यूहन्‍ना 21:22 - थुलुङ राई

²² येशूका पत्रुसलाई र्‍वाम्‍डी, “गो मेख्‍लोसिक्‍थु़मसम्‍म गु सामनुङमा बुनु़म बुनु़ र्‍वाक्‍पा आमा न बु, गानालाई हाम दु़स्‍ता? आमा चङचङ लाम्‍दिया।”

यूहन्‍ना 21:22 Referans Kwoze

मर्कूस 9:1

मेकोतिमा गुमीका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, आसि येम्‍तासिट्‌पामिमडाम याङ-याङका माम्‍चु़नीकु किब्‍दी यु़मनुङ योक्‍पा मेल्‍वाथु़म उनीमा साम मेल।”

रेम्‍बेट्‌मिडिम ल्‍वा 2:25

मेम लोवो गानीनुङ बाट्‍पा आच्‍छाङाकाम सीसि गो मेरोक्‍थु़मसम्‍म जेन्‍थाट्‌नी।

१ कोरिन्थी 4:5

मेम्‍मिमका ङाचो़ येशू योमु ङादो हाम वो निया मेबेनी। गुमीका ङा तुकुम्चिमडा थक्‍मा ल्‍वा ओलडा रेन्मी, मा मु़चु़मिमकु न नुङ गो वो रेम्‍बोमी। मेम्‍लो मु़चु़मिमका माम्‍चु़नीलाम त्‍वा त्‍वाहोम डोक्‍पु बेला सो़म्‍सिमी।

रेम्‍बेट्‌मिडिम ल्‍वा 3:11

गो दालाङा योङु। गानानुङ बाट्‌पा आच्‍छाङाकाम सीसि जो़होमका जेथाडा। मेम्‍मा इमा मुकुट सु़का वो रोन्‍मु मेचाप्‍सु़नु़।

याकूब 5:7

मेम्‍मिमका वा-ल्‍वाकनी, ङाचो़ येशू मेयोक्‍थु़मसम्‍म इम्‍सिक्‍साका बानी। रेप्‍नी, हेसाका मा-के सिन्‍बेट्‌पा खारीचो़का वो उमा येडाम हापा नु़पा मा-के ल्‍वामु लागि मा-के ख्‍लिमु ङादो नुङ मेराम मा-केकु बुङदो ङादो व योक्‍पा थारी उ पाउ मेसोसाका छो़म लथाडु़।

१ कोरिन्थी 11:26

आरेसाका गानी उहेम उहेम थारीका सो़बेम पोनी, मा कान्‍चु़रेलाम डुनी गुमी मेयोक्‍थु़मसम्‍म ङाचो़ सिम्‍डिमकु दुथाम सो़निमिम दु़म।

यूहन्‍ना 21:19

हेसाका सिसाका पत्रुसका माम्‍चु़नीकु यु़म झ्‍वाकु़ मेराम रेम्‍बोमु लागि येशूका आरे र्‍वाम्‍डिम बाइडा। मेम्‍मा गुमीका पत्रुसलाई र्‍वाम्‍डी, “आमा चङचङ लाम्‍दिया।”

मत्ती 24:44

मेम्‍मिमका गानी झो़म्‍सिट्‌निम बानी, हेङालोने गानी इनी नड्‌डा मेमिम्‍निमिम थारीका मिनीचो़ यो।

रेम्‍बेट्‌मिडिम ल्‍वा 22:20

ओर्मिम ल्‍वामिम र्‍वाक्‍पाका आरे र्‍वामी, “आच्‍छाङा, गो योमुङा खापुमिम बु।” आमेन, ङाचो़ येशू योक्‍नीका।

रेम्‍बेट्‌मिडिम ल्‍वा 22:7

“रेप्‍नी, गो येशू योमुङा खापुमिम बु। उहेम मु़चु़का ओराम खाजेमडा रेम्‍बेम्‍मा ल्‍वा होम्‍साका बु़, मेराम मु़चु़ आलाकाम सो़।”

रेम्‍बेट्‌मिडिम ल्‍वा 1:7

रेप्‍नी, येशू खासेडलामका योमुङा खाप्‍मी, मेम्‍मा खोत्‍ले मु़चु़मिमका गुमीलाई मिक्‍सीका ल्‍वामी। गुमीलाई क्रूसडला चेट्‌पामिमका वो गुमीलाई ल्‍वामी। मेम्‍मा सुबुडाम खोत्‍ले दोचो़गोडाम मु़चु़मिम गुमीडाम खोर्सेक्‍तो ख्राम्‍मि-दुमी। आरेङा दु़म्‍नु़। आमेन।

मत्ती 25:31

“मिनीचो़ खोत्‍ले पाह्रीचो़मिमनुङ उ यु़म-झ्‍वाक्‍सीडा यो, मा हप दु़ममा डोक्‍पु उ गन्‍खोपडा गन।

मत्ती 24:27

हेङालोने पूर्वनो ब्‍ल्‍याक्‍ची ओप्‍डु़लो पश्‍चिमनोसम्‍म वो दो़मिम होम्‍साका मिनीचो़ योमिमनेम दु़म।

मत्ती 24:3

चङडा जैतून पोप्‍चङडला येशू गन्‍तासिट्‌मिडिलो उनी सीसिपामिम कोङङा येशूकाडा रोम्‍डिमा हिलाबेम्‍डी, “ओराम ल्‍वा हाम्‍सिका दु़म? गानी ख्‍लोन्‍सिनिमिम नुङ सु़म्‍दिसेर हुक्‍पा हेप्‍माम छेखोप दु़म?”

मत्ती 8:22

लावो येशूका मेरामलाई र्‍वाम्‍डी, “आमा चङचङ लाम्‍दिया, मेसिपा त्‍वारो़म मेल्‍वासाका सिपामिमका ङा सिपा रो़म क्‍लु़म्‍मिनु़।”

मत्ती 16:24

मेकोतिमा येशूका उनी सीसिपामिमलाई र्‍वाम्‍डी, “कोङनिमका आमा चङचङ लाम्‍दिमु न बु़ माला मेरामका उमा नसिहोम बोमु डिसाका त्‍वाकु क्रूस कुर्नु़मा आमा चङचङ लाम्‍दिनु़।

यूहन्‍ना 21:21

पत्रुसका गुलाई ल्‍वास्‍तु़मा येशूनुङ हिलाबु़डु़, “ङाचो़, ओराम हे दु़म?”

१ थेसलोनिकी 2:19

इकी ङाचो़ येशू योमिलो उनी ङादोडा हाम-हुम ल्‍वापा आकी न लोवो, आकी न-भ्रसी लोवो, आकी पुरस्‍कार लोवो, गानीङा मेएँ मा?

याकूब 5:8

मेम्‍साकाङा गानी वो इम्‍सिक्‍साका बानी मा इनी न-गो बन्‍थाट्‌नी। हेङालोने येशू योमु खाप्‍मिमिम बु।