यूहन्‍ना 19:17 - थुलुङ राई

¹⁷ गुमीका उनी त्‍वाकु क्रूस त्‍वाकाङा कुर्साका बुइसेर र्‍वाक्‍मा बायथो़ लम्‍डी, मेरामलाई हिब्रू ल्‍वाडा गल्‍गथा र्‍वामी।

यूहन्‍ना 19:17 Referans Kwoze

लूका 23:33

मेर्मिम बुइसेर र्‍वाक्‍मा खोमडा रोम्‍थिम्‍डी। मेकोतिमा मेसिन्‍डा मेर्मिमका येशूलाई क्रूसडा चेट्‌मिडी, मा ख्‍ल्‍याम्‍या बेपा मु़चु़चिपलाई वो कोले येशूकु जो़पलाम मा कोङमीलाई पेलामका क्रूसडा चेट्‌मिडी।

लूका 14:27

उहेम मु़चु़का उ त्‍वाकु क्रूस कुर्साका आमा चङचङ मेलाम्‍दी मेराम आमा सीसिपा दु़म्‍मु मेचाप्‍सु़।

लूका 23:26

पिलातसकु सिपाहीमिमका येशूलाई क्रूसडा चेन्‍मु लागि लक्‍तोङा बेम्‍डिलो कुरेनी शहरडा बाट्‌पा सिमोन देललामका यरूशलेमथो़ रोक्‍तोङा लेट्‌पा डार्मिडी। मेम्‍मा मेरामलाई सिपाहीमिमका चु़म्‍मिडिमा येशूकु क्रूस कुर्बेसाका उनी चङचङ लाम्‍दी बेट्‌मिडी।

थु़र्मा 7:58

मेर्मिमका स्‍तिफनसलाई शहरलामका पाखा ख्‍लुम्‍डी, मा गुलाई सेन्‍मु लागि लुङका ओम्‍मु चो़म्‍मिडी। मेकोतिमा स्‍तिफनसकु कोर्थो़लाम लिमा थेट्‌पामिमका उनी हुम-येमिम शाऊल नङकाम कोले स्‍वालाकु खेलफार्डा जु़ल्‍मिडी।

मर्कूस 15:32

ओराम आच्‍छाङा इस्राएलकु हप ख्रीष्‍ट ङा माला क्रूसलामका लुयोनु़। मेकोतिमा मेराम ल्‍वासाका गुइ थो़र लु़इ।” गुमीनुङ ङा क्रूसडा चेट्‌माचिपका वो मेम ङा र्‍वाक्‍चिमा गुमीलाई नानावोली बेच्‍चिमी।

लूका 23:38

“ओराम यहूदीमिमकु हप” र्‍वाक्‍मा छेखोप येशूकु बुइकुडला चेट्‌मा बाइडा।

लूका 9:23

गुमीका खोत्‍ले मु़चु़लाई र्‍वाम्‍डी, “कोङनिमका गोनुङ लाम्‍दिमु न बु़ माला मेरामका ङादो उ त्‍वाप कोङङा नु़ङुनु़ र्‍वाक्‍पा न मेबु़नु़, मा हेल्‍लो लोवो उ त्‍वाकु क्रूस कुर्नु़मा आमा चङचङ लाम्‍दिनु़।

मर्कूस 15:26

येशूकु बुइकु डला “यहूदीमिमकु हप” र्‍वाक्‍साका गुमीलाई मुमा बेट्‍मा ल्‍वा र्‍याक्‍साका चेट्‌मा बाइडा।

मर्कूस 10:21

येशूका मेरामलाई रेप्‍मिडिमा नाम-नामचो़ लु़त्तोङा र्‍वाम्‍डी, “गाना आथावो कोले खारी बोमु बासी। लक्‍सामा गानानुङ हा-हाम बु, मेर्मिम खोत्‍ले भ्रेडा, मा उनी हाम वो मेबाट्‌पामिमलाई ग्‍वाकामी। मेकोतिमा गाना पाह्रीला खाप्‍ची ल्‍वाना, मा बिकामा गोनुङ लाम्‍दिया।”

मर्कूस 8:34

मेकोतिमा गुमीका उनीमा सीसिपामिम नुङ मेर्मिमनुङ बाट्‌पा सेर्पा मु़चु़मिमलाई उनीमाथो़ येट्‌मिडिमा र्‍वाम्‍डी, “उहेमका गोनुङ लाम्‍दिमु न बु़, मेरामका उमा न होम्‍साका मेएँ, आमा न होम्‍साका बु़नु़, मा उमा त्‍वाकु क्रूस कुर्नु़ मा गोनुङ लाम्‍दिनु़।

मत्ती 27:37

“ओराम यहूदीमिमकु हप येशू” र्‍वाक्‍साका येशूकु कोर्थो़लाम र्‍याक्‍मा ल्‍वा येशूकु बुइकु डला मेर्मिमका चेट्‌मिडी।

मत्ती 16:24

मेकोतिमा येशूका उनी सीसिपामिमलाई र्‍वाम्‍डी, “कोङनिमका आमा चङचङ लाम्‍दिमु न बु़ माला मेरामका उमा नसिहोम बोमु डिसाका त्‍वाकु क्रूस कुर्नु़मा आमा चङचङ लाम्‍दिनु़।

मत्ती 10:38

उहेमका उ त्वाकु क्रूस कुर्साका आमा चङचङ मेलाम्‍दी, मेराम मु़चु़ आमा सीसिपा दु़म्‍मु मेघ्रेडु़।

यूहन्‍ना 5:2

यरूशलेम शहरगोनो भेन्‍दाकु लाम्‍चोको फार्डा दिनकु बाइडा। मेरामकु होनोलाम-आथो़लाम ङोले पिन्‍दी बाइडा, मेरामलाई हिब्रू ल्‍वाडा बेथस्‍दा र्‍वामी।

यूहन्‍ना 19:13

पिलातसका ओराम ल्‍वा थो़स्‍तु़मा येशूलाई पाखानो फिड्‌डु़। मेम्‍मा गु ‘लुङकु पाटी’ (हिब्रू ल्‍वाडा मेरामलाई गब्‍बथा र्‍वामी) र्‍वाक्‍मा बायडा नियाचो़ गन्‍पा गन्खोपडा गन्‍डा।