यूहन्‍ना 19:6 - थुलुङ राई

⁶ ङाउ डु़म्‍लाचो़मिम नुङ सो़रनेम लपा सिपाहीमिमका येशूलाई ल्‍वाम्‍डी मेडे येम्‍डी, “मेरामलाई क्रूसडा चेट्‌नी, मेरामलाई क्रूसडा चेट्‌नी।” लावो पिलातसका मेर्मिमलाई र्‍वाक्‍ता, “गानीङा ओरामलाई लक्‍निमा क्रूसडा चेट्‌नी। हेङालोने ओराम मु़चु़का ख्‍लो़ड्‌डु़म गो हाम वो मेडारुवा।”

यूहन्‍ना 19:6 Referans Kwoze

यूहन्‍ना 18:31

पिलातसका र्‍वाक्‍ता, “ओरामलाई गानीङा लक्‍नी, मा इनीमा डु़म्‍ला होम्‍साका निया बेनी।” मेर्मिमका र्‍वाम्‍डी, “लावो सु़लाई वो सेन्‍मु आकीमा डु़म्‍लाका मेग्‍वाकी।”

यूहन्‍ना 19:4

पिलातस आथावो पाखानो लुक्‍तामा र्‍वाक्‍ता, “रेप्‍नी, येशूलाई गो इनीमाडा फित्तोङा लेट्‌पु। गुका ख्‍लो़ड्‌डु़म ल्‍वा गो हाम वो मेडारुवा, मेराम गानी चक्‍नी र्‍वाक्‍पा आमा न बु।”

थु़र्मा 7:52

इनीमा ङाउ-खुउमिमका दु़खा मेग्‍वाक्‍मिवाम माम्‍चु़नीलाम-जेपा सु़ बुमी मा? माम्‍चु़नीकु नङका साट्‌मा मेराम उनी डु़ल्‍चो़ रोक्‍तोङा बोमी र्‍वाक्‍साका सेला थो़बेट्‌पा माम्‍चु़नीलाम-जेपामिमलाई वो मेर्मिमका सेट्‌मिडी। गानी ने माम्‍चु़नीकु डु़ल्‍चो़कु कोर्थो़लाम बक्‍निमा सेट्‌नी।

थु़र्मा 2:23

येशू गानीलाई ग्‍वामु माम्‍चु़नीकाम ङादो आथाममिम उनी मुलु़ नुङ न बाइडा। मेम्‍मिमका गानी गुमीलाई मेजो़पा मु़चु़मिमलाई ग्‍वाक्‍साका क्रूसडा चेसाका सेन्‍बेट्‌नी।

यूहन्‍ना 19:15

लावो मेर्मिमका डोक्‍पु लो़लामका येत्तो र्‍वाम्‍डी, “ओरामलाई लक्‍नी, ओरामलाई क्रूसडा चेट्‌नी।” पिलातसका हिलाबु़डु़, “हाम गो इनीमा हपलाई क्रूसडा चेन्‍मु?” ङाउ डु़म्‍लाचो़मिमका र्‍वाम्‍डी, “कैसर कोङङा आकीमा हप।”

लूका 23:4

पिलातसका ङाउ डु़म्‍लाचो़मिम नुङ सेर्पा मु़चु़मिमलाई र्‍वाक्‍ता, “ओराम मु़चु़का मेजो़पा खारी बु़डु़म गो हाम वो मेडारु।”

मत्ती 27:24

हाम वो बोमु मेझापा, मेरामडाम ने मु़चु़मिम येमु-दुमुमा ङाल्‍मु खाप्‍मिमिम पिलातसका ल्‍वास्‍तु़। मेम्‍मा गुका कु रङडु़मा सेर्पा मु़चु़कु ङादोडा उ ल्‍वा सो़ल्‍साका र्‍वाक्‍ता, “ओराम मु़चु़ सेन्‍मुडा गो हाम वो ख्‍लो़त्तोम मिबु, इनी त्‍वापङा चन्‍सिट्‌नी।”

मत्ती 27:22

पिलातसका मेर्मिमलाई हिलाबु़डु़मी, “मेम माला ख्रीष्‍ट र्‍वाक्‍मा येशूलाई गो हाम बेउमिम?” मेर्मिम खोत्‍लेका येत्तो र्‍वाम्‍डी, “मेरामलाई क्रूसडा चेट्‌नी।”

मत्ती 26:58

लावो पत्रुस ने होनो-होनो बासाका डोक्‍पु ङाउ डु़म्‍लाचो़कु देल्‍फुसम्‍मङा येशूकु चङचङ लस्‍ता। मेम्‍मा मेसिन्‍डा हाम दु़म र्‍वाक्‍साका रेम्‍मु लागि गु मेगोडा लस्‍तामा लपा मु़चु़मिमनुङ बाइडा।

यूहन्‍ना 18:3

मेकोतिमा रोमी सिपाहीमिम, ङाउ डु़म्‍लाचो़मिम नुङ फरिसीमिमका थु़र्मीडिम सो़रनेम लपा सिपाहीमिम रेसाका यहूदा मे बगैंचागोडा रोक्‍ता। मेर्मिमका धिप्‍री, डो़मार नुङ कातु़रु़मिम रेसाका रोम्‍डिम बाइडा।

यूहन्‍ना 18:38

पिलातसका गुमीलाई हिलाबु़डु़मी, “आच्‍छाङाकाम ल्‍वा र्‍वाक्‍मा हाम?” आकोति र्‍वाक्‍तामा गु लुक्‍तामा यहूदीमिमकामथो़ लस्‍ता, मा र्‍वाक्‍ता, “ओरामलाई मुमा बेन्‍मु ल्‍वा हाम वो मेडारुवा।