यूहन्‍ना 19:4 - थुलुङ राई

⁴ पिलातस आथावो पाखानो लुक्‍तामा र्‍वाक्‍ता, “रेप्‍नी, येशूलाई गो इनीमाडा फित्तोङा लेट्‌पु। गुका ख्‍लो़ड्‌डु़म ल्‍वा गो हाम वो मेडारुवा, मेराम गानी चक्‍नी र्‍वाक्‍पा आमा न बु।”

यूहन्‍ना 19:4 Referans Kwoze

यूहन्‍ना 19:6

ङाउ डु़म्‍लाचो़मिम नुङ सो़रनेम लपा सिपाहीमिमका येशूलाई ल्‍वाम्‍डी मेडे येम्‍डी, “मेरामलाई क्रूसडा चेट्‌नी, मेरामलाई क्रूसडा चेट्‌नी।” लावो पिलातसका मेर्मिमलाई र्‍वाक्‍ता, “गानीङा ओरामलाई लक्‍निमा क्रूसडा चेट्‌नी। हेङालोने ओराम मु़चु़का ख्‍लो़ड्‌डु़म गो हाम वो मेडारुवा।”

यूहन्‍ना 18:38

पिलातसका गुमीलाई हिलाबु़डु़मी, “आच्‍छाङाकाम ल्‍वा र्‍वाक्‍मा हाम?” आकोति र्‍वाक्‍तामा गु लुक्‍तामा यहूदीमिमकामथो़ लस्‍ता, मा र्‍वाक्‍ता, “ओरामलाई मुमा बेन्‍मु ल्‍वा हाम वो मेडारुवा।

लूका 23:4

पिलातसका ङाउ डु़म्‍लाचो़मिम नुङ सेर्पा मु़चु़मिमलाई र्‍वाक्‍ता, “ओराम मु़चु़का मेजो़पा खारी बु़डु़म गो हाम वो मेडारु।”

लूका 23:47

ओर्मिम खोत्‍ले ल्‍वास्‍तु़मा रोमी सिपाहीमिमकु कप्‍तानका माम्‍चु़नीकु नङ कोक्‍तो र्‍वाक्‍ता, “आच्‍छाङा ओराम माम्‍चु़नीकु न-गो होप्‍माम मु़चु़ बाइडा।”

१ यूहन्‍ना 3:5

लावो इकीमा छु़लमिम हेम्‍सामु येशू ख्रीष्‍ट रेम्‍बेम्‍सिम्‍डी। गुमीडा हाम वो छु़ल मिबु।

१ पत्रुस 3:18

इकीमा छु़लमिमकाम लागि ख्रीष्‍ट सिम्‍डी। कोखेप गुमी सिम्‍डिम बाइडा, आथा ने सिमु मेबासी। गुमीका हेल्‍लो वो छु़ल मेबेमिवा लावो गानीलाई माम्‍चु़नीकाडा रेन्‍मु छु़लचो़मिमकाम लागि गुमी सिम्‍डी। मिरो़मडा सिसाका गुमीका दु़खा ल्‍वाम्‍डी, लावो पेलडा गुमी नु़साका बम्‍गेम्‍डी।

१ पत्रुस 2:22

“गुमीका हेल्‍लो वो छु़ल मेबेमिवा, मा सु़लाई वो लु-फेले मेबेमिवा।”

१ पत्रुस 1:19

लावो हाम वो मेख्‍लो़ट्‌पा नुङ मेजो़पा हाम वो मेबाट्‌पा भेन्‍दाचो़ होप्‍माम ख्रीष्‍टकु हापा थिकाम सिसिका भ्रेसाका माम्‍चु़नीका गानीलाई फ्‍वाक्‍निमिम सो़।

२ कोरिन्‍थी 5:21

माम्‍चु़नीका ख्रीष्‍टडा गुइलाई उनी त्‍वाकु ङादोडा जो़पा न-गोकाम दु़म्‍बेन्‍मु लागि हेल्‍लो वो छु़ल मेबेपा ख्रीष्‍टलाई इकीमा छु़ल कुर्बेट्‌मिडी।

लूका 23:41

गुची ने ख्‍ल्‍याम्‍या बेच्‍चिमका सिमु घ्रेट्‌पाङा बुची, लावो गुमीका ने आरेप्‍माम मेजो़पा खारी ने हाम वो बेम्‍डिम मिबु।”

मत्ती 27:54

येशूलाई लपाम बाट्‌पा कप्‍तान नुङ सिपाहीमिमका सुबुरुक्‍सी लस्‍ताम नुङ मेसिन्‍डा दु़स्‍ताम खोत्‍ले ल्‍वाम्‍डिमा छो़म ङिम्‍डी। मेम्‍मा मेर्मिमका र्‍वाम्‍डी, “आच्‍छाङा ओराम ने माम्‍चु़नीकु चो़ङा बाइडाम रेछा।”

मत्ती 27:24

हाम वो बोमु मेझापा, मेरामडाम ने मु़चु़मिम येमु-दुमुमा ङाल्‍मु खाप्‍मिमिम पिलातसका ल्‍वास्‍तु़। मेम्‍मा गुका कु रङडु़मा सेर्पा मु़चु़कु ङादोडा उ ल्‍वा सो़ल्‍साका र्‍वाक्‍ता, “ओराम मु़चु़ सेन्‍मुडा गो हाम वो ख्‍लो़त्तोम मिबु, इनी त्‍वापङा चन्‍सिट्‌नी।”

मत्ती 27:19

निया बेपा गन्‍खोपडा पिलातस गन्‍तासिट्‍डालो उमा नाइमेका आरे र्‍वाक्‍पा सेला थु़र्स्‍तु़, “हाम वो मेख्‍लो़ट्‌पा मेराम मु़चु़लाई हे वो मेबेनी, हेङालोने बासिन्‍था गो उमा दुथाम ङिमा म्‍वात्तोमा छो़म दु़खा ल्‍वाउतोम बु।”

मत्ती 27:4

मेम्‍मा र्‍वाक्‍ता, “हाम वो मेख्‍लो़ट्‌पा मु़चु़लाई भ्रेसाका गो छु़ल बेउतो।” मेर्मिमका र्‍वाम्‍डी, “मेराम आकीमा लागि हाम मा? गानाङा चना।”

हिब्रू 7:26

मेम्‍मिमका गुइ चाहेबिइमिम डोक्‍पु डु़म्‍लाचो़ ने येशू ङा सो़। गुमी सेपा, हाम वो मेख्‍लो़ट्‌पा, छु़ल मान्‍थिम बुमी, मा गुमी छु़लचो़मिमडाम वाङ दु़म्‍साका खोत्‍लेडाम गेले पाह्रीला कोसिक्‍पा बुमी।

यूहन्‍ना 18:33

मेम्‍मा पिलातस ओगानेमगोनो लस्‍ता, मा येशूलाई येड्‌डु़मा हिलाबु़डु़, “हाम गाना यहूदीमिमकु हप?”