यूहन्‍ना 21:7 - थुलुङ राई

⁷ मेम्‍मा येशूका छो़म रिखाम बेम्‍डिम सीसिपाका पत्रुसलाई र्‍वाक्‍ता, “गुमी ने ङाचो़ रे रेछा।” सिमोन पत्रुसका “गुमी ने ङाचो़ रे रेछा” र्‍वाक्‍पा थो़स्‍तु़मा गुका उमा ब्‍लाङमा-ये कम्‍मरडा बड्‌डु़, हेङालोने गुका उमा ब्‍लाङमा-ये प्‍लु़स्‍तु़म बाइडा। मेम्‍मा दिरिदिनगोयु़ झुस्‍ता।

यूहन्‍ना 21:7 Referans Kwoze

यूहन्‍ना 13:23

येशूका रिखाम बेम्‍डिम कोले सीसिपा ने येशूकु होनोलाम गन्‍तासिट्‌पा बाइडा।

यूहन्‍ना 20:2

गु पत्रुस नुङ येशूका छो़म रिखाम बेम्‍डिम कोङमी सीसिपाकाडा ओन्‍तो रोक्‍तामा र्‍वाक्‍ता, “मेर्मिमका ङाचो़लाई सु़लु़मलाम लम्‍डी रेछा, मा गुमीलाई बान्‍ते जु़ल्‍मिडी, मेराम गुइ मेच।”

यूहन्‍ना 19:26

येशूका उनीमा माम नुङ गुमीका द्‌वाम्‍डिम उनीमा सीसिपालाई उनी फार्डा येम्‍तासिट्‌पा ल्‍वाम्‍डिमा उनीमा मामलाई र्‍वाम्‍डी, “वा छापा, मेराम इनीमा तारापाचो़।”

२ कोरिन्‍थी 5:14

ख्रीष्‍टकु रिखामका गुकुलाई ओराम खारी बेबेत्तिकिम सो़। खोत्‍ले मु़चु़मिमकाम लागि गुमी सिम्‍डी, मेम्‍मिमका गुइ खोत्‍ले गुमीनुङ सिइडिम र्‍वाक्‍साका गुइ चडिम बु।

यूहन्‍ना 21:24

मेराम सीसिपाङा सो़ ओर्मिम ल्‍वाकु दुथाम सो़पा मा र्‍याक्‍पा। गुका र्‍वामिम ल्‍वा आच्‍छाङा र्‍वाक्‍पा गुइ च।

यूहन्‍ना 21:20

पत्रुसका चङथो़ ख्‍लोसिड्‌डामा रेप्‍डु़लो येशूका छो़म रिखाम बेम्‍डिम सीसिपा चङचङ बिक्‍तोङा बेपा ल्‍वास्‍तु़। नेम्‍थाम ग्रुला पेम्‍डिलो येशूकु चङलाम थेर्तासिड्‌डामा “ङाचो़, गानीलाई भ्रेट्‌पा मु़चु़ सु़?” र्‍वाक्‍साका हिलाबेपा सीसिपा ओरामङा बाइडा।

थु़र्मा 10:36

गानी ओराम ल्‍वा चनिमिम ङा बु, माम्‍चु़नीका न भ्रसिबेट्‌पा जो़पा-सेला सो़प्‍डा येशू ख्रीष्‍टलाई गुकु इस्राएलीमिमकाडा थु़र्मिडी। गुमी ङा खोत्‍ले मु़चु़मिमडला साखाम थो़पा ङाचो़ सो़।

थु़र्मा 2:36

“मेम्‍मिमका इस्राएलडाम खोत्‍ले मु़चु़मिमका जो़होमका चमिनु़, गानी क्रूसडा चेट्‌निम येशूलाई माम्‍चु़नीका ङाचो़ नुङ ख्रीष्‍ट बनेबेम्‍डी।”

लूका 7:47

मेम्‍मिमका गो गानालाई र्‍वाङु, ओराम मेसेमकाम हापा छु़लमिम हेम्‍सिड्‌डाम बु, मा ओराम मेसेमका गोलाई हापा रिखाम बोङी। लावो उहेमकु छु़ल कि-कि कोङङा हेम्‍सी, मेरामका कि-कि कोङङा रिखाम बु़।”

लूका 2:11

आनेप दाऊदकु शहरडा गानीलाई सेल्‍पा कोले मु़चु़ ङाचो़ ख्रीष्‍ट गम्‍डिम बु।

मर्कूस 11:3

कोङनिमका गाची ‘हाम बोचिमिम?’ र्‍वाम्‍डी माला येशूका ओराम चाइबेम्‍डिम बु, मा गुमीका दालाङा ख्‍लोन्‍सानिमी र्‍वामु।”

याकूब 2:1

आमा वा-ल्‍वाकनी, ङाचो़ येशू ख्रीष्‍ट, यु़म-झ्‍वाक्‍सीकु ङाचो़डला गानी थो़र बेन्‍निमका मु़चु़मिम गोडा चोमिक्‍सी मेबेनी।

१ कोरिन्थी 15:47

ङादोम मु़चु़ आदम सुबुडाम क्‍वाकाम बाइडा, चङडाम मु़चु़ ख्रीष्‍ट, पाह्रीलामका योम्‍डी।

यूहन्‍ना 20:28

थोमाका गुमीलाई र्‍वाक्‍ता, “आमा ङाचो़, आमा माम्‍चु़नी।”

यूहन्‍ना 20:20

अकोति र्‍वाम्‍डिमा गुमीका मेर्मिमलाई उनी ल्‍वा नुङ फेटफेट रेम्‍बेट्‌मिडी। ङाचो़लाई ल्‍वाम्‍डिमा सीसिपामिम छो़म गेर्सिद्‌वाम्‍डी।

लूका 12:35

“इनी थ्‍वाक्‍पुरी खिप्‍निमा झो़म्‍सिट्‌नी, मा इनी धिप्‍रीमिम चान्‍जो़ल्‍नी।

यूहन्‍ना 21:8

वाङमिम सीसिपामिम ने कुबी-बोक्‍साडलाङा गन्‍मिडिमा ङोका लिपा पालुङ पाखानो थु़त्तोङा लेट्‌मिडी। मेर्मिम दिरिदिनकु सो़पडाम हापा होनोवा मेबामिवा, को सङ (१००) मिटर कोको होनो बाम्‍डी।