यूहन्‍ना 18:4 - थुलुङ राई

⁴ उनी त्‍वापडला दु़म्‍मु खाप्‍डु़मिम ल्‍वा चक्‍साका येशू रोम्‍डी, मा मेर्मिमनुङ हिलाबेम्‍डी, “गानी सु़ माल्‍निमिम?”

यूहन्‍ना 18:4 Referans Kwoze

यूहन्‍ना 13:1

सेल्‍सिमुनेमकु चाड ङादो गुमीका ओराम सु़म्‍दिसेर डिसाका पापकाडा लक्‍पा उनी थारी रोक्‍फाड्‌डा र्‍वाक्‍साका येशूका चम्‍डी। गुमीका सु़म्‍दिसेरडा बाट्‌पा उनी सीसिपामिम खोत्‍लेलाई रिखाम बेत्तो मेर्मिमलाई चङ्‌डासम्‍म छो़म रिखाम बेम्‍डी।

यूहन्‍ना 18:7

आथावो गुमीका मेर्मिमनुङ हिलाबेम्‍डी, “गानी सु़ माल्‍निमिम?” मेर्मिमका र्‍वाम्‍डी, “नासरतडाम येशू।”

थु़र्मा 2:28

गानी गोलाई त्‍वारो़मकु लाम्‍दी रेम्‍बेट्‌ङिडिनिम बु, गानी गोनुङ दु़म्‍निमा छो़म गेर्सी बेन्‍ङिनी।’

यूहन्‍ना 19:28

खोत्‍ले खारी बोम्‍सोमु दु़स्‍ता र्‍वाक्‍पा येशूका चम्‍डिमा माम्‍चु़नीकु सिजेम होङ्‍ङा रोथिनु़ र्‍वाक्‍साका गुमीका र्‍वाम्‍डी, “कोरा लु़डा।”

यूहन्‍ना 13:11

हेङालोने सु़का गुमीलाई भ्रेन्‍मु खाप्‍डु़मिम मेराम मु़चु़लाई गुमीका छेम्‍डिम बाइडा। मेम्‍मिमका गानी खोत्‍ले ने छेको-छेकोम मेबुनी र्‍वाम्‍डिम।

यूहन्‍ना 6:64

लावो थो़रमेलु़पा कोङनिम गानीगोडा बुमी।” हेङालोने मेर्मिम गोडा सु़का थो़र मेलु़मी मा सु़का गुमीलाई भ्रेडु़ र्‍वाक्‍पा ल्‍वा ङादो आथामङा येशूका चम्‍डिम बाइडा।

लूका 24:44

गुमीका मेर्मिमलाई र्‍वाम्‍डी, “गो ङादो गानीनुङ बाङडोलो मोशाकु डु़म्‍लाडा, माम्‍चु़नीलाम-जेपामिमकु खाजेमडा नुङ कोमु काम्‍सोकु खाजेमडा आमा दुथाम र्‍वाक्‍मा खोत्‍ले ल्‍वा रोम्‍थिमुङा बासी” र्‍वाङ्‌डोमा सो़उतोम बाइडा।

मत्ती 26:31

येशूका उनी सीसिपामिमलाई र्‍वाम्‍डी, “आनेप सिन्‍था गोडला हाम दु़म मेरामका गानी खोत्‍लेका गोलाई ङेन्‍ङिनी। हेङालोने माम्‍चु़नीकु सिजेमका आरे र्‍वा, ‘रेपा-क्रिपा मु़चु़लाई गो सेट्‌पु, मा भेन्‍दामिम फोन्‍सिमी।’

मत्ती 26:21

ग्रुला पेत्तोङा लेट्‌मिडिलो गुमीका र्‍वाम्‍डी, “आच्‍छाङा गो गानीलाई र्‍वाङु, गानीगोडाम कोलेका गोलाई भ्रेन्‍ङी।”

मत्ती 26:2

“आनेपकु नलेमका सेल्सिमुनेमकु चाड रो र्‍वाक्‍पा ने गानी चनिमिम बु, मा मिनीचो़ क्रूसडा चेन्‍मु लागि उ स्‍वाक्‍चिमो मु़चु़मिमकु ल्‍वाडा ग्‍वाला सो़सी।”

मत्ती 16:21

गुमी यरूशलेम लमुङा बासिक्‍पा, मा ङाउमिमका, ङाउ डु़म्‍लाचो़मिमका नुङ डु़म्‍ला सीपा पातु़म्‍रीमिमका हापा ल्‍वालाम गुमीलाई दु़खा ग्‍वामी, गुमीलाई सेन्‍मी, लावो सुलेमनेम गुमी बम्‍गेट्‌मी र्‍वाक्‍साका मेम्‍लो आथाम येशूका उनी सीसिपामिममनुङ सो़मु चो़म्‍मिडी।

१ पत्रुस 4:1

मेम्‍मिमका ख्रीष्‍टका उनी मिरो़मडा दु़खा ल्‍वाम्‍डी, गानी वो गुमी होप्‍मामङा दु़खा इम्‍मु नडा झो़म्‍जो़ल्‍सिट्‌नी। हेङालोने उहेमका मिरो़मडा दु़खा ल्‍वास्‍तु़म बु मेरामका छु़ल बोमु डिड्‌डु़म बु।

यूहन्‍ना 18:5

मेर्मिमका र्‍वाम्‍डी, “नासरतडाम येशू।” येशूका मेर्मिमलाई र्‍वाम्‍डी, “गुङा गो।” गुमीलाई भ्रेट्‌पा यहूदा वो मेर्मिमनुङङा येम्‍तासिट्‌पा बाइडा।