Biblia Todo Logo
Bib sou entènèt

- Piblisite -




यूहन्‍ना 18:11 - थुलुङ राई

11 येशूका पत्रुसलाई र्‍वाम्‍डी, “कातु़रु़ उ दापडा जु़ला। पापका गोलाई ग्‍वाङ्‌डिमिम दु़खाकु कान्‍चु़रे हाम गो मेडुमु?”

Gade chapit la Kopi




यूहन्‍ना 18:11
22 Referans Kwoze  

गुमी किचो़ होनोक्‍थो़ लम्‍डिमा खुम्‍बु बेसाका आरे र्‍वाक्‍तो सो़म्‍दी बेम्‍डी, “आमा पाप, नु़ माला ओराम दु़खाकु कान्‍चु़रे गोलामका हेमसाङनी। लावो आमा न होम्‍साका ने मेएँ, इनीमा न होम्‍साका बेनी।”


लावो येशूका मेर्चिपलाई र्‍वाम्‍डी, “गाची हाम बेत्तोङा लेन्‍ची, मेराम मेचची। गो डुमु खापुमिम मेभ्रपा दु़खाकु कान्‍चु़रेलामका हाम गाची डुमु चाम्‍ची मा?” मेर्चिपका र्‍वाक्‍ची, “चाम्‍चुकु।”


येशूका गुलाई र्‍वाम्‍डी, “गोलाई मेजेट्‌ङी, हेङालोने गो पापकाडा ख्‍लोङसिङ्‌डोम मिबु। लावो आमा ल्‍वाकमिमकाडा लक्‍सामा र्‍वाका, ‘गो आमा पाप नुङ इनीमा पापकाडा मा आमा माम्‍चु़नी नुङ इनीमा माम्‍चु़नीकाडा लक्‍तोङा लेट्‌पु’।”


गानी गो र्‍वाङ्‌डोम थो़नी माला आमा रिखामडा गानी बुनी, हेसाका गो वो आमा पापका र्‍वाम्‍डिम थो़उतो, मा उनीमा रिखामडा बुङु।


इकीमा थो़र चो़म्‍पा मा बेप्‍सोक्‍पा येशूडला इकीमा मिक्‍सी बिइ। गुमीका उनीमा ङादोडा जु़ल्‍मा न-भ्रसिसीकाम लागि क्रो़मलु़सीमिम हाम होङङा मेलु़साका क्रूसडलाम दु़खा इम्‍मिडी। मेम्‍मा साखाम थो़मिम बुमिमिम माम्‍चु़नीकु जो़पलाम गन्‍तासिट्‌मी।


गुइ क्‍वाल्‍बा बिइमिम गिजो-वाजो ने सु़म्‍दिसेरडाम मु़चु़मिमका मोक्‍पा गिजो-वाजो मेएँ। गुइ मोक्‍थालिमिम माम्‍चु़नीकु यु़मनुङमा गिजो-वाजोका ने खिर्मा खोम वो छो़रो़प बु़। ओराम गिजो-वाजोका हाम ना हामकु रिबुसी ल्‍वा दाम्‍बेडु़।


मा गुमीका र्‍वाम्‍डी, “ए माम्‍चु़नी पाआ, गानी न बोनी माला ओराम दु़खाकु कान्‍चु़रे गोलामका हेम्‍साङ्‍नी। लावो आमा न होम्‍साका मेएँ, इनी न होम्‍साका बेनी।”


आथावो येशू नखेपडा लम्‍डिमा सो़म्‍दी बेम्‍डी, “आमा पाप, गो ओराम मेडुथु़म मेनु़ङा माला इनीमा न होम्‍साका दु़म्‍नु़।”


आच्‍छाङाकाम सिजेम नुङ माम्‍चु़नीकु यु़मका उनीमा खारी बेपा मु़चु़ र्‍वाक्‍साका रेम्‍बोकु। गुइलाई बोपा-थार्पा मा क्‍वाल्‍बा बेपा इकीमा गिजो-वाजो र्‍वाक्‍मा ने माम्‍चु़नीकु ङादोडा जो़पा दु़म्‍साका खारी बोमु सो़।


येशूका र्‍वाम्‍डी, “आमा किब्‍दी ओराम सु़म्‍दिसेरडाम मेएँ। आमा किब्‍दी सु़म्‍दिसेरडाम माला ने आमा डु़ल्‍चो़मिमका आमा लागि क्‍वाल्‍बा बेमिवा, मा यहूदीमिमकु ल्‍वाडा गो मेचु़म्‍सिङुवा। लावो आमा किब्‍दी ओराम सु़म्‍दिसेरडाम मेएँ।”


“पाआ, गानी गोलाई ग्‍वाङ्‌डिनिम मु़चु़मिम बान्‍ते गो बुङु, मेसिन्‍डा गोनुङ दु़म्‍मिनु़ र्‍वाक्‍पा आमा न बु। सु़म्‍दिमो ङादोङा गानी गोलाई रिखाम बेङ्‌डिनिमका ग्‍वाङ्‌डिनिम यु़म-झ्‍वाक्‍सी मेर्मिमका रेम्‍मिनु़ र्‍वाक्‍पा वो न बेउ।


माम्‍चु़नीडा थो़रमेलु़पा सु़म्‍दिसेरडाम खोत्‍ले मु़चु़मिमका कोङङा आरेसाका मिम्‍ताम-सो़र्ताम बोमी। लावो गानीलाई चाहेदु़म्‍पा ल्‍वा इनी माम्‍चु़नीका ङादोङा चमी।


Swiv nou:

Piblisite


Piblisite