10 येशूका गुलाई र्वाम्डी, “गाना ने यहूदीमिमकु डोक्पु सीपा मु़चु़, मा ओराम ल्वा आथावो थेसिमेथेनामिम?
येशूका मेर्मिमलाई र्वाम्डी, “गानी जो़होमका थेसिथेट्निम मिबु। हेङालोने माम्चु़नीकु सिजेम नुङ उनीमा यु़मकु दुथाम गानी मेचनी।
मेम्मिमका मेर्मिमकामथो़ न-मेसोमी। मेर्मिम ने मिक्सीका मेल्वापामिमलाई क्रिपा मिक्सीका मेल्वापामिम सो़। मिक्सीका मेल्वापाका मिक्सीका मेल्वापालाई क्रियु़ माला निफिङा पोलु़मगोयु़ वाम्ची।”
मेकोतिलोङा येशूका र्वाम्डी, “पाआ, सुबु नुङ पाह्रीकाम मिप्रङमा, गो गानीलाई आलासो़ ग्वानिनी। हेङालोने थेट्पा नुङ नेप्चीनुङमा मु़चु़मिमडाम थक्साका जु़ल्निम ल्वा चो़च्चो़ होप्माम मु़चु़मिमकाडा रेम्बेन्नी।
हेङालोने माम्चु़नी-पेललाम सो़रलोले बेपा, येशू ख्रीष्टडा नो़ डोक्पु बेपा मा मु़चु़कु बेसी-दोसीडा थो़र मेलु़पा गुइङा आच्छाङा कोक्ते खिरिरि क्रिप्मा माम्चु़नीकु मु़चु़ सो़।
पाखालाम कोङङा यहूदी लिसिक्पा ने आच्छाङाकाम यहूदी मेएँ, मेम्साकाङा पाखाडा ल्वासिक्पा खिरिरि क्रिप्सी नुङ मिरो़मडाम ल्वा वो आच्छाङाकाम मेएँ।
गानी ख्रीष्टनुङ दु़म्मु ने आच्छाङा क्रिप्सी दु़म्मु ङा सो़। मु़चु़लाम मिरो़मडा दु़म्डिम खिरिरि क्रिप्सी मेएँ, लावो गानीलाई ख्रीष्टलाम क्रिप्सी दु़म्निम बु। ओराम क्रिप्सी ने इनीमा छु़ल बेपा न नुङ छु़लकु यु़मलामका सेल्सिमु ल्वामु सो़।
सुलेम चङडा मेर्चिपका येशूलाई सो़रनेमडा यहूदीमिमकु डु़म्ला सीपा मु़चु़मिमकु थेतेडा गन्तासिट्मिडिमा मेर्मिमकु ल्वा थो़त्तो मेर्मिमनुङ हिलाहिसी बेत्तोङा लेट्मिडिम माम नुङ पापका डार्ची।
कोलेम येशूका मु़चु़मिमलाई सीत्तोङा लेट्मिडिम बाइडा। गालील नुङ यहूदियाडाम खोत्ले देलडाम मा यरूशलेमलामका रोक्पा फरिसीमिम नुङ यहूदीकु डु़म्ला सीपा पातु़म्रीमिम मेसिन्डा रोम्डिमा गन्तासिट्मिडिम बाइडा। मेकोतिलो नो़पामिम सबेट्पा यु़म माम्चु़नीका येशूलाई ग्वाम्डिम बाइडा।
निकोदेमसका हिलाबु़डु़, “आरेप्माम हेसाका दु़म्मु चाप्सु़?”
लावो यहूदीमिमकु डु़म्ला सीपा नुङ मु़चु़मिमका डोक्पु मिम्थाल्मिडिम गमलिएल र्वाक्मा फरिसीका डोक्पु घ्रो़म्दीडा येम्स्तामा थु़र्मामिमलाई घरिकोङ पाखानो थु़र्नी बु़डु़मी।