यूहन्‍ना 17:8 - थुलुङ राई

⁸ हेङालोने गानी ग्‍वाङ्‌डिनिम सिजेम मेर्मिमलाई गो ग्‍वाक्‍तोमिम बु, मा मेर्मिमका मेराम रम्‍डिम बु। गानीलाम योङडोम र्‍वाक्‍पा आच्‍छाङा मेर्मिमका चम्‍डी, मा गानी गोलाई थु़र्ङिडिनिम र्‍वाक्‍साका मेर्मिमका थो़र बेम्‍डिम बु।

यूहन्‍ना 17:8 Referans Kwoze

यूहन्‍ना 17:14

गो मेर्मिमलाई इनीमा सिजेम ग्‍वाक्‍तोमी, मा सु़म्‍दिसेरडाम मु़चु़मिमका मेर्मिमलाई मेद्‌वाक्‍मिवा, हेङालोने गो सु़म्‍दिसेरकाम मेएँ, मेप्‍माङा मेर्मिम वो सु़म्‍दिसेरकाम मेएँ।

यूहन्‍ना 15:15

आथा ने गो गानीलाई डु़ल्‍चो़ मेर्‍वाङु, हेङालोने उमा नेमहपका हाम बु़, मेराम डु़ल्‍चो़का मेच। मेम मेर्‍वाक्‍साका गो गानीलाई ङोप्‍सो़नी र्‍वाङु, हेङालोने आमा पापलामका थो़उतोम खोत्‍ले ल्‍वा गानीनुङ सो़उतोम बु।

यूहन्‍ना 16:30

गानी खोत्‍ले चनी, मा सु़का वो गानीनुङ हिलाबोमु मेबासी। गानी माम्‍चु़नीलामका योक्‍निम र्‍वाक्‍साका ओरामलामका गुकु थो़र बोकु।”

यूहन्‍ना 16:27

पाप उनी त्‍वाकाङा गानीलाई रिखाम बोनी, हेङालोने गानी गोलाई रिखाम बेङ्‌डिनिम बु। गो माम्‍चु़नीलाम योङडोम र्‍वाक्‍साका गानी थो़र लु़न्‍निम बु।

१ थेसलोनिकी 2:13

माम्‍चु़नीलाई गुकु हेल्‍लो लोवो आलासो़ ग्‍वाकु, हेङालोने उनीमा सिजेम गुकुलाम गानी थो़न्‍निलो मु़चु़मिमकु ल्‍वा होङङा मेएँ, माम्‍चु़नीकु सिजेमङा र्‍वाक्‍साका रन्‍नी। मेराम आच्‍छाङा माम्‍चु़नीकु सिजेम सो़, उहेमका गानी थो़रलु़पामिम गोडा खारी बु़।

१ यूहन्‍ना 4:14

गुकु ल्‍वात्तोकोम बु मा मेराम सो़कु, सु़म्‍दिसेरलाई सेल्‍मु लागि पापका उनीमा तारापाचो़ थु़र्मिडी।

यूहन्‍ना 17:21

मेम्‍साका मेर्मिम खोत्‍ले कोङसो़ दु़म्‍मिनु़, पाआ, हेसाका गानी गोगोडा बुनी, मा गो गानीडा बुङु। मेर्मिम इकीमाडा दु़म्‍मिनु़, मेम्‍साका गानी गोलाई थु़र्ङिडिनिम र्‍वाक्‍पा सु़म्‍दिसेरका थो़र बु़नु़।

यूहन्‍ना 8:42

येशूका मेर्मिमलाई र्‍वाम्‍डी, “माम्‍चु़नी इनीमा पाप बामिवाम माला ने गानी गोलाई रिखाम बेङिनिवा, हेङालोने माम्‍चु़नीलामका गो इनीमाडा रोङ्‌डो। गो आमा त्‍वाकु नका रोङ्‌डोम मेएँ, लावो गुमीका गोलाई थु़र्ङिडिमिम।

यूहन्‍ना 14:10

“गो पापगोडा बुङु मा पाप आमागोडा बुमी र्‍वाक्‍पा हाम गाना थो़र मेलु़ना? गो गानीलाई र्‍वाङुमिम ल्‍वा आमा त्‍वाकु नका र्‍वाङुमिम मेएँ, आमागोडा बाट्‌पा पापका र्‍वाबेन्‍ङिमिम, मा गुमीका उनी खारी बेत्तोङा लेन्‍मी।

यूहन्‍ना 12:49

गो आमा त्‍वाकु नका जेङ्‌डोम मेएँ। गो हाम जेमु बासिक्‍पा, मा हाम र्‍वामु बासिक्‍पा मेराम गोलाई थु़र्पा आमा पापका बेबेट्‌ङिडिमिम बु।

यूहन्‍ना 6:68

सिमोन पत्रुसका गुमीलाई र्‍वाक्‍ता, “ए ङाचो़, गुकु सु़काडा लमु मा? गानीनुङ मेसिपा त्‍वारो़मकु सिजेम बु।

१ थेसलोनिकी 4:1

हुम-दडा, वा-ल्‍वाकनी, गुकुलाम गानी सीन्‍सिट्‌निम होङङा माम्‍चु़नीलाई गेर्सिबेसाका बानी र्‍वाक्‍साका ङाचो़ येशूकु नङडा छो़म र्‍वाकु। ङादो वो गानी आरेङा बेन्‍निम बु, मा आथावो छो़म मेमङा बेनी र्‍वाक्‍साका इनीमा सो हन्‍बेन्‍कु।

१ कोरिन्थी 15:1

वा-ल्‍वाकनी, गो गानीलाई थो़बेट्‌निनिम जो़पा-सेला मिम्‍बेन्‍मु आमा न बु, उहेम गानी रन्‍नी मा मेरामडाङा बुनिम बुनी।

यूहन्‍ना 17:23

मेर्मिम खोत्‍ले कोले दु़म्‍मिनु़ र्‍वाक्‍साका गानी गोगोडा दु़म्‍निमा गो मेर्मिमडा दु़म्‍ङु। मेम्‍मा गानी गोलाई रिखाम बेङ्‌डिनिम होङ्‍ङा मेर्मिमलाई रिखाम बेनिमी र्‍वाक्‍पा नुङ गानी गोलाई थु़र्ङिडिनिम र्‍वाक्‍पा सु़म्‍दिसेरका च।

यूहन्‍ना 17:18

गानी गोलाई सु़म्‍दिसेरडा थु़र्ङिडिनिम होङ्‍ङा मेर्मिमलाई सु़म्‍दिसेरडा थु़र्तोमिम बु।

मत्ती 13:11

गुमीका मेर्मिमलाई र्‍वाम्‍डी, “माम्‍चु़नीकु किब्‍दी हाम र्‍वाक्‍साका आच्‍छाङा छेपा सामा गानीलाई ने ग्‍वाक्‍मा बु, लावो वाङमिमलाई ने ग्‍वाक्‍मा मिबु।

१ कोरिन्थी 11:23

हेङालोने ङाचो़लाम गो हाम ल्‍वाउतो मेराम गो गानीलाई ग्‍वाक्‍निनिम बु। ङाचो़ येशू चु़म्‍ला सो़म्‍सिम्‍डिम सिन्‍था गुमीका सो़बेम झेट्‌मिडी,

यूहन्‍ना 3:33

गुमीका सो़मिमिम ल्‍वा उहेम मु़चु़का थो़र बु़, मेरामका माम्‍चु़नी आच्‍छाङाकाम बुमी र्‍वाक्‍पा रेम्‍बु़।

यूहन्‍ना 3:17

सु़म्‍दिसेरडाम मु़चु़मिमलाई मुमा बेन्‍मु र्‍वाक्‍साका माम्‍चु़नीका उनीमा तारापाचो़लाई थु़र्मीडिम मेएँ, लावो सु़म्‍दिसेरडाम मु़चु़मिम गुमीलामका सेल्‍सिमिनु़ र्‍वाक्‍साका थु़र्मिडी।

यूहन्‍ना 17:3

मेसिपा त्‍वारो़म ल्‍वापा लाम्‍दी ओराम सो़: गानी कोलेङा आच्‍छाङाकाम माम्‍चु़नीलाई मेर्मिमका छेमु, मा गानी थु़र्निम येशू ख्रीष्‍टलाई वो छेमु।

रेम्‍बेट्‌मिडिम ल्‍वा 1:1

ओराम खाजेमडा दालाङा हाम दु़म्मिम मेराम ल्‍वा येशू ख्रीष्‍टका रेम्‍बेम्‍डिम बु। त्‍वाकु लाले-पाङके बेपा डु़ल्‍चो़मिमका दालाङा ओराम ल्‍वाकु दुथाम चमिनु़ र्‍वाक्‍साका माम्‍चु़नीका ओराम रेम्‍बेट्‌मिडम ल्‍वा येशूलाई ग्‍वाम्‍डी। मेम्‍मा ओराम ल्‍वाकु दुथाम सो़मु लागि येशूका कोले पाह्रीचो़लाई उनीमा त्‍वाकु डु़ल्‍चो़ यूहन्‍नाकाडा थु़र्मिडी।