यूहन्‍ना 20:21 - थुलुङ राई

²¹ येशूका आथावो र्‍वाम्‍डी, “न-गो भ्रसीनु़। पापका गोलाई थु़र्ङिडिमिम होम्‍साकाङा गो गानीलाई वो थु़र्निनी।”

यूहन्‍ना 20:21 Referans Kwoze

यूहन्‍ना 13:20

आच्‍छाङा गो गानीलाई र्‍वाङु, गो थु़र्तोमलाई रपाका गोलाई रङी, मा गोलाई रपाका गोलाई थु़र्पालाई रङु़।”

यूहन्‍ना 3:17

सु़म्‍दिसेरडाम मु़चु़मिमलाई मुमा बेन्‍मु र्‍वाक्‍साका माम्‍चु़नीका उनीमा तारापाचो़लाई थु़र्मीडिम मेएँ, लावो सु़म्‍दिसेरडाम मु़चु़मिम गुमीलामका सेल्‍सिमिनु़ र्‍वाक्‍साका थु़र्मिडी।

थु़र्मा 1:8

लावो माम्‍चु़नी-पेल गानीगोडा योमिमा यु़म ल्‍वानी। मेकोतिमा यरूशलेमडा, खोत्‍ले यहूदियाडा, सामरियाडा, मा सुबु बिर्खोपसम्‍म गानी आमा दुथाम सो़पा दु़म्‍नी।”

२ तिमोथी 2:2

सेर्पा मु़चु़मिमकु ङादोडा गोलामका गाना हाम थो़न्‍नाम बु, मेराम ल्‍वा वाङमिमलाई सीमु चापा थो़रलु़नामिम मु़चु़मिमलाई वो बेबेडामी।

मत्ती 10:40

“उहेमका गानीलाई रनी, मेरामका गोलाई रङी। मेम्‍मा उहेमका गोलाई रङी, मेरामका गोलाई थु़र्पा पापलाई रङु़।

मत्ती 10:16

“रेप्‍नी, गो गानीलाई बडिमिमकु थेतेडा भेन्‍दामिमलाई होङङा थु़र्तोङा लेनिनी। मेम्‍मिमका गानी ब्‍लो होप्‍माम चङको चङको बाट्‌पा नुङ तुकतुकुर होप्‍माम मुमा मान्थिम जो़पा दु़म्‍नी।

यूहन्‍ना 14:27

न-भ्रसी गो गानीनुङ पार्जो़लु, मा आमा न-भ्रसी गो गानीलाई ग्‍वानिनी। गानी ओराम सु़म्‍दिसेरका ग्‍वाक्‍पा होप्‍माम न-भ्रसी गो मेग्‍वानिनी। इनी न-गो मेभ्रसिक्‍पा मेदु़म्‍नी, मा मेङिनी।

हिब्रू 3:1

गानी वो सेपा मु़चु़ दु़म्‍मु लागि माम्‍चु़नीका येट्‌निमिम बु, मेम्‍मिमका वा-ल्‍वाकनी, माम्‍चु़नीकु थु़र्मा नुङ डोक्‍पु डु़म्‍लाचो़ र्‍वाक्‍साका गुइ रङडिम येशूडा न सोक्‍नी।

यूहन्‍ना 20:19

नेप्‍सुङनेम नेम्‍थाका यहूदी ङाउमिमडाम ङिमुका सीसिपामिमका लाम्‍चोको ख्‍लुट्‌मिडिमा कोदेप बाम्‍डी। येशू रोम्‍डिमा मेर्मिमकु थेतेडा येम्‍सिम्‍डी, मा र्‍वाम्‍डी, “न-गो भ्रसीनु़।”

लूका 24:36

मेर्चिपका ओर्मिम ल्‍वा सो़त्तोङा बेच्‍चिलो येशू मेर्मिमकु थेतेडा कोचोत्ति येम्‍सिम्‍डी, मा र्‍वाम्‍डी, “इनी न-गो भ्रसिनु़।”

यूहन्‍ना 20:22

आकोति र्‍वाम्‍डिमा गुमीका मेर्मिमडला सामका होट्‌मिडिमा र्‍वाम्‍डी, “माम्‍चु़नी-पेल रनी।

यूहन्‍ना 20:26

लेतलेम चङडा सीसिपामिम आथावो नेमगोनो बाम्‍डी, मा थोमा वो मेर्मिमनुङ बाइडा। लाम्‍चोको ख्‍लु़ट्‌मा बाइडा लोवो येशू रोम्‍डिमा मेर्मिमकु थेतेडा येम्‍सिक्‍साका र्‍वाम्‍डी, “न-गो भ्रसीनु़।”

थु़र्मा 1:2

नुङ गुमी उनी त्‍वाका ङा थुट्‌मिडिम थु़र्मामिमनुङ गुमीका माम्‍चु़नी-पेललाम र्‍वाम्‍डिम, मा पाह्रीथो़ कोम्‍सिम्‍डिम थारीसम्‍मकाम खोत्‍ले ल्‍वा गो गानीलाई ङादोम खाजेमडा र्‍याक्‍तोम बु।

३ यूहन्‍ना 1:14

गानानुङ गो दालाङा घ्रो़म्‍मु न बु, मेम्‍मा रेम-रेम बेत्तो गुची जेची।