यूहन्‍ना 19:9 - थुलुङ राई

⁹ मेम्‍मा आथावो ओगानेमगोनो हुङ्‌डा, मा येशूलाई हिलाबु़डु़, “गाना बान्‍तेम?” लावो येशूका गुलाई हाम वो मेतुकु़मिवा।

यूहन्‍ना 19:9 Referans Kwoze

यूहन्‍ना 18:33

मेम्‍मा पिलातस ओगानेमगोनो लस्‍ता, मा येशूलाई येड्‌डु़मा हिलाबु़डु़, “हाम गाना यहूदीमिमकु हप?”

फिलिप्‍पी 1:28

मा इनीमा कोर्थो़लाम बक्‍पामिमडाम हाङकोवो मेङिनी र्‍वाक्‍पा ल्वा थो़मु आमा न बु। इनीमा हेलो लोवो मेङिपा ल्वा ने कोर्थो़लाम बक्‍पामिमकाम लागि पुयु़लुक्‍पाकु छेखोप दु़म, लावो इनीमा लागि ने सेल्‍सिमुकु छेखोप सो़, मा मेराम सेल्सिमु ने माम्चु़नीलाम सो़।

यूहन्‍ना 8:14

येशूका र्‍वाम्‍डी, “आमा दुथाम गो त्‍वाकाङा सो़उतो लोवो गो सो़उतोम ल्‍वा आच्‍छाङा सो़। गो बालामका रोङ्‌डोम, मा गो बान्‍ते लक्‍तोङा बेउ, मेराम गो चक्‍पु। लावो गो बालामका रोङ्‌डोम डे बान्‍ते लङुमिम डे मेराम गानी मेचनी।

मत्ती 26:63

लावो येशू वायवाय बाम्‍डी। डोक्‍पु ङाउ डु़म्‍लाचो़का गुमीलाई र्‍वाक्‍ता, “गो गानालाई र्‍वाङु, गाना माम्‍चु़नीकु चो़ ख्रीष्‍ट माला हेल्‍लो लोवो बाट्‌पाम बाट्‌पा माम्‍चु़नीकु नङडा कसम पेसाका गुकुनुङ सो़या।”

यूहन्‍ना 18:37

पिलातसका र्‍वाक्‍ता, “मेएँ माला हाम गाना हपङा?” येशूका र्‍वाम्‍डी, “गो हप र्‍वाक्‍साका गानी जो़पाङा र्‍वानिम बुनी। ओरामकाम लागिङा गो गङ्‌डोम, मा आच्‍छाङाम ल्‍वा सो़मु लागि गो सु़म्‍दिसेरडा योङडोम। आच्‍छाङाकाम ल्‍वाथो़ सु़-सु़ बुमी, मेर्मिमका आमा ल्‍वा थो़मी।”

मत्ती 27:27

मेकोतिमा किब्‍दी साखामचो़ पिलातसकु सिपाहीमिमका येशूलाई ओगानेमगोनो लम्‍डी, मा पल्‍टनडाम खोत्‍ले सिपाहीमिमलाई येशूकु ङादोडा खोप्‍मिडी।

लूका 23:9

गुका येशूनुङ हापा ङा हिलाबु़डु़, लावो येशूका गुनुङ हाम वो मेर्‍वाक्‍मिवा।

यूहन्‍ना 18:28

मेकोतिमा यहूदीमिमका येशूलाई कैयाफाकु नेमलामका रोमी साखामचो़कु ओगानेमथो़ लम्‍डी। मेराम थारी नेमसोसोका बाइडा, मा डु़म्‍ला होम्‍साका मेसेपा दु़म्‍मुडाम वाङ बुमु ओगानेमगोनो यहूदीमिम मेहुमिवा। सेल्सिमुनेम चाडकाम ग्रुला पेपा मेर्मिमकु न बाइडा।

यूहन्‍ना 18:34

येशूका र्‍वाम्‍डी, “गानी इनी त्‍वाकाङा आरे र्‍वानिमिम डे आमा दुथाम कोङनिमका गानीनुङ सो़म्‍डी?”

यूहन्‍ना 19:8

ओराम ल्‍वा थो़स्‍तु़मा पिलातस ङादोमडाम वो छो़म ङिड्‌डा।

यूहन्‍ना 19:10

पिलातसका गुमीलाई र्‍वाक्‍ता, “गाना गोनुङ ल्‍वा बोमु मेद्‌वानामिम? गानालाई डिन्‍सोमु लोवो गानालाई क्रूसडा चेन्‍मु लोवो साखाम गोनुङ बु र्‍वाक्‍पा गाना मेचना?”