Biblia Todo Logo
Bib sou entènèt

- Piblisite -




यूहन्‍ना 20:22 - थुलुङ राई

22 आकोति र्‍वाम्‍डिमा गुमीका मेर्मिमडला सामका होट्‌मिडिमा र्‍वाम्‍डी, “माम्‍चु़नी-पेल रनी।

Gade chapit la Kopi




यूहन्‍ना 20:22
17 Referans Kwoze  

गुका मेर्मिमनुङ हिलाबु़डु़, “गानी थो़र लु़न्‍निमा माम्‍चु़नी-पेल इनीमाडा योम्‍डी?” मेर्मिमका र्‍वाम्‍डी, “माम्‍चु़नी-पेल बुमी र्‍वाक्‍पा ने गुकु थो़त्तोकोम वो मिबु।”


मेर्चिप मेसिन्‍डा योक्‍चिमा मेर्मिमका माम्‍चु़नी-पेल ल्‍वामिनु़ र्‍वाक्‍साका मेर्मिमकाम लागि सो़म्‍दी बेसाट्‌चिमी।


पत्रुसका मेर्मिमनुङ र्‍वाक्‍ता, “इनी छु़लमिम इनी नगोलामका ङा मिम्‍सिट्‌निमा ख्‍लोन्‍सिट्‌नी, मा इनी छु़ल हेम्‍मु येशू ख्रीष्‍टकु नङडा गानी खोत्‍लेका कु-रु़दु़म रनी। मेकोतिमा गानी राप्लावा ल्‍वानी, मेराम ने माम्‍चु़नी-पेल सो़।


मेकोतिमा मेर्मिम खोत्‍ले माम्‍चु़नी-पेलका लु़न्‍सिम्‍डी, मा माम्‍चु़नी-पेलका ग्‍वाम्‍डिमिम जेसी होम्‍साका मेर्मिम वाङसामामिमकु ल्‍वाडा जेम्‍डी।


गुमीका ओराम ल्‍वा माम्‍चु़नी-पेलकु दुथाम सो़म्‍डिम बाइडा। मे माम्‍चु़नी-पेल गुमीडा थो़र लु़पा मु़चु़मिमका ल्‍वामु खाप्‍मिमिम बाइडा। ओम्‍लोसम्‍म वो माम्‍चु़नीका मेर्मिमडला पेल थु़र्मीडिम मेबायावा, हेङालोने आथावो येशूकु यु़म मेझ्‍वासिक्‍थेङा बाइडा।


गानीनुङ गो कोले कोङङा ल्‍वा हिलाबेपा न बु, माम्‍चु़नी-पेल गानी डु़म्‍ला होम्‍साका खारी बेसाका ल्‍वान्‍निम डे, जो़पा-सेलाडा थो़र लु़साका ल्‍वान्‍निम डे?


पत्रुस माम्‍चु़नी-पेलका लु़न्‍स्‍तामा मेर्मिमनुङ र्‍वाक्‍ता, “ए मु़चु़मिमकु साखामचो़ नुङ ङाउनी,


“गुइ होङङा माम्‍चु़नी-पेल रपा ओर्मिम मु़चु़लाई कु-रु़दु़म रमु सु़का भोम्‍मु चाप्‍सु़ मा?”


“जेप्‍साक्‍पा योमी, उहेमलाई पापलामका गो गानीडा थु़रु। पापलामका योक्‍पा आच्‍छाङाम पेल गुमी, गुमीका आमा दुथाम सो़मी।


मेम्‍मा गो पापनुङ र्‍वाङुमा गानीलाई इनीमा लागि कोङ जेप्‍साक्‍पा थु़र्मी। मेम्‍मा गुमी गानीनुङ हेल्‍लो लोवो दु़म्‍मी।


लावो गो गानीलाई आच्‍छाङा र्‍वाङु, गो लमुङा इनीमा लागि जो़पा दु़म। गो मेलक्‍थु़मसम्‍म जेप्‍साक्‍पा इनीमाडा मेयोमी। गो लङ्‌डो माला गुमीलाई इनीमाडा थु़रुमी।


येशूका आथावो र्‍वाम्‍डी, “न-गो भ्रसीनु़। पापका गोलाई थु़र्ङिडिमिम होम्‍साकाङा गो गानीलाई वो थु़र्निनी।”


कोङनिमकु छु़ल गानी हेम्‍सानी माला मेर्मिमकु छु़ल हेम्‍सी, मेर्मिमकु छु़ल गानी मेहेम्‍सानी माला मेर्मिमकु छु़ल मेहेम्‍सी।”


Swiv nou:

Piblisite


Piblisite