यूहन्‍ना 2:19 - थुलुङ राई

¹⁹ येशूका मेर्मिमलाई र्‍वाम्‍डी, “ओराम सो़रनेमलाई फाल्‍नी, मा गो ओरामलाई सुलेमका आथावो बनेबेउसोक्‍पु।”

यूहन्‍ना 2:19 Referans Kwoze

मर्कूस 14:58

“ओरामका आरे र्‍वाक्‍ताम गुकु थो़त्तोको, ‘मु़चु़कु ल्‍वाका बनेबेम्‍मा ओराम सो़रनेम फालुमा कोङमी सो़रनेम सुलेमनेम गो बनेबेउसोक्‍पु, मेराम ने मु़चु़मिमका बनेबोमिमिम ने मेएँ’।”

मर्कूस 15:29

मेमभाल लाम्‍दिपा मु़चु़मिमका उनी बुइ रक्‍तो गुमीलाई र्‍वाम्‍डी, “पेन्‍ना रे! गाना सो़रनेम फाल्‍साका सुलेमनेमका बनेपा मेएँ?

मत्ती 27:40

मा र्‍वाम्‍डी, “सो़रनेम फाल्‍पामा सुलेमका बनेबेपा गाना, इ त्‍वापलाई सेला, मा गाना माम्‍चु़नीकु चो़ माला ने क्रूसलामका लुकामा योका।”

मत्ती 12:40

हेङालोने डोक्‍पु ङोकु ख्‍वाचेपगोनो योना सु नेम्‍फु-सिन्‍था बाइडा, मेम्साकाङा सुलेम नेम्‍फु-सिन्‍था मिनीचो़ वो सुबुगोयु़ दु़म।

रोमी 8:11

ख्रीष्‍टलाई सिमुलाम फम्‍खेट्‍पा माम्‍चु़नी-पेल गानीगोडा बुमी माला, मेराम पेलका इनीमा सिपा मिरो़मलाई वो सिमुलाम त्‍वारो़म ग्‍वानिमी।

थु़र्मा 3:15

मा त्‍वारो़म ग्‍वाक्‍पा ङाचो़लाई गानी सेट्‌नी, लावो गुमीलाई माम्‍चु़नीका सिमुलाम फम्‍डी, मा गुकु मेराम आकी मिक्‍सीका ङा ल्‍वात्तोकोम बु।

थु़र्मा 2:32

ओराम येशूलाई ङा माम्‍चु़नीका सिमुलाम फम्‍डी, मेराम गुकु खोत्‍लेका ल्‍वात्तोकोम बु।

थु़र्मा 2:24

लावो गुमीलाई माम्‍चु़नीका सिमुकु दु़खालामका फ्‍वाक्‍साका फम्‍खेम्‍डी। हेङालोने सिमुका गुमीलाई बन्‍थामु मेचाप्‍सु़वा।

१ पत्रुस 3:18

इकीमा छु़लमिमकाम लागि ख्रीष्‍ट सिम्‍डी। कोखेप गुमी सिम्‍डिम बाइडा, आथा ने सिमु मेबासी। गुमीका हेल्‍लो वो छु़ल मेबेमिवा लावो गानीलाई माम्‍चु़नीकाडा रेन्‍मु छु़लचो़मिमकाम लागि गुमी सिम्‍डी। मिरो़मडा सिसाका गुमीका दु़खा ल्‍वाम्‍डी, लावो पेलडा गुमी नु़साका बम्‍गेम्‍डी।

रोमी 6:4

गुइ वो गुमीनुङङा कु-रु़दु़मलाम सिसाका क्‍लु़म्‍सिड्‍डी, लोवो यु़मनुङमा माम्‍चु़नीका उनीमा यु़म-झ्‍वाक्‍सीलाम येशू ख्रीष्‍टलाई सिमुलाम फम्‍खेट्‌मिडी। मेम्‍साकाङा गुइ वो ख्रीष्‍टनुङङा लाले त्‍वारो़मडा लाम्‍दीइ।

यूहन्‍ना 11:25

येशूका गुलाई र्‍वाम्‍डी, “सिमुलाम बग्‍गेसी नुङ त्‍वारो़म गोङा। गोडला थो़रबेपा मु़चु़ सिडा माला वो सिमुलामका बगे।

मर्कूस 8:31

गुमीका आरे र्‍वाम्‍डिमा सीमु चो़म्‍मिडी, “ओराम मिनीचो़का छो़म दु़खा ल्‍वामु, थेट्‌पा चक्‍पामिम, ङाउ डु़म्‍लाचो़मिम नुङ पातु़म्‍रीमिमलामका नाप्‍छु़न्‍ला सो़सिमु, मा सेन्‍ला सो़सिमु बासी। मेकोतिमा सुलेम नेम सिमुलाम बम्‍गेमु बासी।”

कलस्‍सी 2:12

गानी कु-रु़दु़म रन्‍निलो ख्रीष्‍टनुङङा क्‍लु़म्‍सिट्‌निम बाइडा। मेम्‍मा ख्रीष्‍टलाई सिमुलाम फक्‍पा माम्‍चु़नीकु यु़मडा गानी थो़र बेन्‍निमलामका गानी वो ख्रीष्‍टनुङङा बक्‍निम बु।

१ कोरिन्थी 15:12

ख्रीष्‍ट सिमुलाम बम्‍गेम्‍डी र्‍वाक्‍साका गुकु सो़कु, मा हेसाका गानीगोडाम कोङनिमका सिपा मु़चु़ मेबगे र्‍वा?

रोमी 4:24

लावो इकीमा लागि वो र्‍यासिड्‍डाम सो़। उहेमका इकीमा ङाचो़ येशू ख्रीष्‍टलाई सिमुलाम फक्‍खेट्‍पा माम्‍चु़नीडा थो़र बेम्‍डिम बु। ओराम थो़रलामका ङा गुइ वो माम्‍चु़नीकु ङादोडा जो़पा न-गोकाम रेम्‍बेसिड्‌डिम बु।

थु़र्मा 3:26

खोत्‍ले इनी मेजो़पा खारीलामका ख्‍लोक्‍साका जि ग्‍वामुलाई माम्‍चु़नीका उनी त्‍वाकु डु़ल्‍चो़ थुट्‌मिडिमा ङादो इनीमाडा ङा थु़र्मिडी।”

यूहन्‍ना 5:19

येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, तारापाचो़ उ त्‍वाकाङा हाम वो बोमु मेचाप्‍सु़। पापका हाम बोमिमिम ल्‍वासु़ मेराम कोङङा बु़। पापका हाम बु़ तारापाचो़का मेमङा बु़।

मत्ती 27:63

मा र्‍वाम्‍डी, “ङाचो़, मेराम लुचो़ नु़पा बाइडालो ‘सुलेमका सिमुलाम बम्‍गेङु’ र्‍वाक्‍ताम आकी नडा बु।

मत्ती 16:21

गुमी यरूशलेम लमुङा बासिक्‍पा, मा ङाउमिमका, ङाउ डु़म्‍लाचो़मिमका नुङ डु़म्‍ला सीपा पातु़म्‍रीमिमका हापा ल्‍वालाम गुमीलाई दु़खा ग्‍वामी, गुमीलाई सेन्‍मी, लावो सुलेमनेम गुमी बम्‍गेट्‌मी र्‍वाक्‍साका मेम्‍लो आथाम येशूका उनी सीसिपामिममनुङ सो़मु चो़म्‍मिडी।

थु़र्मा 6:14

हेङालोने ओरामका आरे र्‍वाक्‍ताम गुकु थो़त्तोकोम बु, ‘नासरतडाम येशूका ओराम सो़रनेम फाल्‍मी, मा मोशाका गुइलाई ग्‍वाक्‍साड्‌डाम डु़म्‍ला वो वाङमी ङा दु़म्‍बेन्‍मी’।”