यूहन्‍ना 20:19 - थुलुङ राई

¹⁹ नेप्‍सुङनेम नेम्‍थाका यहूदी ङाउमिमडाम ङिमुका सीसिपामिमका लाम्‍चोको ख्‍लुट्‌मिडिमा कोदेप बाम्‍डी। येशू रोम्‍डिमा मेर्मिमकु थेतेडा येम्‍सिम्‍डी, मा र्‍वाम्‍डी, “न-गो भ्रसीनु़।”

यूहन्‍ना 20:19 Referans Kwoze

यूहन्‍ना 20:26

लेतलेम चङडा सीसिपामिम आथावो नेमगोनो बाम्‍डी, मा थोमा वो मेर्मिमनुङ बाइडा। लाम्‍चोको ख्‍लु़ट्‌मा बाइडा लोवो येशू रोम्‍डिमा मेर्मिमकु थेतेडा येम्‍सिक्‍साका र्‍वाम्‍डी, “न-गो भ्रसीनु़।”

यूहन्‍ना 14:27

न-भ्रसी गो गानीनुङ पार्जो़लु, मा आमा न-भ्रसी गो गानीलाई ग्‍वानिनी। गानी ओराम सु़म्‍दिसेरका ग्‍वाक्‍पा होप्‍माम न-भ्रसी गो मेग्‍वानिनी। इनी न-गो मेभ्रसिक्‍पा मेदु़म्‍नी, मा मेङिनी।

यूहन्‍ना 20:21

येशूका आथावो र्‍वाम्‍डी, “न-गो भ्रसीनु़। पापका गोलाई थु़र्ङिडिमिम होम्‍साकाङा गो गानीलाई वो थु़र्निनी।”

एफिसी 2:14

ख्रीष्‍ट उनी त्‍वाकाङा यहूदी नुङ गानी मेयहूदीमिम खोत्‍लेलाई कोले बनेबेसाका इकीमा न-गो दु़बेट्‌मिडी। गुमीका यहूदी नुङ मेयेहूदीमिमलाई दु़मु मेग्‍वाक्‍साका स्‍वाक्‍चिमो रेट्‍पा ब्रोलुङ क्रूसडा सिसाका फाल्‍मिडी।

२ थेसलोनिकी 3:16

न-भ्रसी बेट्‌पा ङाचो़ येशूका खोत्‍ले थारीका नुङ हेल्‍लो लोवो इनीमा न-भ्रसी बेन्‍मिनु़। गानी खोत्‍लेनुङ ङाचो़ येशू दु़म्‍मिनु़।

यूहन्‍ना 7:13

लावो यहूदीमिमकु ङिमका सु़का वो उनीमा दुथाम खोत्‍लेकु ङादोडा हाम वो मेर्‍वाम्‍वा।

मर्कूस 16:14

चङडा को-कोङ (११) सीसिपामिम ग्रुला पेप्‍डा गन्‍मिडिलो येशू मेर्मिमकाडा ल्‍वाला सो़सिम्‍डी। मेकोतिमा लुङ होप्‍माम मेर्मिमकु नगो नुङ मेर्मिम थो़रमेलु़मिवामडाम गुमी छो़म भुर्मिडी, हेङालोने येशू सिमुलाम बम्‍गेम्‍डिमा गुमीलाई ल्‍वापामिमकु ल्‍वाडा मेर्मिम थो़र मेलु़मिवाम बाइडा।

रेम्‍बेट्‌मिडिम ल्‍वा 1:4

एशिया क्षेत्रडा बाट्‌पा गानी येतले मण्‍डलीमिमलाई गो यूहन्‍नाका ओराम सेलाखाजेम र्‍याक्‍तोङा लेट्‌पु। ओम्‍लो वो बुमी, ङादो वो बाम्‍डी मा आथावो चक्‍थो़ योक्‍पा माम्‍चु़नीलाम नुङ उनीमा साखाम थो़खोपकु ङादोडाम येतले पेलमिमलाम दिदाम नुङ न-भ्रसी ल्‍वानिनु़।

१ कोरिन्थी 15:5

मा गुमी केफासकाडा, मा को-न (१२) थु़र्मामिमकाडा रेम्‍बेम्‍सिम्‍डी।

यूहन्‍ना 16:33

आमाडा गानी दु़म्‍साका इनीमा न-गो भ्रसिनु़ र्‍वाक्‍साका गो गानीलाई ओराम ल्‍वा र्‍वाङडोम। ओराम सु़म्‍दिसेरडा गानीलाई दु़खा दु़म, लावो रुखु फिन्‍नी, सु़म्‍दिसेरडला गो घ्‍ल्‍वाङडोम बु।”

हिब्रू 7:2

अब्राहामका घ्‍ल्‍वास्‍तामा रेड्‌डु़म खाप्‍चीकु दशांश मल्‍कीसेदेकलाई ग्‍वाक्‍तु़। मल्‍कीसेदेक र्‍वाक्‍मा ने “जो़पा न-गोनुङमा हप” सो़। शालेम शहरडाम हप र्‍वाक्‍मा “न-गो भ्रसिक्‍पा हप” र्‍वाक्‍पा थेसिथेडी।

फिलिप्‍पी 1:2

माम्‍चु़नी इकीमा पाप नुङ ङाचो़ येशू ख्रीष्‍टका दिदाम नुङ न-भ्रसी ग्‍वानिमिनु़।

एफिसी 6:23

माम्‍चु़नी पाप नुङ ङाचो़ येशू ख्रीष्‍टका गानी वा-ल्‍वाकमिमलाई न भ्रसी, रिखाम मा थो़र ग्‍वानिमिनु़।

रोमी 15:33

न भ्रसिबेट्‍पा माम्‍चु़नी पाप गानीनुङङा दु़म्‍मिनु़। आमेन।

यूहन्‍ना 16:22

मेम्‍साकाङा ओम्‍लो इनीमा न-गो ख्राम, लावो आथावो गो गानीलाई रेम्‍निनी, मा इनीमा न-गो भ्रसी। मेराम इनी न-गो भ्रसी सु़का वो गानीलाम मेरोनिमी।

मत्ती 18:20

हेङालोने बान्‍ते नले लोवो सुले लोवो आमा नङडा खोम्‍सिमिलो मेर्मिमकु थेतेडा गो दु़म्‍ङु।”

मत्ती 10:13

मेराम नेमडाम मु़चु़मिम न-भ्रम्‍सिमु घ्रेट्‌पा बुमी माला मेर्मिमकु न-भ्रसी, मेएँ माला मेर्मिमकु न-भ्रसी ख्‍लोसिमा इनीमाडाङा रो।

यूहन्‍ना 21:1

मेकोतिमा तिबेरियस दिरिदिनकु फार्डा उनीमा सीसिपामिमकाडा येशू आथावो रेम्‍बेम्‍सिम्‍डी। गुमी आरेसाका रेम्‍बेम्‍सिम्‍डी:

यूहन्‍ना 21:14

सिमुलाम बम्‍गेम्‍डिम चङ्‌डा येशू उनी सीसिपामिमनुङ रेम्‍बेसिम्‍डिम ओराम सु खेपमिम थारी बाइडा।

थु़र्मा 1:3

क्रूसडा सिम्‍डिम चङ्‌डा गुमीका हापा ल्‍वामिमलामका मेर्मिमकु ङादोडा सिमुलाम बम्‍गेम्‍डिम र्‍वाक्‍पा रेम्‍बेम्‍डी। मेर्मिमनुङ गुमी ब्‍ल धु़म (४०) नेमसम्‍म ल्‍वाला सो़म्‍सिम्‍डी, मा माम्‍चु़नीकु किब्‍दीकु दुथाम सीट्‌मिडी।

३ यूहन्‍ना 1:14

गानानुङ गो दालाङा घ्रो़म्‍मु न बु, मेम्‍मा रेम-रेम बेत्तो गुची जेची।