यूहन्‍ना 2:23 - थुलुङ राई

²³ सेल्‍सिक्‍पानेमकु चाडकाम थारीका गुमी यरूशलेमडा बाम्‍डी। मेकोतिलो गुमीका बेम्‍डिम हेल्‍लो वो मेल्‍वाम्‍मा खारीमिम ल्‍वाम्‍डिमका हापा मु़चु़मिमका गुमीडला थो़र लु़म्‍डी।

यूहन्‍ना 2:23 Referans Kwoze

लूका 8:13

लुङदुडा झुक्‍पा भ्रल ओर्मिम ङा सो़, उहेमका माम्‍चु़नीकु सिजेम थो़मिमा गेर्सिद्‌वाक्‍तो रमी। लावो धु़प्‍पा सक्‍फार मान्‍थिम भ्रल होङङा हापा थो़र मेलु़पा दु़म्‍मी। लावो मेजो़पा ल्‍वालामका उनी न छाम्‍सिमिम थारीका माम्‍चु़नीडा थो़र लु़मु डिन्‍मी, मा गुमीडाम वाङ दु़म्‍मी।

यूहन्‍ना 6:14

येशूका बेम्‍डिम यु़मखारी ल्‍वाम्‍डिमा मे मु़चु़मिमका र्‍वाम्‍डी, “सु़म्‍दिसेरडा रोक्‍पा माम्‍चु़नीलाम-जेपा मु़चु़ आच्‍छाङा गुमीङा रेछा।”

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

यूहन्‍ना 7:31

आथावो सेर्पा मु़चु़मिमगोडाम हापा मु़चु़मिमका गुमीडला थो़रलु़म्‍डी। मेम्‍मा मेर्मिमका र्‍वाम्‍डी, “ख्रीष्‍ट योमिलो ओराम मु़चु़का बु़डु़मडाम वो हाम हापा डोक्‍पु यु़मखारीमिम बोमी मा?”

यूहन्‍ना 3:2

सिन्‍था गु येशूकाडा रोक्‍तामा र्‍वाक्‍ता, “सीपा, गानी माम्‍चु़नीलाम योक्‍पा सीपा मु़चु़ र्‍वाक्‍साका गुकु चकु। हेङालोने माम्‍चु़नी मेर्मिमनुङ मेदु़म्‍मिवा माला गानी बेन्‍निम हेल्‍लो वो मेल्‍वाम्‍मा छेखोपमिम सु़का वो बोमु मेचाम्‍मी।”

यूहन्‍ना 2:13

यहूदीमिमकाम सेल्‍सिक्‍पानेमकु चाड रोम्‍फामु खाप्‍स्‍तु़म बाइडा। मेम्‍मिमका येशू यरूशलेमडा लम्‍डी।

यूहन्‍ना 2:11

हेल्‍लो वो मेल्‍वाम्‍मा ओराम उनी खारी खोत्‍लेडाम ङादो येशूका गालीलडाम काना देलडा रेम्‍बेम्‍डी। आरेसाका गुमीका उनी यु़म-झ्‍वाक्‍सी रेम्‍बेम्‍डी, मा उनीमा सीसिपामिमका गुमीडला थो़र लु़म्‍डी।

यूहन्‍ना 4:45

गालीलडाम मु़चु़मिमका गुमीलाई आथावो हुनाखाना बेम्‍डी, हेङालोने सेल्‍सिक्‍पानेमकु चाडकाम थारीका मेर्मिम यरूशलेमडा बाम्‍डिम बाइडा। मेम्‍मा येशूका बेम्‍डिम खोत्‍ले मेर्मिमका मेसिन्‍डा ल्‍वाम्‍डिम बाइडा।

यूहन्‍ना 5:36

“लावो यूहन्‍नाका सो़यु़डु़मडाम वो डोक्‍पु ल्‍वामिम गोनुङ बु। खारी बोम्‍सोमु आमा पापका गोलाई ग्‍वाङ्‌डिमिम बु। मेराम गो बेत्तोङा लेट्‌पु। पापका गोलाई थु़र्ङिडिमिम र्‍वाक्‍पा मेरामकाङा सो़यु़।

यूहन्‍ना 6:2

मेम्‍मा छो़म सेर्पा मु़चु़ येशूकु चङचङ लम्‍डी, हेङालोने गुमीका नो़पा मु़चु़लाई सबेट्‌मिडिम हेल्‍लो वो मेल्‍वाम्‍मा खारी मेर्मिमका ल्‍वाम्‍डिम बाइडा।

यूहन्‍ना 11:45

मरियमलाई क्रो़म्‍डा रोक्‍पा यहूदीमिम हापाका येशूका बेम्‍डिम ओराम खारी ल्‍वाम्‍डिमा गुमीडला थो़रबेम्‍डी।

१ यूहन्‍ना 3:23

गुमीका गुइलाई बेबेसाड्‌डामिम ल्‍वा ओरामङा सो़: उनीमा तारापाचो़ येशू ख्रीष्‍टडा गुइ थो़र लु़मु बासी, मा गुमीका बेबेसाड्‌डामिम होङङा कोलेका कोलेलाई रिखाम बोमु बासी।