यूहन्‍ना 21:5 - थुलुङ राई

⁵ येशूका मेर्मिमलाई र्‍वाम्‍डी, “ङोप्‍सो़नी, गानीनुङ कोले वो ङो मिबु?” मेर्मिमका र्‍वाम्‍डी, “मिबु।”

यूहन्‍ना 21:5 Referans Kwoze

फिलिप्‍पी 4:19

आमा माम्‍चु़नीका र्‍वामु मेझापा उनीमा खाप्‍चीलामका गानी चाहे बोनिमिम खोत्‍ले ख्रीष्‍ट येशूडा ग्‍वानिमी।

१ यूहन्‍ना 2:13

ङावानी, गो गानीलाई ओराम र्‍याक्‍तोङा बेउ, हेङालोने खोत्‍ले प्रङ्‌सिमु ङादो आथामङा बाट्‌पा येशू ख्रीष्‍टलाई गानी छेनी। स्‍वालानी, गो गानीलाई ओराम र्‍याक्‍तोङा बेउ, हेङालोने शैतानडला गानी घ्‍ल्‍वान्‍निम बु। द्‌वादीबुङ चो़च्‍चो़नी, गो गानीलाई ओराम र्‍याक्‍तोङा बेउ, हेङालोने इकीमा माम्‍चु़नी पापलाई गानी छेट्‌निम बु।

हिब्रू 13:5

गानी खाप्‍चीकु रारी बोमुडाम वाङ बानी। गानीनुङ हाम बु मेकोतिडाङा गो तिम्‍सिट्‌नी। हेङालोने माम्‍चु़नीका र्‍वाम्‍डिम बु, “गो गानीलाई हेल्‍लो वो मेडिनिनी, गो गानीलाई हेल्‍लो वो मेङेनिनी।”

१ यूहन्‍ना 2:18

आमा चो़च्‍चो़मिम होप्‍माम मु़चु़नी, हुक्‍पा थारी ओरामङा सो़। ख्रीष्‍टकु कोर्थो़लाम बक्‍पा मु़चु़ रोक्‍तोङा लेडु़ र्‍वाक्‍पा गानी थो़न्‍निम होङङा ओम्‍लो वो ख्रीष्‍टकु कोर्थो़लाम बक्‍पा हापा मु़चु़मिम रोम्‍डिम बु। मेम्‍मिमका ओराम थारी हुक्‍पा थारी र्‍वाक्‍पा गुइ च।

मत्ती 14:15

दुङमा र्‍यामु खाप्‍डु़म थारीका उनी सीसिपामिम उनीमाडा रोम्‍डिमा र्‍वाम्‍डी, “ओराम खोमडा मु़चु़मिम सु़ वो मेबुमी, मा दुङमा वो र्‍यामु खाप्‍डु़म बु। सेर्पा मु़चु़लाई थु़र्सोट्‌नी, मा देल-गुथाबाडे लमिनु़मा उनी त्‍वाकाङा पोमु-डुमु भ्रेमिनु़।”

मर्कूस 8:7

मेर्मिमनुङ किचो़ कोलोङ याक्‍केतो ङोमिम वो बाइडा। मेरामलाई वो गुमीका जि ग्‍वाम्‍डिमा मे सेर्पा मु़चु़मिमलाई दो़साट्‌नी बेम्‍डिमा उनीमा सीसिपामिमलाई ग्‍वाम्‍डी।