यूहन्‍ना 21:19 - थुलुङ राई

¹⁹ हेसाका सिसाका पत्रुसका माम्‍चु़नीकु यु़म झ्‍वाकु़ मेराम रेम्‍बोमु लागि येशूका आरे र्‍वाम्‍डिम बाइडा। मेम्‍मा गुमीका पत्रुसलाई र्‍वाम्‍डी, “आमा चङचङ लाम्‍दिया।”

यूहन्‍ना 21:19 Referans Kwoze

२ पत्रुस 1:14

हेङालोने इकी ङाचो़ येशू ख्रीष्‍टका गोलाई रेम्‍बेट्‌ङिडिमिम बु, गो दालाङा ओराम मिरो़म डिन्‍मु बासी।

यूहन्‍ना 21:22

येशूका पत्रुसलाई र्‍वाम्‍डी, “गो मेख्‍लोसिक्‍थु़मसम्‍म गु सामनुङमा बुनु़म बुनु़ र्‍वाक्‍पा आमा न बु, गानालाई हाम दु़स्‍ता? आमा चङचङ लाम्‍दिया।”

मत्ती 10:38

उहेमका उ त्वाकु क्रूस कुर्साका आमा चङचङ मेलाम्‍दी, मेराम मु़चु़ आमा सीसिपा दु़म्‍मु मेघ्रेडु़।

फिलिप्‍पी 1:20

गो छो़म बोमु मालुमिम नुङ आमा न ओरामङा सो़, हामता वो आमा क्रो़म लु़मु बासिक्‍पा मेदु़म्‍ङु, लावो आमा रुखु छो़म फिन्‍सिक्‍पा दु़म, मेम्‍साका सिङुनु़का बुङुनु़ मेलामका आमा मिरो़मडा हेल्‍लो लोवो दु़म्‍मिम होम्साका ओम्‍लो वो ख्रीष्‍ट डोक्‍पु दु़म्‍मी।

यूहन्‍ना 12:33

गुमी हेसाका सिमु खाप्‍मिडिम मेराम रेम्‍बोमु आरे र्‍वाम्‍डिम बाइडा।

यूहन्‍ना 18:32

गुमी हेसाका सिमु बासी र्‍वाक्‍साका येशूका र्‍वाम्‍डिम ल्‍वा रोम्‍थिमु लागि आरे दु़स्‍ताम बाइडा।

यूहन्‍ना 12:26

उहेमका आमा चापेडुपे बु़, मेराम आमा चङचङ लाम्‍दिमु बासी, मा गो बान्‍ते बुङु, आमा डु़ल्‍चो़ वो मेसिङा दु़म। आमा चापेडुपे बेपा मु़चु़लाई आमा पापका डोक्‍पु बोमी।

मत्ती 19:28

येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, लाले सु़म्‍दिसेर दु़म्मिम थारीका, यु़म-झ्‍वाक्‍पा हप गन्‍खोपडा मिनीचो़ गन। मेकोतिलो आमा चङचङ लाम्‍दिपामिम वो को-न (१२) हप गन्‍खोपडा गन्‍मी, मा इस्राएलडाम को-न (१२) दोचो़मिमडला निया बोमी।

मत्ती 8:22

लावो येशूका मेरामलाई र्‍वाम्‍डी, “आमा चङचङ लाम्‍दिया, मेसिपा त्‍वारो़म मेल्‍वासाका सिपामिमका ङा सिपा रो़म क्‍लु़म्‍मिनु़।”

यूहन्‍ना 21:18

आच्‍छाङा गो गानालाई र्‍वाङु, गाना स्‍वाला बान्‍नालो इ त्‍वाकाङा त्‍वाकु ये फन्‍थाल्‍सिट्‌ना, मा बान्‍ते इ लल द्‌वाक्‍ता, मेसिन्‍डा लक्‍ना। लावो गाना ङावा दु़म्‍नामा इ ल्‍वा हम्‍नामा बुना, मा कोङनिमका ये फबेनामी मा बान्‍ते इ लल मेद्‌वा मेसिन्‍डा मेलनामी।”