यूहन्‍ना 21:12 - थुलुङ राई

¹² येशूका मेर्मिमलाई र्‍वाम्‍डी, “रोक्‍नीमा पेनी।” सीसिपामिम सु़कावो “गानी सु़” र्‍वाक्‍साका गुमीलाई हिलाबोमु मेचाप्‍मिवा। हेङालोने मेर्मिमका गुमी ङाचो़ र्‍वाक्‍साका छेट्‌मिडिम बाइडा।

यूहन्‍ना 21:12 Referans Kwoze

थु़र्मा 10:41

खोत्‍ले मु़चु़मिमकाडा ने मेएँ, लावो माम्‍चु़नीका येशूकु दुथाम सो़मु लागि थुत्तिकिमिम गुकुलाई खोत्‍लेडाम ङादो येशू सिमुलाम बम्‍गेम्‍डिम रेम्बेम्डी। गुमी बम्गेम्डिम चङ्‍डा गुकु गुमीनुङ पेत्तोको-डुत्तोको।

यूहन्‍ना 16:19

मेर्मिमका ओरामकु दुथाम गुमीनुङ हिलाबेपा न बेत्तोङा लेन्‍मी र्‍वाक्‍पा येशूका चम्‍डी। मेम्‍मा मेर्मिमनुङ र्‍वाम्‍डी, “‘घरिकोङ गोलाई मेल्‍वाङिनी, मा घरिकोङका गोलाई ल्‍वाङिनी’ र्‍वाक्‍मा हाम र्‍वाक्‍साका गानी हिलाहिसी बेबोनिम बुनी?

यूहन्‍ना 21:15

मेर्मिमका पोमु डु़म्‍मिडिमा येशूका सिमोन पत्रुसलाई र्‍वाम्‍डी, “यूहन्‍नाकु तारापाचो़ सिमोन, हाम ओर्मिमडाम हापा रिखाम गाना बोङी?” गुका र्‍वाक्‍ता, “मेमङा, ङाचो़, गो गानीलाई रिखाम बोनिनी र्‍वाक्‍पा गानी चनी।” गुमीका गुलाई र्‍वाम्‍डी, “आमा भेन्‍दाकु चो़मिमलाई पोमुडुमु ग्‍वाकामी।”

मर्कूस 9:32

लावो गुमीका र्‍वाम्‍डिम ल्‍वा मेर्मिमका थेसिमेथेट्‌मिवा, मा हिलाबोमु वो ङिम्‍डी।

यूहन्‍ना 4:27

मेकोतिलोङा उनी सीसिपामिम ख्‍लोम्‍सीम्‍डिमा रोम्‍डी, मा गुमी कोले मेसेमनुङ जेत्तोङा बेम्‍डिम ल्‍वासाका ङाङाया दु़म्‍मिडी। लावो “गानी हाम माल्‍निमिम?” डे “गानी मे मेसेमनुङ हेङा ल्‍वा बोनिमबुनिमिम?” र्‍वाक्‍साका सु़का वो हिला मेबेमिवा।

लूका 9:45

लावो गुमीका र्‍वाम्‍डिम ल्‍वा सीसिपामिमका थेसिमेथेट्‌मिवा। ओराम हाम र्‍वाक्‍मा र्‍वाक्‍पा मेर्मिमका थेसिमेथेन्‍मिनु़ र्‍वाक्‍साका ङा थक्‍मा बाइडा। मेर्मिमका ओराम ल्‍वाकु दुथाम गुमीनुङ हिलाबोमु ङिम्‍डी।

मत्ती 22:46

सु़का वो गुमीनुङ सि ख्‍लोमु मेचाप्‍मिवा। मेनेम आथाम खोत्‍ले मु़चु़मिम ङिम्‍डिमा सु़का वो गुमीनुङ हिलाबोमु मेचाप्‍मिवा।

यूहन्‍ना 21:11

मेम्‍मा सिमोन पत्रुस कुबी-बोक्‍साडला हुङडामा पालुङ दिरिदिनकु सो़पथो़ थु़स्‍तु़। मेगोडा को सङ ङो-सुले (१५३) डोक्‍पुतो ङो बाम्‍डी। मेकोम हापा ङो बाम्‍डी लोवो मे पालुङ मेआ़क्‍सावा।