यूहन्‍ना 21:15 - थुलुङ राई

¹⁵ मेर्मिमका पोमु डु़म्‍मिडिमा येशूका सिमोन पत्रुसलाई र्‍वाम्‍डी, “यूहन्‍नाकु तारापाचो़ सिमोन, हाम ओर्मिमडाम हापा रिखाम गाना बोङी?” गुका र्‍वाक्‍ता, “मेमङा, ङाचो़, गो गानीलाई रिखाम बोनिनी र्‍वाक्‍पा गानी चनी।” गुमीका गुलाई र्‍वाम्‍डी, “आमा भेन्‍दाकु चो़मिमलाई पोमुडुमु ग्‍वाकामी।”

यूहन्‍ना 21:15 Referans Kwoze

रोमी 15:1

गुइ थो़रडा सोनुङमा दु़म्‍पाका त्‍वाप कोङङा गेर्सी द्‍वाक्‍पा न बेसी मेनु़, लावो याक्‍के थो़रनुङमा थो़रलु़पामिमनुङ इम्‍सिसाका बुमु बासी। वाङमिमकाम न होङङा बोमु बासी।

१ यूहन्‍ना 4:19

गुइ रिखाम बेबी, हेङालोने ङादो माम्‍चु़नीका गुइलाई रिखाम बेसाड्‌डामी।

१ पत्रुस 1:8

गुमीलाई गानी ल्‍वान्‍निम मिबु लोवो गुमीलाई रिखाम बोनी। ओम्‍लो गुमीलाई गानी मेल्‍वानी लावो गुमीडा थो़रलु़नी, मा सो़मु मेझापा छो़म डोक्‍पु न-भ्रसी ल्‍वानी।

एफिसी 6:24

इकीमा ङाचो़ येशू ख्रीष्‍टलाई रिखाम बेपाम बाट्‍पा खोत्‍लेडला हेल्‍लो लोवो माम्‍चु़नीकु दिदाम दु़म्‍नु़म बुनु़।

थु़र्मा 20:28

गानी इनीमा त्‍वाप नुङ खोत्‍ले थो़रलु़पामिमकाम लागि चङचङया बानी वो! माम्‍चु़नी-पेलका गानीलाई मे थो़रलु़पामिम रेपा खुन्‍चु़म खुबेट्‌निमिम बु। मेम्‍मिमका गुमीका उनीमा त्‍वाकु तारापाचो़ येशूकु सिसिका भ्रेम्‍डिम माम्‍चु़नीकु मण्‍डलीलाई न-गो सोक्‍निमा जो़होमका रेप्‍नी।

१ यूहन्‍ना 5:1

उहेम मु़चु़का येशूङा ख्रीष्‍ट र्‍वाक्‍पा थो़र बु़, मेराम मु़चु़ माम्‍चु़नीकु चो़च्‍चो़ सो़। मेम्‍मा उहेम मु़चु़का पापलाई रिखाम बु़ उनीमा चो़मिमलाई वो मेरामका रिखाम बु़।

यूहन्‍ना 16:27

पाप उनी त्‍वाकाङा गानीलाई रिखाम बोनी, हेङालोने गानी गोलाई रिखाम बेङ्‌डिनिम बु। गो माम्‍चु़नीलाम योङडोम र्‍वाक्‍साका गानी थो़र लु़न्‍निम बु।

१ पत्रुस 2:25

ताङताहेरथो़ लक्‍पा भेन्‍दा होप्‍माम गानी बान्‍नी। लावो ओम्‍लो गानीलाई बोपा-थार्पा नुङ इनी रेपा-क्रिपाथो़ गानी ख्‍लोन्‍सिट्‌निम बु।

हिब्रू 4:13

सु़म्‍दिडा बाट्‌पा हाम वो गुमीलामका थमु मेझाम। उनीमा मिक्‍सीलामडा खोत्‍लेमथोक छ्‍याङलो-छ्‍याङलो बु। मेम्‍मा गुइ बिइडिम खोत्‍ले ल्‍वा गुमीनुङ सो़मु बासी।

लूका 22:32

लावो गाना गोडला थो़रलु़मुम बुमु मेडिडा र्‍वाक्‍साका गो इमा लागि सो़म्‍दी बेउतोम बु। गाना आमाडा रोकामा गानानुङ लाम्‍दिपा सीसिपामिमका गोडला थो़रलु़मु लागि उनी सो हन्‍बेसाडामी।”

हिब्रू 13:20

भेन्‍दा रेपा-क्रिपा डोक्‍पु इकीमा ङाचो़ येशूलाई हेल्‍लो लोवो दु़म्‍पा लाले सो़रख्रेप्‍सीकु सिसिका सिमुलाम फक्‍साका न-भ्रसी बेट्‌पा माम्‍चु़नीका

रोमी 14:1

याक्‍के थो़रनुङमा मु़चु़लाई हुनाखाना बेनी, लावो गुका जेमिम ल्‍वाडा मुमा बेसाका रिबुसी मेकिट्‍नी।

मत्ती 16:17

येशूका मेरामलाई र्‍वाम्‍डी, “योनाकु तारापाचो़ सिमोन, गाना जिनुङमा सो़। हेङालोने ओराम ल्‍वा मु़चु़लामका गाना सीसिट्‌नाम मेएँ, पाह्रीलाम आमा पापका रेम्‍बेम्‍डिम सो़।

रेम्‍बेट्‌मिडिम ल्‍वा 2:23

मेराम मेसेमकु चङचङ लाम्‍दिपामिमलाई गो सेट्‌पुमी। मेम्‍मा खोत्‍ले मु़चु़मिमकु न-गोडाम ल्‍वा चक्‍पा गोङा सो़ र्‍वाक्‍साका खोत्‍ले मण्‍डलीका ओराम ल्‍वा चमी। मेम्‍मा इनीमा बासी-दोसीलाम हाम ल्‍वामु घ्रेट्‌पा बुनी मेराम होम्‍साका गो गानी खोत्‍लेलाई ग्‍वानिनी।

१ पत्रुस 2:2

मालो गक्‍पा चो़च्‍चो़का उमा मामकु दु़दु़ डुमु मालु़मिम होङङा गानी वो माम्‍चु़नीकु सिजेम थो़पा छो़म न बेनी। मेम्‍साका माम्‍चु़नीडलाम इनी थो़र बर्तो ल, मा गानी सेल्‍सिनी।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

यूहन्‍ना 21:12

येशूका मेर्मिमलाई र्‍वाम्‍डी, “रोक्‍नीमा पेनी।” सीसिपामिम सु़कावो “गानी सु़” र्‍वाक्‍साका गुमीलाई हिलाबोमु मेचाप्‍मिवा। हेङालोने मेर्मिमका गुमी ङाचो़ र्‍वाक्‍साका छेट्‌मिडिम बाइडा।

यूहन्‍ना 21:7

मेम्‍मा येशूका छो़म रिखाम बेम्‍डिम सीसिपाका पत्रुसलाई र्‍वाक्‍ता, “गुमी ने ङाचो़ रे रेछा।” सिमोन पत्रुसका “गुमी ने ङाचो़ रे रेछा” र्‍वाक्‍पा थो़स्‍तु़मा गुका उमा ब्‍लाङमा-ये कम्‍मरडा बड्‌डु़, हेङालोने गुका उमा ब्‍लाङमा-ये प्‍लु़स्‍तु़म बाइडा। मेम्‍मा दिरिदिनगोयु़ झुस्‍ता।

मत्ती 18:10

“चङचङया बानी, ओ याक्‍केमिमगोडाम कोलेलाई वो हाम ना हामकाम मेमिम्‍नी। हेङालोने गो गानीलाई र्‍वाङु, मेर्मिमकु पाह्रीचो़मिम पाह्रीलाम आमा पापकु ङादोडा हेल्‍लो लोवो पाह्रीला बुमिम बुमी।

एफिसी 4:14

आरेसाका गुइ चो़च्‍चो़ होप्‍माम मेदु़म्‍सी। कुकु बाबारिमका होनो आथो़ बेपा मु़चु़ होप्‍माम मेदु़म्सी मा गुइलाई लु-फेले बेपा सीसिथो़ नुङ लिमालाम ख्‍लक्‍पा मु़चु़ होप्‍माम मेदु़म्‍सी।

१ कोरिन्थी 8:11

मेम्‍मा याक्‍के नेप्‍चीनुङ थो़रलु़पा मु़चु़, उहेमकाम लागि ख्रीष्‍ट सिम्‍डी, मेरामलाई इनीमा नेप्‍चीका पुयु़लुक्‍तु़म बु।

यूहन्‍ना 8:42

येशूका मेर्मिमलाई र्‍वाम्‍डी, “माम्‍चु़नी इनीमा पाप बामिवाम माला ने गानी गोलाई रिखाम बेङिनिवा, हेङालोने माम्‍चु़नीलामका गो इनीमाडा रोङ्‌डो। गो आमा त्‍वाकु नका रोङ्‌डोम मेएँ, लावो गुमीका गोलाई थु़र्ङिडिमिम।

मर्कूस 14:29

पत्रुसका गुमीनुङ र्‍वाक्‍ता, “खोत्‍लेका डिनिङा लोवो गो ने मेडिनिनी।”

लूका 12:32

“ए कति सेर्पा सीसिपानी, मेङिनी, हेङालोने माम्‍चु़नीका उनी किब्‍दी गानीलाई ग्‍वामु लागि छो़म गेर्सिद्‌वाक्‍पा बुमी।

मत्ती 10:37

“उहेमका गोडाम हापा उ मामलाई लोवो उ पापलाई लोवो रिखाम बु़, मेराम आमा सीसिपा दु़म्‍मु मेघ्रेडु़। उहेमका गोडाम हापा उ जाउमोचो़लाई लोवो तारापाचो़लाई लोवो रिखाम बु़, मेराम आमा सीसिपा दु़म्‍मु मेघ्रेडु़।

यूहन्‍ना 13:37

पत्रुसका र्‍वाक्‍ता, “ङाचो़, हेङा गो ओम्‍लो इनीमा चङचङ लाम्‍दिमु मेचापु? इनीमा लागि गो आमा साम वो फ्‍यामु चापु।”

यूहन्‍ना 1:42

मेकोतिमा अन्‍द्रियासका सिमोनलाई येशू क्रो़म्‍बेड्‌डा रेड्‌डु़। येशूका सिमोनलाई किकिर्या रेप्‍मिडिमा र्‍वाम्‍डी, “यूहन्‍नाकु तारापाचो़, इमा नङ सिमोन, लावो इमा नङ केफास (केफास र्‍वाक्‍मा पत्रुस) दु़म।”

मत्ती 26:35

पत्रुसका गुमीलाई र्‍वाक्‍ता, “गानीनुङ सिमुङा बासी लोवो गो गानीलाई मेछेपु हेल्‍लो वो मेर्‍वाङु।” मेम्‍मा वाङमिम सीसिपामिमका वो मेमङा र्‍वाम्‍डी।

मत्ती 26:33

पत्रुसका गुमीलाई र्‍वाक्‍ता, “गानीलाई हाम दु़म मेरामका गानीलाई खोत्‍लेका ङेनिमी लोवो गो ने गानीडला थो़रलु़मु हेल्‍लो वो मेडिट्‍पु।”

थु़र्मा 20:29

हेङालोने गो डिन्‍जो़ल्‍निनिमा लङुमिम चङडा ङिमलु़पा बडि होप्‍माम मु़चु़मिम गानीगोडा रोमी, मा मेर्मिमका खोत्‍ले थो़रलु़पामिमलाई पुयु़लुमु माल्‍मी होङ्‍ङा गो लु़ङडोम बु।