यूहन्‍ना 19:30 - थुलुङ राई

³⁰ येशूका मेराम दो़प्‍मिडिमा र्‍वाम्‍डी, “हुक्‍ता।” मेम्‍मा कुम्‍सिम्‍डिमा उनीमा साम लस्‍ता।

यूहन्‍ना 19:30 Referans Kwoze

यूहन्‍ना 17:4

गानी गोलाई बेबेट्‌ङिडिनिम खारी बेसोक्‍साका सुबुडा इनीमा यु़म झ्‍वाबेत्तोम बु।

फिलिप्‍पी 2:8

गुमी मु़चु़ दु़म्‍साका उनी त्‍वापलाई याक्‍के दु़म्‍बेट्‌मिडी, मा क्रूसडला सिम्‍डिमसम्‍मङा माम्‍चु़नीका र्‍वाम्‍डिम होम्‍साका बेम्‍डी।

हिब्रू 12:2

इकीमा थो़र चो़म्‍पा मा बेप्‍सोक्‍पा येशूडला इकीमा मिक्‍सी बिइ। गुमीका उनीमा ङादोडा जु़ल्‍मा न-भ्रसिसीकाम लागि क्रो़मलु़सीमिम हाम होङङा मेलु़साका क्रूसडलाम दु़खा इम्‍मिडी। मेम्‍मा साखाम थो़मिम बुमिमिम माम्‍चु़नीकु जो़पलाम गन्‍तासिट्‌मी।

यूहन्‍ना 10:11

जो़पा रेपा-क्रिपा गो। जो़पा रेपा-क्रिपाका उमा भेन्‍दामिमकाम लागि उ त्‍वापलाई सासेडु़।

लूका 23:46

मेकोतिमा डोक्‍पु लो़लामका येम्‍डिमा येशूका र्‍वाम्‍डी, “पाआ, गो आमा पेल इनी ल्‍वाडा जु़लु।” मेकोति र्‍वाम्‍डिमा उनी साम लस्‍ता।

रोमी 10:4

हेङालोने थो़रबेपामिम जो़पा न-गोकाम दु़म्‍मु चाप्‍मिनु़ र्‍वाक्‍साका डु़म्‍लाका माल्‍लु़म ल्‍वा ने येशू ख्रीष्‍टकाङा बेम्‍सोम्‍डी।

यूहन्‍ना 19:28

खोत्‍ले खारी बोम्‍सोमु दु़स्‍ता र्‍वाक्‍पा येशूका चम्‍डिमा माम्‍चु़नीकु सिजेम होङ्‍ङा रोथिनु़ र्‍वाक्‍साका गुमीका र्‍वाम्‍डी, “कोरा लु़डा।”

मर्कूस 15:37

मेकोतिलोङा येशू डोक्‍पु लो़लामका येम्‍डिमा उनी साम लस्‍ता।

यूहन्‍ना 10:18

सु़का वो गोलाम आमा साम रमु मेचाप्‍सु़। गो आमा त्‍वाकु नका आ त्‍वापलाई सासेट्‌पु। हेङालोने आ त्‍वापलाई सासेट्‌पा नुङ आथावो बम्‍गेमु आमा मुलु़गोडा बु। आमा पापका आरे बोमु गोलाई बेबेट्‌ङिडिमिम बु।”

यूहन्‍ना 4:34

येशूका मेर्मिमलाई र्‍वाम्‍डी, “गोलाई थु़र्पाकु न होङङा बोमु नुङ उनी खारी बोम्‍सोमुङा आमा पोमु-डुमु सो़।

मत्ती 20:28

मिनीचो़ चापे-डुपे बेला सो़सिप्‍डा मेएँ, चापे-डुपे बेप्‍डा नुङ उमा त्‍वाकु साम फ्‍यामुमा हापा मु़चु़मिमकु थि सोक्‍साका सेल्मु लागि योक्‍ताम सो़।”

मत्ती 27:50

मेकोतिमा येशू आथावो डोक्‍पु लो़लामका येम्‍डी, मा उनी साम लस्‍ता।

हिब्रू 9:22

आच्‍छाङा र्‍वामु माला डु़म्‍लाका र्‍वामिम होम्‍साका ने खोत्‍लेमथोक सिसिका सेपा दु़म्‍बेडु़, मा सिसि मान्‍थि ने छु़ल मेहेम्‍सी।

रोमी 3:25

माम्‍चु़नीका इकीमा छु़ल हेम्‍मु लागि येशू ख्रीष्‍टलाई सासेट्‌मिडिमा उनीमा सिसि हाट्‌मिडी र्‍वाक्‍साका थो़रलु़पा मु़चु़मिमकु छु़ल हेप्‍साड्‌मिडिम बु। माम्‍चु़नीका ओराम खारी बेम्‍डिमा गुमी जो़पा न-गोकाम बुमी र्‍वाक्‍पा ल्‍वा रेम्‍बेम्डिम बु। हेङालोने माम्‍चु़नीका ख्रीष्‍ट रोमु ङादो उनी छोक्‍चो इम्‍मिडी मा मु़चु़मिमका बेम्‍डिम छु़लकु देन्‍दे मेग्‍वाक्‍मिवा।

मत्ती 3:15

येशूका गुनुङ र्‍वाम्‍डी, “ओम्‍लो आरेङा बे, हेङालोने माम्‍चु़नीका बेनी र्‍वामिमिम खोत्‍ले बोमु बासी।” मेम्‍मा यूहन्‍नाका कु-रु़दु़म ग्‍वामु बिसिड्‍डा।

१ कोरिन्थी 5:7

ओ ङादोम छु़लकु लङखाम गानी पार्नी, मेम्साका गानी लङखाम मान्‍थिम जो़पा लाले फुला होङ्‍ङा सेपा दु़म्नी, आच्‍छाङा गानी मेप्‍माम ङा बुनी। हेङालोने ख्रीष्‍ट ने गुइलाई सेल्मु लागि सासेन्‍सिम्‍डिम बु, गुमीङा इकीमा सेल्सिमुनेम चाडकाम भेन्‍दाचो़ सो़।

लूका 22:37

हेङालोने “गुमी ख्‍ल्‍याम्‍याचो़मिमनुङ ङार्सिम्‍डी र्‍वाक्‍साका माम्‍चु़नीकु सिजेमडा आमा दुथाम र्‍याक्‍मा ल्‍वा रोक्‍थिट्‌पा थारी रोक्‍ताम बु। आच्‍छाङा आमा दुथाम र्‍वाक्‍मा खोत्‍ले ल्‍वामिम रोक्‍थित्तोङा लेडु़।”