यूहन्‍ना 2:16 - थुलुङ राई

¹⁶ तुक्‍तुकुरमिम भ्रेट्‌पा मु़चु़मिमलाई गुमीका र्‍वाम्‍डी, “ओर्मिम पाखानो लक्‍नी। आमा पापकु नेमलाई गानी बजार बनेमेबेनी।”

यूहन्‍ना 2:16 Referans Kwoze

मत्ती 21:13

गुमीका मेर्मिमलाई र्‍वाम्‍डी, “माम्‍चु़नीकु सिजेमडा र्‍याक्‍मा बु, ‘आमा सो़रनेम सो़म्‍दी बेखोप नेम दु़म, लावो गानी ने ओरामलाई खुचु़वामिमकु घ्रो़म्‍खोप बुडखुम बनेबेन्‍निम बु’।”

मर्कूस 11:17

मेकोतिमा गुमीका सीत्तोङा र्‍वाम्‍डी, “हाम आरेप्‍माम र्‍याक्‍मा मिबु मा, ‘आमा नेम खोत्‍ले मिनीसामामिमका सो़म्‍दी बेखोप नेम र्‍वाक्‍साका छेमी।’ लावो गानी ने खुचु़वामिम बाखोप बुड्‌खुम डे बनेन्‍निम बु।”

लूका 2:49

येशूका मेर्चिपनुङ र्‍वाम्‍डी, “गानी हेङा गोलाई माल्‍ङिडिनिम? हाम गो आमा पापकु नेमडा बुमु बासी र्‍वाक्‍पा गानी चनिम मेबायावा?”

२ पत्रुस 2:3

रारी बेपा दु़म्‍साका मेर्मिम सीपाका लिमा ल्‍वा बनेबेसाका गानीलाम खउलुङ रमी। मेर्मिमका देन्‍दे ल्‍वामी र्‍वाक्‍साका ङादोङा मुलु़ दु़स्‍ताम बु मा मेर्मिम पुयु़लुमी र्‍वाक्‍पा ल्‍वा बुहोङङा बु।

यूहन्‍ना 5:17

येशूका मेर्मिमलाई आरे र्‍वाम्‍डी, “आमा पापका ओम्‍लोसम्‍म खारी बोमिम बुमी, मा गो वो खारी बेत्तोङा लेट्‌पु।”

१ तिमोथी 6:5

आरेप्‍माम मु़चु़मिमका हेल्‍लो लोवो रिबुसी कमिम बुमी। मेर्मिमकु न मेजो़पा बु मा आच्‍छाङाकाम ल्‍वा दाम्‍सोमु दु़म्‍मिडिम बु। मेर्मिमका माम्‍चु़नीकु सो़रलोले बोमु ने खउलुङ डु़पा लाम्‍दी र्‍वाक्‍पा मिम्‍मी।

यूहन्‍ना 20:17

येशूका गुलाई र्‍वाम्‍डी, “गोलाई मेजेट्‌ङी, हेङालोने गो पापकाडा ख्‍लोङसिङ्‌डोम मिबु। लावो आमा ल्‍वाकमिमकाडा लक्‍सामा र्‍वाका, ‘गो आमा पाप नुङ इनीमा पापकाडा मा आमा माम्‍चु़नी नुङ इनीमा माम्‍चु़नीकाडा लक्‍तोङा लेट्‌पु’।”

यूहन्‍ना 10:29

आमा पापका गोलाई ग्‍वाङ्‌डिमिम भेन्‍दामिम खोत्‍लेडाम घ्‍ल्‍वापा बुमी। सु़का वो मेर्मिमलाई आमा पापकु ल्‍वाडाम रोसाका लमु मेचाप्‍सु़।

यूहन्‍ना 8:49

येशूका र्‍वाम्‍डी, “गोलाई मुनाङका हुप्‍ङिडिम मिबु। लावो गो आमा पापलाई डोक्‍पु मिम्‍पु, मा गानी ने गोलाई याक्‍के मिम्‍ङिनी।

मत्ती 21:12

येशू माम्‍चु़नीकु सो़रनेमगोडा हुम्‍डी। मेकोतिमा भ्रेपा-भ्रेट्‌पामिम खोत्‍लेलाई गुमीका खान्‍सोम्‍डी। मेम्‍मा खउलुङ फाट्‌पामिमकु टेबलमिम नुङ तुकतुकुरमिम भ्रेट्‌पामिमकु गन्‍खोपमिम चार्सोम्‍डी।

मत्ती 22:5

“लावो हपका येड्‌डु़मिम ल्‍वाडा न मेसोक्‍मिवा, मा कोले ब्‍याङसीथो़ लस्‍ता, कोले उ ब्‍यापारथो़ लस्‍ता।

यूहन्‍ना 2:15

मेम्‍मा येशूका रिबाकाम याल्‍खोप बनेबेम्‍डिमा मेर्मिम खोत्‍लेलाई सो़रनेमलामका खान्‍सोम्‍डी। गुमीका बेनोमिम, भेन्‍दामिमलाई कोल्‍मिडी। मेम्‍मा खउलुङ फाट्‌पामिमकु खउलुङ फोन्‍साम्‍डी, मा मेर्मिमकु टेबल चार्सोम्‍डी।