यूहन्‍ना 20:1 - थुलुङ राई

¹ नेप्‍सुङनेम नेमसोसोकाङा मरियम मग्‍दलिनी सु़लु़मथो़ लस्‍ता। मेम्‍मा सु़लु़मगोनो हुखोपडाम लुङ मेसिन्‍डा मेबायावाम गुका ल्‍वास्‍तु़।

यूहन्‍ना 20:1 Referans Kwoze

मर्कूस 16:9

[नेप्‍सुङनेम नेम्‍सोसोका ङा येशू सिमुलामका बम्‍गेम्‍डिमा ङादो मरियम मग्‍दलिनीकाडा ल्‍वाला सो़सिम्‍डी। उहेमलामका येशूका ङादो येतले (७) मुनाङमिम ख्‍लुम्‍डिम बाइडा।

मत्ती 27:60

मेम्‍मा गुका भ्‍र्‍वागोनो धासाका उ त्‍वाकाम लागि बनेबु़डु़म लाले सु़लु़मगोनो मे सिप्खा जु़ल्‍लु़। सु़लु़मगोनो हुखोपडा गुका डोक्‍पु ख्रेमलुङ रिल्‍साका ख्रेप्‍जो़ल्‍लु़, मा लस्‍ता।

मर्कूस 15:46

मेकोतिमा योसेफका साङखिम भ्रेयु़डु़मा येशूकु सिप्‍ल्‍याट्‌पा रो़म क्रूसलामका थास्‍तु़, मा मे साङखिमका रिम्‍डु़। मेकोतिमा लुङ क्रिप्‍साका बनेम्‍मा सु़लु़मगोनो जु़ल्‍लु़, मेराम सु़लु़मकु हुखोपडा डोक्‍पु लुङकु ख्रेमलुङका ख्रेप्‍जो़ल्‍लु़।

यूहन्‍ना 20:26

लेतलेम चङडा सीसिपामिम आथावो नेमगोनो बाम्‍डी, मा थोमा वो मेर्मिमनुङ बाइडा। लाम्‍चोको ख्‍लु़ट्‌मा बाइडा लोवो येशू रोम्‍डिमा मेर्मिमकु थेतेडा येम्‍सिक्‍साका र्‍वाम्‍डी, “न-गो भ्रसीनु़।”

यूहन्‍ना 19:25

येशूकु क्रूस फार्डा येशूकु माम, उनीमा चेम, क्‍लोपासकु नाइमे मरियम नुङ मरियम मग्‍दलिनी येम्‍तासिट्‌पा बाम्‍डी।

रेम्‍बेट्‌मिडिम ल्‍वा 1:10

ङाचो़कु नेम माम्‍चु़नी-पेललाम गो लु़न्‍सिङडो मा गो आमा चङलामका भुम होप्‍माम डोक्‍पु लो़लाम थो़उतो।

मत्ती 27:64

मेम्‍मिमका सुलेमसम्‍म मे सु़लु़म जो़होमका लन्‍बेट्‌नी। मेएँ माला ने उमा सीसिपामिम रोमिमा उमा रो़म खुमिमा सिमुलामका गु बग्‍गेड्‌डा र्‍वाक्‍साका मु़चु़मिमनुङ र्‍वामी। मेम्‍मा ङादोमडाम वो छो़म मेजो़पा लु-फेले दु़म।”

१ कोरिन्थी 16:2

खोत्‍ले हप्‍ताकु ङादोमनेम गानी खोत्‍लेका त्‍वा-त्‍वाहोम खउलुङ डु़प्‍निमकु किचो़ खउलुङ फ्‍वाक्‍निमा जु़ल्‍तोङा बेनी, मेम्‍साका गो रोङुलो ग्‍वा-ग्‍वा फबेन्‍मु मेबासिनु़।

थु़र्मा 20:7

नेप्सुङनेम नेम्‍था येशूकु ग्रुला पेप्‍डा गुकु खोम्‍सिक्‍तोको, मा पावल ने उ दिकाम नेम लमु न बु़डु़मका मेसिन्‍डाम थो़रलु़पामिमनुङ सिन्‍थाम को-न (१२) जेस्‍तामसम्‍म ल्‍वा बु़डु़म बाइडा।

मत्ती 27:56

मेर्मिमगोडाम मरियम मग्‍दलिनी, याकूब नुङ यासेफकु माम मरियम नुङ जब्‍दियाकु चो़चिपकु माम बाम्‍डी।

मत्ती 27:66

मेकोतिमा मेर्मिम लम्‍डिमा सु़लु़मकु ख्रेमलुङडा छाप ओप्‍मिडी, मा सिपाहीमिमलाई लन्‍बेट्‌मिडी।

मत्ती 28:1

ङेम्‍सिमुनेमकु उ दिकाम, हप्‍ताकु ङादोमनेम नेमसोसोकाङा मरियम मग्‍दलिनी नुङ कोङमी मरियम येशूकु सु़लु़म रेप्‍डा लक्‍ची।

मत्ती 28:2

मेसिन्‍डा कोचोत्ति सुबुरुक्‍सी लस्‍ता, हेङालोने पाह्रीलामका मिप्रङमाकु कोले पाह्रीचो़ योक्‍ता। मेम्‍मा सु़लु़मकु ख्रेमलुङ रिल्‍लु़मा मेडला गन्‍डा।

यूहन्‍ना 11:38

येशू आथावो मेभ्रम्‍सिप्‍मिवा, मा सु़लु़मथो़ लम्‍डी। मेराम सु़लु़म बुडखुमगोडा बाइडा। मेराम सु़लु़म कोले लुङका ड्‌याक्‍मा बाइडा।

यूहन्‍ना 11:41

मेर्मिमका सु़लु़मकु ख्रेमलुङ रिल्‍मिडी। मेकोतिमा येशूका पाह्रीथो़ रेप्‍मिडिमा र्‍वाम्‍डी, “पाआ, गो र्‍वाङडोम ल्‍वा गानी थो़ङसाङडिनिमकाम लागि आलासो़।