यूहन्‍ना 21:2 - थुलुङ राई

² सिमोन पत्रुस, दिदुमस र्‍वाक्‍मा थोमा, गालीलडाम काना देलडा बाट्‌पा नथानेल, जब्‍दियाकु नले तारापाचो़चिप, मा नले सीसिपाचिप कोदेप बाम्‍डी।

यूहन्‍ना 21:2 Referans Kwoze

यूहन्‍ना 4:46

गुमी गालीलथो़ खिर्सिम्‍डिलो काना देलडा रोम्‍डी। मेसिन्‍डा गुमीका कु अङ्‍गूरकु बिलाम बनेम्‍डिम बाइडा। मेसिन्‍डाङा कफर्नहुम देलडा कोले डोक्‍पु मु़चु़ बाइडा। मेरामकु तारापाचो़ छो़म नो़पा बाइडा।

यूहन्‍ना 1:45

फिलिपका नथानेललाई डार्डु़मा र्‍वाक्‍ता, “मोशाकु डु़म्‍लाडा नुङ माम्‍चु़नीलाम-जेपामिमका कोले मु़चु़कु दुथाम र्‍वाम्‍डिम मेराम मु़चु़लाई गुकु डार्तोको। गुमी नासरतडाम योसेफकु तारापाचो़ येशू।”

यूहन्‍ना 20:28

थोमाका गुमीलाई र्‍वाक्‍ता, “आमा ङाचो़, आमा माम्‍चु़नी।”

यूहन्‍ना 11:16

मेम्‍मा येशूकु सीसिपामिमगोडाम दिदुमस र्‍वाक्‍मा थोमाका उमा ङोप्सो़मिमनुङ र्‍वाक्‍ता, “दो, गुइ वो येशूनुङङा लक्‍सिमा सिमु बासी लोवो सिइ।”

यूहन्‍ना 2:11

हेल्‍लो वो मेल्‍वाम्‍मा ओराम उनी खारी खोत्‍लेडाम ङादो येशूका गालीलडाम काना देलडा रेम्‍बेम्‍डी। आरेसाका गुमीका उनी यु़म-झ्‍वाक्‍सी रेम्‍बेम्‍डी, मा उनीमा सीसिपामिमका गुमीडला थो़र लु़म्‍डी।

लूका 5:10

मेम्‍साका ङा जब्‍दियाकु तारापाचो़ याकूब नुङ यूहन्‍ना वो ङाङाया दु़म्‍ची। मेर्चिप सिमोन पत्रुसनुङ कोयोङा ङो सेट्‌पा मु़चु़चिप बाच्‍ची। येशूका सिमोनलाई र्‍वाम्‍डी, “मेङिसा, आथाडा आनो गाना ङो मेएँ मु़चु़मिमलाई आमाडा रेट्‌पा दु़म्‍ना।”

मत्ती 10:3

फिलिप नुङ बारथोलोमाइ, थोमा नुङ कर फक्‍पा मत्ती, अल्‍फयसकु तारापाचो़ याकूब, थेदियस,

मर्कूस 1:19

किचो़ होनोक्‍थो़ रोम्‍थिम्‍डिलो येशूका जब्‍दियाकु चो़चिप याकूबनुङ यूहन्‍नाका कुबी-बोक्‍साडला उची पालुङ फिर्तोङा बेपा ल्‍वाम्‍डी।

यूहन्‍ना 2:1

उ नहाद्‌दामनेम गालील क्षेत्रडाम काना देलडा लालीकुन्‍दा दु़स्‍ताम बाइडा। येशूकु माम मेसिन्‍डा बाइडा।