्पा माम्‍चु़नीलाम रोक्‍पा सो़।

यूहन्‍ना 1:18

सु़का वो माम्‍चु़नीलाई हेल्‍लो वो ल्‍वास्‍तु़म मिबु। पापनुङ बाट्‌पा माम्‍चु़नी होप्‍मामङा तारापाचो़का माम्‍चु़नीलाई रेम्‍बेसाड्‌डामिम बु।

२ कोरिन्‍थी 4:4

मेर्मिमकु दुथाम र्‍वाकी माला, माम्चु़नीकु ङाली बुमिम ख्रीष्‍टकु यु़म-झ्‍वासिक्‍पा जो़पा-सेलाकु ओल मेर्मिमका मेल्‍वामिनु़ र्‍वाक्‍साका ओराम सु़म्‍दिसेरडाम नो़पका थो़रमेलु़पा मु़चु़मिमकु न ब्‍लो़प्साड्‍डु़मिम बु।

यूहन्‍ना 1:11

गुमी उनी त्‍वाकु मु़चु़मिमकाडा योम्‍डी, लावो उनी मु़चु़मिमका गुमीलाई हुनाखाना मेबेमिवा।

लूका 10:22

“आमा माम्‍चु़नीका खोत्‍ले गोलाई आमा ल्‍वाडा ग्‍वाङ्‌डिमिम बु। माम्‍चु़नीकु तारापाचो़ सु़ र्‍वाक्‍साका माम्‍चु़नीडाम वाङमिम सु़का वो मेछेङिमी। माम्‍चु़नी सु़ र्‍वाक्‍साका माम्‍चु़नीकु तारापाचो़डाम सु़का मेछेडु़। माम्‍चु़नीकु तारापाचो़का गुमीलाई उहेमकाडा रेम्‍बोमु लागि छेडु़ मेराम मु़चु़डाम वाङमिम सु़का वो गुमीलाई मेछेडु़।”

रेम्‍बेट्‌मिडिम ल्‍वा 1:5

माम्‍चु़नीकु दुथाम सो़मुडा थो़रलु़इमिम, सिमुलाम बग्‍गेट्‌पामिमगोडाम खोत्‍लेडाम ङादोम, मा सुबुडाम हपमिमडला साखाम थो़पा येशू ख्रीष्‍टलाम वो दिदाम नुङ न-भ्रसी ल्‍वानिनु़। येशू ख्रीष्‍ट, उहेमका गुइलाई रिखाम बेसामी मा गुमी सिम्‍डिम उनीमा सिसिका गुइलाई इकी छु़लमिमलाम वाङ बेसाड्‌डामी,

थु़र्मा 22:18

मेकोतिलो गुमीका गोनुङ आरे र्‍वाक्‍तोङा बेम्‍डिम ल्‍वाउतो, ‘दाला बासामा यरूशलेमलामका लुक्‍ल्‍याडा, हेङालोने गाना मेर्मिमनुङ सो़नामिम आमा दुथाममिम ल्‍वा मेर्मिमका मेथो़मी।’

यूहन्‍ना 5:43

गो आमा पापकु साखामडा योङडोम बु, गानी गोलाई मेरङिनी। लावो कोङनिम मु़चु़ उ साखामडा रोक्‍ता माला गुलाई गानी रनी।

यूहन्‍ना 3:13

पाह्रीलामका योक्‍पा मिनीचो़डाम वाङमिम सु़ वो पाह्रीला लस्‍ताम मिबु।

यूहन्‍ना 3:5

येशूका मेरामलाई र्‍वाम्‍डी, “आच्‍छाङा गो गानालाई र्‍वाङु, कु नुङ पेललामका मेगक्‍पा सु़ वो माम्‍चु़नीकु किब्‍दीडा हुमु मेचाप्‍सु़।

यूहन्‍ना 3:3

येशूका मेरामलाई र्‍वाम्‍डी, “आच्‍छाङा गो गानालाई र्‍वाङु, लाले दु़म्‍साका मेगक्‍थु़मसम्‍म सु़का वो माम्‍चु़नीकु किब्‍दी ल्‍वामु मेचाप्‍सु़।”

मत्ती 23:37

“ए यरूशलेमडाम मु़चु़नी, ए यरूशलेमडाम मु़चु़नी, माम्‍चु़नीलाम-जेपामिमलाई गानी सेनी, मा माम्‍चु़नीकु सेलाचो़मिमलाई लुङका ओम्‍नी। घ्‍लोमीका उ बुक्‍लोमिमलाई उ लाप्‍तेरकुगोयु़ बोडु़-थारु़मिम होम्‍साका गानीलाई बोमु-थार्मु माल्‍थाल्‍तो, लावो गानी मेबिन्‍सिट्‌निवा।

मत्ती 11:27

“आमा पापका खोत्‍ले ल्‍वा आमा ल्‍वाड्‌डा ग्‍वाङ्‌डिमिम बु। पापका कोङङा तारापाचो़लाई छेमी। तारापाचो़का कोङङा पापलाई छेडु़, मा तारापाचो़का सु़-सु़नुङ पापलाई छेबेपा न बु़, मेर्मिमका वो पापलाई छेमी।

रेम्‍बेट्‌मिडिम ल्‍वा 3:14

“लाउडिकिया मण्‍डलीडाम पाह्रीचो़लाई ओराम ल्‍वा र्‍याका: ओराम सिजेम आमेन र्‍वाक्‍पा, थो़रलु़इमिम, माम्‍चु़नीकु आच्‍छाङाकाम ल्‍वा सो़पा, मा उहेमलामका माम्‍चु़नीका खोत्‍ले प्रङ्‌मिडी, मेरामका आरे र्‍वामी।

यूहन्‍ना 3:12

गो गानीलाई सुबुडाम ल्‍वा र्‍वाङडो माला थो़र मेलु़नी, मा पाह्रीलाम ल्‍वाकु दुथाम र्‍वाङुलो हेसाका गानी थो़रलु़नी मा?

यूहन्‍ना 8:26

इनीमा दुथाम सो़मु नुङ निया बोमु बासिक्‍पा हापा ल्‍वामिम गोनुङ बु। लावो गोलाई थु़र्पा ने आच्‍छाङाकाम बुमी, मा गुमीलाम गो हाम थो़उ, मेराम ल्‍वा सु़म्‍दिसेरडाम मु़चु़मिमलाई थो़बेट्‌पुमी।”