यूहन्‍ना 21:25 - थुलुङ राई

²⁵ येशूका वाङमिम वो हापा खारीमिम बेम्‍डी। मेर्मिम खोत्‍ले र्‍याक्‍पाका माला मे र्‍याक्‍मा खाजेममिम हिसिक्‍पा खोम खोत्‍ले सु़म्‍दिसेरडा वो मेदु़प्‍सावा र्‍वाक्‍पा गो लु़ङु।

यूहन्‍ना 21:25 Referans Kwoze

हिब्रू 11:32

ओरामडाम हापा ल्‍वा गो हाम सो़मु? गिदोन, बाराक, शिमशोन, यिप्‍ता, दाऊद, शमूएल नुङ माम्‍चु़नीलाम जेपामिमकु दुथाम सो़मु गोनुङ थारी मिबु।

थु़र्मा 10:38

माम्‍चु़नीका नासरतडाम येशूलाई उनीमा पेल नुङ यु़मका थुट्‌मिडी। गुमी जो़पा खारी बेत्तो नुङ मुनाङका हुपामिमलामका मुनाङ ख्‍लुक्‍तो लाम्‍दिम्‍डी, हेङालोने माम्‍चु़नी गुमीनुङ बाम्‍डी।

थु़र्मा 20:35

खोत्‍ले ब्राम्‍दु़ल्‍वा बेउतोमा गानीलाई रेम्‍बेट्‌निनिम बु सो़। गानी वो आरेसाकाङा छो़निमा मेचापामिमलाई ख्‍लो़मुमि बासी। येशूका र्‍वाम्‍डिम ओराम सिजेम मिम्‍नी सो़ ‘ग्‍वामु ङा रमुडाम वो आलाकाम दु़म सो़’।”

मत्ती 11:5

मिक्‍सीका मेल्‍वापामिमका मिक्‍सीका ल्‍वाम्‍डिम, मा खेल सोक्‍पामिम लाम्‍दिम्‍डिम बु। जोन बेट्‌पामिम सम्‍डिम बु। नोफ्‍लाका मेथो़पामिमका थो़मी, सिपा मु़चु़मिम सिमुलाम बम्‍गेम्‍डिम बु, मा उनी हाम वो मेबाट्‌पामिमका माम्‍चु़नीकु जो़पा-सेला थो़त्तोङा लेन्‍मी।

मत्ती 19:24

आथावो गो गानीलाई र्‍वाङु, चु़ल्‍बीकु ग्‍वाङलामका ऊँट लुमु छो़मिम होङङा माम्‍चु़नीकु किब्‍दीगोडा खाप्‍चीचो़ हुमु छो़।”

मर्कूस 5:16

ओराम ल्‍वापामिमका मे मुनाङपेलनुङमा मु़चु़ नुङ ब्‍वामिमलाई हा-हाम दु़स्‍ताम बाइडा मेर्मिमनुङ सो़म्‍डी।