यूहन्‍ना 2:18 - थुलुङ राई

¹⁸ यहूदीमिमकु डोक्‍पुमिमका ओराम ल्‍वा गुमीनुङ बिम्‍डी, “गाना हाम बोनामिम? ओराम खारी बोमु माम्‍चु़नीका साखाम ग्‍वानामिम बु माला हेल्‍लो वो मेल्‍वाम्‍मा छेखोपका मेराम आच्‍छाङा र्‍वाक्‍पा रेम्‍बेट्‌की।”

यूहन्‍ना 2:18 Referans Kwoze

यूहन्‍ना 6:30

मेर्मिमका गुमीनुङ र्‍वाम्‍डी, “गानी गुकुलाई हेप्‍माम यु़मखारी रेम्‍बोनी मा मेराम रेप्‍साका गुकु थो़रबोमु? गानी हाम बोमु चाम्‍नी?

थु़र्मा 5:28

“येशूकु नङडा हाम वो मेसीनिमी र्‍वाक्‍साका गुकु गानीनुङ र्‍वाक्‍तोकोम मेएँ? लावो इनी सीसिका ने खोत्‍ले यरूशलेम ङा लिबेट्‌नी, मा मे येशूलाई गानी सेट्‌निम र्‍वाक्‍साका आकीमा बुइडला उन्‍मु माल्‍नी।”

थु़र्मा 4:7

मेकोतिमा मेर्मिमका पत्रुस नुङ यूहन्‍ना उनी ङादोडा येम्‍सिबेट्‌मिडिमा हिलाबेम्‍डी, “उहेम यु़मका डे सु़कु नङडा डे गाची ओ खेल ब्‍लेट्‌पा मु़चु़लाई सबेच्‍चिम?”

यूहन्‍ना 1:25

यूहन्‍नालाई हिलाबेम्‍डी, “गाना ख्रीष्‍ट वो मेएँ, एलिया वो मेएँ, माम्‍चु़नीलाम-जेपा मु़चु़ वो मेएँ माला हेङा मु़चु़मिमलाई कु-रु़दु़म ग्‍वानामिमिम?”

लूका 11:29

येशूकु होनोलाम-आथो़लाम मु़चु़मिम छो़म सेर्पा दु़म्‍तो लम्‍डिलो येशूका र्‍वाम्‍डी, “आथामबिलिम मु़चु़मिम छो़म मेजो़पा न-गोनुङमा बुमी। मेर्मिमका हेल्‍लो वो मेल्‍वाम्‍मा छेखोप रेम्‍बेट्‌की र्‍वाक्‍साका गोनुङ र्‍वामी। लावो मेर्मिमलाई योनाकु छेखोप कोङङा ग्‍वाक्‍पुमी।

मर्कूस 8:11

फरिसीमिम येशूकाडा रोम्‍डिमा गुमीनुङ हिलाहिसी बोमु चो़म्‍मिडी, मा उनीमा न छाम्‍मु लागि पाह्रीलाममिम कोङ छेखोप रेम्‍बेट्‌किनी र्‍वाम्‍डी।

मत्ती 21:23

येशू सो़रनेमगोडा हुम्‍डी, मा सीत्तोङा लेट्‌मिडी। मेकोतिलो ङाउ डु़म्‍लाचो़मिम नुङ ङाउमिम उनीमाडा रोम्‍डिमा र्‍वाम्‍डी, “ओर्मिम खारीमिम सु़का इमा मुलु़गोनो जु़ल्‍लु़म बु मा गाना बोनामिम? गानालाई सु़का ओराम साखाम ग्‍वाक्‍ना?”

यूहन्‍ना 1:19

यरूशलेमडाम डोक्‍पु यहूदीमिमका कु-रु़दु़म ग्‍वाक्‍पा यूहन्‍नालाई “सु़ गाना?” र्‍वाक्‍साका हिलाबेप्‍डा डु़म्‍लाचो़मिम नुङ लेवीमिमलाई थु़र्मिडी। मेम्‍लो यूहन्‍नाका ओराम सो़यु़डु़म बाइडा।