यूहन्‍ना 2:11 - थुलुङ राई

¹¹ हेल्‍लो वो मेल्‍वाम्‍मा ओराम उनी खारी खोत्‍लेडाम ङादो येशूका गालीलडाम काना देलडा रेम्‍बेम्‍डी। आरेसाका गुमीका उनी यु़म-झ्‍वाक्‍सी रेम्‍बेम्‍डी, मा उनीमा सीसिपामिमका गुमीडला थो़र लु़म्‍डी।

यूहन्‍ना 2:11 Referans Kwoze

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

यूहन्‍ना 3:2

सिन्‍था गु येशूकाडा रोक्‍तामा र्‍वाक्‍ता, “सीपा, गानी माम्‍चु़नीलाम योक्‍पा सीपा मु़चु़ र्‍वाक्‍साका गुकु चकु। हेङालोने माम्‍चु़नी मेर्मिमनुङ मेदु़म्‍मिवा माला गानी बेन्‍निम हेल्‍लो वो मेल्‍वाम्‍मा छेखोपमिम सु़का वो बोमु मेचाम्‍मी।”

यूहन्‍ना 6:2

मेम्‍मा छो़म सेर्पा मु़चु़ येशूकु चङचङ लम्‍डी, हेङालोने गुमीका नो़पा मु़चु़लाई सबेट्‌मिडिम हेल्‍लो वो मेल्‍वाम्‍मा खारी मेर्मिमका ल्‍वाम्‍डिम बाइडा।

यूहन्‍ना 6:30

मेर्मिमका गुमीनुङ र्‍वाम्‍डी, “गानी गुकुलाई हेप्‍माम यु़मखारी रेम्‍बोनी मा मेराम रेप्‍साका गुकु थो़रबोमु? गानी हाम बोमु चाम्‍नी?

यूहन्‍ना 6:26

येशूका मेर्मिमनुङ र्‍वाम्‍डी, “आच्‍छाङा गो गानीलाई र्‍वाङु, यु़मखारीमिम ल्‍वान्‍निमका मेएँ खोहोम सो़बेम पेन्‍निमका गोलाई माल्‍तोङा लेन्‍ङिनी।

यूहन्‍ना 6:14

येशूका बेम्‍डिम यु़मखारी ल्‍वाम्‍डिमा मे मु़चु़मिमका र्‍वाम्‍डी, “सु़म्‍दिसेरडा रोक्‍पा माम्‍चु़नीलाम-जेपा मु़चु़ आच्‍छाङा गुमीङा रेछा।”

२ कोरिन्‍थी 4:17

गुकुनुङ ओम्‍लो कति दु़पा थारी नुङ याक्‍के दु़खा बु, ओरामका हेल्‍लो वो मेदाम्‍पा यु़म-झ्‍वाक्‍सी गुकुगोडा रेडु़। ओराम दु़खाडाम वो मेराम यु़म झ्‍वाक्‍सी ने हापा डोक्‍पु बु।

यूहन्‍ना 14:13

गानी आमा नङडा हाम बिनी मेराम गो रेथिक्‍पु, मेम्‍साका पापकु यु़म गो झ्‍वाबेट्‌पु।

यूहन्‍ना 12:41

यशैयाका येशूकु यु़म-झ्‍वाक्‍सी ल्‍वास्‍तु़मका उनीमा दुथाम ओराम सो़यु़डु़म बाइडा।

यूहन्‍ना 12:37

येशूका मे मु़चु़मिमकु ङादोडा हापा यु़म-खारीमिम बेम्‍डी, लावो मेर्मिमका गुमीडला थो़र मेबेमिवा।

यूहन्‍ना 2:23

सेल्‍सिक्‍पानेमकु चाडकाम थारीका गुमी यरूशलेमडा बाम्‍डी। मेकोतिलो गुमीका बेम्‍डिम हेल्‍लो वो मेल्‍वाम्‍मा खारीमिम ल्‍वाम्‍डिमका हापा मु़चु़मिमका गुमीडला थो़र लु़म्‍डी।

यूहन्‍ना 1:50

येशूका गुलाई र्‍वाम्‍डी, “गो गानालाई बैससीकु धक्‍सा फारगोयु़ ल्‍वान्‍नी र्‍वाङडोम ल्‍वाडाङा थो़र लु़ना? गाना ओरामडाम वो हापा डोक्‍पुतो ल्‍वामिम ल्‍वाना।”

१ यूहन्‍ना 5:13

गानी हेल्‍लो वो मेसिपा त्‍वारो़म ल्‍वान्‍निम बु र्‍वाक्‍पा चक्‍नी र्‍वाक्‍साका माम्‍चु़नीकु तारापाचो़कु नङडा थो़र बेपा गानीलाई ओराम ल्‍वा र्‍याक्‍तोङा बेउ।

यूहन्‍ना 4:46

गुमी गालीलथो़ खिर्सिम्‍डिलो काना देलडा रोम्‍डी। मेसिन्‍डा गुमीका कु अङ्‍गूरकु बिलाम बनेम्‍डिम बाइडा। मेसिन्‍डाङा कफर्नहुम देलडा कोले डोक्‍पु मु़चु़ बाइडा। मेरामकु तारापाचो़ छो़म नो़पा बाइडा।

यूहन्‍ना 5:23

मेम्‍साका पापलाई डोक्‍पु मिम्‍मिमिम होङङा तारापाचो़लाई वो डोक्‍पु मिम्‍मिनु़। तारापाचो़लाई डोक्‍पु मेमिम्‍पाका गुलाई थु़र्पा पापलाई वो डोक्‍पु मेमिम्‍मी।

२ कोरिन्‍थी 4:6

“तुकुम्‍चिमलाम ओल झ्‍वानु़” र्‍वाक्‍पा माम्‍चु़नी ङा आकीमा नडा उनीमा ओल झ्वाबेसाका माम्‍चु़नीकु यु़म-झ्‍वाक्‍सीकाम नेप्ची गुकुलाई थेसिथेन्‍बेत्तिकी। आच्छाङा ओराम ओल येशू ख्रीष्‍टकु ङालीडा झ्‍वा।

२ कोरिन्‍थी 3:18

ङाचो़कु यु़म-झ्‍वाक्‍सी गुइलामका रेम्‍बेसिनु़ र्‍वाक्‍साका इकीमा कल हुपा पार्सिड्‍डाम बु। ङाचो़, गुमी ङा पेल सो़, गुमीलाम रोक्‍पा यु़म-झ्‍वाक्‍सीका गुइलाई वो गुमी होप्‍माम ङा दु़म्‍बेसा मा गुइ आथावो हापा यु़म-झ्‍वासिक्‍पा दु़म्‍तो लक्‍सी।

यूहन्‍ना 11:15

गानी थो़रबेनी र्‍वाक्‍साका इनीमा लागि गो मेसिन्‍डा मेबाङुवामडा गो गेर्सिक्‍पा बुङु। लावो लक्‍सी उमाडा।”

यूहन्‍ना 1:17

हेङालोने माम्‍चु़नीका मोशालामका डु़म्‍ला ग्‍वाक्‍साड्‌डामी, लावो दिदाम नुङ आच्‍छाङाकाम ल्‍वा ने येशू ख्रीष्‍टलाम रेम्‍बेम्‍डी।

यूहन्‍ना 1:43

उ दिकाम येशूका गालील क्षेत्रथो़ लक्‍पा मुलु़ बेम्‍डी। गुमीका फिलिपलाई डार्मिडिमा र्‍वाम्‍डी, “आमा चङचङ लाम्‍दिया।”

यूहन्‍ना 2:1

उ नहाद्‌दामनेम गालील क्षेत्रडाम काना देलडा लालीकुन्‍दा दु़स्‍ताम बाइडा। येशूकु माम मेसिन्‍डा बाइडा।

यूहन्‍ना 4:3

येशूका ओराम ल्‍वा चम्‍डिमा गुमी यहूदिया क्षेत्रलामका गालील क्षेत्रथो़ ख्‍लोम्‍सिम्‍डी।

यूहन्‍ना 4:54

यहूदिया क्षेत्रलामका गालील क्षेत्रडा रोम्‍डिमा येशूका बेम्‍डिम ओराम ननोम उनी छेखोप बाइडा।

यूहन्‍ना 7:31

आथावो सेर्पा मु़चु़मिमगोडाम हापा मु़चु़मिमका गुमीडला थो़रलु़म्‍डी। मेम्‍मा मेर्मिमका र्‍वाम्‍डी, “ख्रीष्‍ट योमिलो ओराम मु़चु़का बु़डु़मडाम वो हाम हापा डोक्‍पु यु़मखारीमिम बोमी मा?”

यूहन्‍ना 9:16

फरिसीमिमगोडाम कोङ-कोङका र्‍वाम्‍डी, “मेराम मु़चु़ माम्‍चु़नीलाम योक्‍ताम मेएँ, हेङालोने मेरामका ङेम्‍सिमुनेम खारी बु़।” लावो वाङमिमका र्‍वाम्‍डी, “कोङ छु़लचो़का हेसाका आरेप्‍माम हेल्‍लो वो मेल्‍वाम्‍मा खारीमिम बोमु चाप्‍सु़?” मा मेर्मिमगोडा गो-फ दु़स्‍ता।

यूहन्‍ना 10:41

मेसिन्‍डा हापा मु़चु़मिम उनीमाडा रोम्‍डिमा र्‍वाम्‍डी, “यूहन्‍नाका ने हेल्‍लो वो मेल्‍वाम्‍मा छेखोपमिम रेम्‍मेबु़वा, लावो ओराम येशूकु दुथाम गुका सो़यु़डु़म खोत्‍ले ल्‍वा आच्‍छाङा रेछा।”

यूहन्‍ना 11:47

मेकोतिमा ङाउ डु़म्‍लाचो़मिम नुङ फरिसीमिमका डोक्‍पु-घ्रो़म्‍दीडाम मु़चु़मिमलाई येट्‌मिडिमा र्‍वाम्‍डी, “गुइ हाम बिइमिम? हेङालोने ओराम मु़चु़का हेल्‍लो वो मेल्‍वाम्‍मा यु़मखारीमिम हापा रेम्‍बेत्तोङा लेडु़।

यूहन्‍ना 12:18

गुमीका ओराम यु़मखारीमिम बेम्‍डिम र्‍वाक्‍साका थो़म्डिमका वो गुमीलाई क्रो़म्‍डा सेर्पा मु़चु़ लम्‍डिम बाइडा।

यूहन्‍ना 16:27

पाप उनी त्‍वाकाङा गानीलाई रिखाम बोनी, हेङालोने गानी गोलाई रिखाम बेङ्‌डिनिम बु। गो माम्‍चु़नीलाम योङडोम र्‍वाक्‍साका गानी थो़र लु़न्‍निम बु।

यूहन्‍ना 16:30

गानी खोत्‍ले चनी, मा सु़का वो गानीनुङ हिलाबोमु मेबासी। गानी माम्‍चु़नीलामका योक्‍निम र्‍वाक्‍साका ओरामलामका गुकु थो़र बोकु।”