यूहन्‍ना 19:34 - थुलुङ राई

³⁴ मेम मेबेसाका कोले सिपाहीका येशूकु फेटफेटडा जातेका सुक्‍तु़, मा मेलामका सिसि नुङ कु हास्‍ल्‍याड्‌डा।

यूहन्‍ना 19:34 Referans Kwoze

१ यूहन्‍ना 5:6

येशू ख्रीष्‍टका उनीमा कु-रु़दु़मका नुङ क्रूसडला सिसि हासाका मु़चु़ दु़म्‍साका रेम्‍बेम्‍डी। कुका कोङङा मेएँ, कुका नुङ सिसिका। मेम्‍मा ओराम आच्‍छाङा र्‍वाक्‍साका माम्‍चु़नी-पेलका गुइनुङ सो़मी।

१ यूहन्‍ना 5:8

माम्‍चु़नी-पेल, कु नुङ सिसि। ओर्मिम सुलेका कोलेङा सो़मी।

रेम्‍बेट्‌मिडिम ल्‍वा 7:14

गो गुलाई र्‍वाङडो, “गानीङा चनी।” गुका गोनुङ र्‍वाक्‍ता, “ओर्मिम ने उनी थो़मतेर्ला सो़सिक्‍पामिम सो़, मा ओर्मिमका उनीमा ब्‍लाङमा भेन्‍दाचो़कु सिसिका सो़ल्‍साका बुबुयाम बनेबेम्‍डिम बु।

एफिसी 5:26

गुमीका थो़रलु़पामिमलाई कुका सो़ल्‍साका नुङ सिजेमका छेको छेको बेसाका सेपा दु़म्‍बेन्‍मु,

रेम्‍बेट्‌मिडिम ल्‍वा 1:5

माम्‍चु़नीकु दुथाम सो़मुडा थो़रलु़इमिम, सिमुलाम बग्‍गेट्‌पामिमगोडाम खोत्‍लेडाम ङादोम, मा सुबुडाम हपमिमडला साखाम थो़पा येशू ख्रीष्‍टलाम वो दिदाम नुङ न-भ्रसी ल्‍वानिनु़। येशू ख्रीष्‍ट, उहेमका गुइलाई रिखाम बेसामी मा गुमी सिम्‍डिम उनीमा सिसिका गुइलाई इकी छु़लमिमलाम वाङ बेसाड्‌डामी,

१ पत्रुस 3:21

मेराम कुका कु-रु़दु़म रेम्‍बु़, उहेमका गानीलाई सेल्‍नी। ओरामका मिरो़मडाम घ्राम्‍लु़पा तु़ पार्मा होप्‍माम मेएँ, लावो ननुङमाका माम्‍चु़नीडा याचे जेम्‍मा ल्‍वा सो़। ओरामका येशू ख्रीष्‍टकु सिमुलाम बग्‍गेसीलामका गानीलाई सेल्‍नी।

हिब्रू 9:22

आच्‍छाङा र्‍वामु माला डु़म्‍लाका र्‍वामिम होम्‍साका ने खोत्‍लेमथोक सिसिका सेपा दु़म्‍बेडु़, मा सिसि मान्‍थि ने छु़ल मेहेम्‍सी।

हिब्रू 9:13

मेसेपा मु़चु़मिमलाई छ्‌वारा नुङ बेनोकु सिसिका रमिमा मालोम पितु चासाका मेरामकु फोकाका फोसाका मेर्मिमकु मिरो़म सेपा दु़म्‍बेन्‍मी।

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

१ कोरिन्थी 6:11

गानीगोडाम कोङनिम वो आरेप्‍मामङा बान्‍नी। लावो माम्‍चु़नीका गानीलाई सो़ल्‍निमिमा छु़ललामका सेपा दु़म्‍बेट्‌निमिम बु, मा ङाचो़ येशू ख्रीष्‍टकु नङडा इकी माम्‍चु़नीकु पेललाम उनीमा ङादोडा गानीलाई जो़पा दु़बेट्‌निमिम बु।

१ कोरिन्थी 1:30

माम्‍चु़नीका गानीलाई येशू ख्रीष्‍टनुङ दु़म्‍बेट्‌निम बु। ख्रीष्‍ट ङा इकीमा लागि माम्‍चु़नीलाममिम नेप्‍ची, लोवो गुइलाई माम्‍चु़नीकु ङादोडा जो़पा मिम्‍पा, गुइलाई उनीमा सेपा मु़चु़ दु़म्‍बेट्‍पा, मा गुइलाई छु़ललामका वाङ बेपा दु़म्‍मिडिम बु।

मत्ती 27:62

उ दिकाम, सिलापालेम नेम ङाउ डु़म्‍लाचो़मिम नुङ फरिसीमिम पिलातसकाडा घ्रो़म्‍डा लम्‍डी,

थु़र्मा 22:16

मेम्‍मिमका दाला बासा, बकामा कु-रु़दु़म रङा। मेकोतिमा उनीमा नङडा सो़म्‍दी बेमा इमा छु़ल हेप्‍डा।’

यूहन्‍ना 19:33

लावो मेर्मिम येशूकाडा रोम्‍डिलो गुमी बासीङा सिम्‍डिम डार्मिडी। मेम्‍मा मेर्मिमका येशूकु खेल मेचम्‍साक्‍मिवा।

यूहन्‍ना 20:20

अकोति र्‍वाम्‍डिमा गुमीका मेर्मिमलाई उनी ल्‍वा नुङ फेटफेट रेम्‍बेट्‌मिडी। ङाचो़लाई ल्‍वाम्‍डिमा सीसिपामिम छो़म गेर्सिद्‌वाम्‍डी।