यूहन्‍ना 20:2 - थुलुङ राई

² गु पत्रुस नुङ येशूका छो़म रिखाम बेम्‍डिम कोङमी सीसिपाकाडा ओन्‍तो रोक्‍तामा र्‍वाक्‍ता, “मेर्मिमका ङाचो़लाई सु़लु़मलाम लम्‍डी रेछा, मा गुमीलाई बान्‍ते जु़ल्‍मिडी, मेराम गुइ मेच।”

यूहन्‍ना 20:2 Referans Kwoze

यूहन्‍ना 13:23

येशूका रिखाम बेम्‍डिम कोले सीसिपा ने येशूकु होनोलाम गन्‍तासिट्‌पा बाइडा।

यूहन्‍ना 20:13

मेर्चिपका र्‍वाक्‍ची, “ए वा छापा, हेङा ख्राम्‍नामिम?” गुका र्‍वाक्‍ता, “मेर्मिमका आमा ङाचो़लाई लम्‍डी रेछा, मा गुमीलाई बान्‍ते जु़ल्‍मिडिम बु मेराम गो मेचक्‍पु।”

यूहन्‍ना 21:24

मेराम सीसिपाङा सो़ ओर्मिम ल्‍वाकु दुथाम सो़पा मा र्‍याक्‍पा। गुका र्‍वामिम ल्‍वा आच्‍छाङा र्‍वाक्‍पा गुइ च।

यूहन्‍ना 21:7

मेम्‍मा येशूका छो़म रिखाम बेम्‍डिम सीसिपाका पत्रुसलाई र्‍वाक्‍ता, “गुमी ने ङाचो़ रे रेछा।” सिमोन पत्रुसका “गुमी ने ङाचो़ रे रेछा” र्‍वाक्‍पा थो़स्‍तु़मा गुका उमा ब्‍लाङमा-ये कम्‍मरडा बड्‌डु़, हेङालोने गुका उमा ब्‍लाङमा-ये प्‍लु़स्‍तु़म बाइडा। मेम्‍मा दिरिदिनगोयु़ झुस्‍ता।

यूहन्‍ना 19:26

येशूका उनीमा माम नुङ गुमीका द्‌वाम्‍डिम उनीमा सीसिपालाई उनी फार्डा येम्‍तासिट्‌पा ल्‍वाम्‍डिमा उनीमा मामलाई र्‍वाम्‍डी, “वा छापा, मेराम इनीमा तारापाचो़।”

यूहन्‍ना 21:20

पत्रुसका चङथो़ ख्‍लोसिड्‌डामा रेप्‍डु़लो येशूका छो़म रिखाम बेम्‍डिम सीसिपा चङचङ बिक्‍तोङा बेपा ल्‍वास्‍तु़। नेम्‍थाम ग्रुला पेम्‍डिलो येशूकु चङलाम थेर्तासिड्‌डामा “ङाचो़, गानीलाई भ्रेट्‌पा मु़चु़ सु़?” र्‍वाक्‍साका हिलाबेपा सीसिपा ओरामङा बाइडा।

यूहन्‍ना 20:15

येशूका गुलाई र्‍वाम्‍डी, “ए वा छापा, गाना हेङा ख्राप्‍तोङा लेना? मा सु़लाई माल्‍तोङा लेनामिम?” गुका गुमीलाई बगैंचा रेपा मु़चु़ र्‍वाक्‍पा मिम्‍डु़मा र्‍वाक्‍ता, “वाआ, गानी गुमीलाई ओलामका लक्‍निम माला बान्‍ते जु़ल्‍निम बु सो़नीका मा गो गुमीलाई लक्‍पुमी।”

यूहन्‍ना 20:9

हेङालोने येशू सिमुलामका बम्‍गेमुङा बासी र्‍वाक्‍पा माम्‍चु़नीकु सिजेम मेर्मिमका आथावो थेसिथेट्‌मिडिम मेबायावा।